Спорт
Барселона не може да го регистрира новиот тренер

Џона Лапорта пред три години ја презеде Барселона, во момент кога клубот имаше големи финансиски проблеми и долг од речиси 1.300.000.000 евра. Од неговото доаѓање Барселона редовно има проблеми со финансискиот фер-плеј што се одразува на регистрацијата на фудбалерите. Овие проблеми ја следат Барселона и пред почетокот на летниот преоден рок.
Финансиските проблеми, во овој момент не и дозволуваат на Барселона да го регистрира новиот тренер, Ханси Флик и неговиот стручен штаб.
Фискалната година трае од 30 јуни до 30 јуни и Барселона има уште еден месец да ги „испегла“ сметките, за да може да го регистрира тренерот и не само него.
Исто така, во моментов не се регистрирани уште четворица играчи: Ињиго Мартинез, Алехандро Балде, Гави и Витор Роке.
Гави и Балде, поради повредие предвреме ја завршија сезоната, па Барселона не ги пријави за вториот дел од шампионатото на Шпанија. Минатото лето Ињиго Мартинез можеше да биде пријавен за една сезона, па истото би требало да се случи и ова лето.
Во јануари, Барслеона до крајот на сеозната го регистрираше младиот Бразилец, Витор Роке.
Но, во Каталонија уверуваат дека се е под контрола, чекаат официјално потпишување на нов договор со компанијата „Најки“, кој ќе биде голем, па клубот нема да има проблем да ги регистрира фудбалерите и тренерот.
Инаку, за конечно Барселона да може да работи по принципот 1:1 (колку што ќе заработи толку да може и да потроши), мора да продаде некои играчи, и тоа највредните.
Флик ја стопирал продажбата на Роналд Араухо и Френки де Јонг, Рафиња е фудбалер кој има голема вредност на пазарот но засега тој одбива да ја наушти Барселона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Лаутаро до соиграчите: Ако не сакате да бидете овде, заминете

Интер го заврши својот настап на Светското клупско првенство во осминафиналето. Вчера, во Шарлот, Флуминензе го победи Интер со 2:0.
По натпреварот, најгласен во микс зоната беше капитенот Лаутаро Мартинез, чија изјава веднаш ги преплави италијанските медиуми и социјалните мрежи.
Аргентинецот ги повика поединците во соблекувалната за, како што тврди, недостаток на мотивација и желба да се борат за грбот на Интер.
„Кој сака да остане, нека остане. Кој не сака, нека си оди. Овој дрес треба да се почитува и ние мора да се бориме за цели достојни за историјата на клубот“, започна Мартинез.
Мартинез објасни дека го боли начинот на кој тимот влегол во натпреварот и рече дека некои работи што ги видел на теренот и околу него не се прифатливи.
„Мора да сакате да бидете овде. Оние кои сакаат да останат, нека останат, оние кои не сакаат, нека си одат. Видов работи што не ми се допаднаа“, рече тој, а потоа ја презеде одговорноста:
„Јас сум првиот одговорен како капитен. Им се извинувам на навивачите, уште еден пораз многу боли. Сега мора да се одмориме и да почнеме одново со целата енергија што ја имаме.“
Италијанските коментатори оценија дека речениците за „оние кои сакаат да играат за Интер“ се директна порака до раководството, или за брзо чистење на соблекувалната, или за појасно дефинирање на амбициите на тимот.
Медиумските анализи наведуваат дека Интер ја завршува оваа сезона без трофеј за прв пат од 2020 година, и дека испаѓањето во осминафиналето ќе го чини клубот десет милиони евра премии.
Спорт
Баџо призна: Во САД сакав да се самоубијам

Легендарнуот Италијанец Роберто Баџо зборуваше за промашениот пенал во финалето на Светското првенство во САД во 1994 година.
По промашениот пенал на Баџо, Бразил ја освои титулата светски шампион, додека Италијанците мораа да се задоволат со второто место.
„Да имав нож во тој момент, ќе се самоубиев“, призна тој. „Да имав пиштол, ќе се самоубиев. Во тој момент сакав да умрам“.
„Целото Светско првенство, не само нашите натпревари, се играше под екстремно високи температури“, додаде тој.
„Моравме да работиме исклучително напорно, далеку над човечките можности, за да можеме да играме. Но, и покрај сè, бевме водени од страста и желбата да постигнеме резултати, а многу Италијанци кои живееја таму беа горди на нас. Го чувствувавме тоа како тим. Тоа беше дополнителна сила за нас да ги надминеме пречките.“
Спорт
Денвер го размени Портер јуниор и го врати Брус Браун

Денвер Нагетс направија важен трејд. Тие го испратија крилото Мајкл Портер јуниор и незаштитениот пик од првата рунда во 2032 година во Бруклин Нетс за крилото Камерон Џонсон.
Со овој трансфер, Нагетс успеаја да се ослободат од договорот на Портер, кој вреди 38,3 милиони долари за следната сезона и 40,8 милиони долари во сезоната 2026/2027.
Џонсон ќе заработи 21 милион долари следната сезона, а 23 милиони во сезоната 2026/2027. Ова е воедно и првиот голем потег на новото раководство на Нагетс, кое го сочинуваат Бен Тенцер и Џон Волас. Со овој потег, Денвер излегува од зоната на „данок на луксуз“ и си дава поголема можност за маневрирање при составувањето тим за следната сезона.
По размената, Нагетс потпишаа и со слободниот агент Брус Браун, кој се согласи на едногодишен договор за ветерански минимум. Браун беше важен играч во тимот на Денвер кој ја освои титулата во НБА во 2023 година.
Браун беше омилен во соблекувалната на Денвер и одигра значајна улога во походот на титулата.
Во сезоната 2022/2023, тој имаше просек од 11,5 поени, 4,1 скока и 3,4 асистенции по натпревар. Минатата сезона, играјќи за Торонто Репторс и Њу Орлеанс Пеликанс, тој имаше просек од 8,3 поени и 4 скока.
Џонсон, исто така, се чини како потенцијално добро дополнување за Нагетс. Крилниот играч ја одигра најдобрата сезона во кариерата, со просек од 18,8 поени, 4,3 скока и 39% шут за три поени.
Портер ја помина целата своја шестгодишна НБА кариера во Денвер, каде што имаше просек од 18,2 поени и седум скока во 77 натпревари минатата сезона.