Спорт
Барселона собира пари за да го откупи договорот на Феликс
Атлетико Мадрид, на крајот од сезоната може да врати голем дел од парите што ги вложи во трансферот на Жоао Феликс. Младиот Португалец, во 2019 година се пресели во Мадрид за клупски рекорд од 126 милиони евра. Во Атлетико само на моменти покажуваше со каков талент располага.
Жоао Феликс, најмногу поради несигласувањата со тренерот Диего Симеоне и своето незалагање на теренот, во јануари се пресели на позајмица во Челси. Новиот тренер на „сините“, Маурицио Покетино на крајот од сезоната го советуваше клубот да не го откупува неговиот договор.
Феликс се врати во Мадрид, а Атлетико веднаш одби понуда од Саудиска Арабија. Клуб од оваа земја понуди 15 милиони евра за едногодишна позајмица.
Во финишот на преодниот рок, Атлетико и Барселона постигнаа договор и Португалецот повторно како позајмен играч замина од „Метрополитано“. Пред да замиен во Барселона, Атлетико инситираше тој да го продолжи договорот до 2029 година за да ги амортизира трошоците.
Феликс во Барселона изгледа доста добро на теренот, Шпанците тврдат дека Барселона сака да го откупи неговиот договор. Атлетико нема да се противи да го продаде Португалецот но само за сума од 80 милиони евра.
Медиумите во Шпанија пишуваат дека Барселона веќе прави сериозни напори за да собере пари да го откупи договорот на Феликс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новак Ѓоковиќ го победи Австралиецот Алексеј Попирин
Српскиот тенисер Новак Ѓоковиќ го победи Австралиецот Алексеј Попирин со 3:1, по сетови 4:6, 6:3, 6:4 и 7:6 (7:3) и се пласираше во осминафиналето на Вимблдон.
Попирин му пружи одличен отпор на Ѓоковиќ, но тој не успеа да го загрози пласманот на вториот светски тенисер во следната фаза, иако го доби првиот сет и сервираше на високо ниво во текот на целиот меч.
Двајцата тенисери одлично сервираат на почетокот на мечот кој го одбележаа кратки размени и брзи игри.
Попирин се трудеше да не влезе во долги размени со Ѓоковиќ во кои немаше шанси и се потпираше на неговиот сервис – убедливо најдобриот дел од неговата игра.
Така се играше до седмиот гем, кога Попирин го искористи падот на концентрацијата на Ѓоковиќ и ја искористи првата брејк топка.
Тој ја одржуваше предноста до крајот на сетот и поведе во сетовите непосредно пред почетокот на дождот, поради што мораше да се затвори покривот на паузата меѓу сетови.
После тоа Попирин имаше шанса во третиот гем од вториот сет да стигне до нов брејк, но Ѓоковиќ избега со асови, по што го одигра натпреварот без грешка.
Веќе во следниот гем му го одзеде сервисот на противникот, и до крајот на вториот сет но и на мечот не му даде можност да се врати.
Спорт
Шишето на Пикфорд ќе влезе во историјата на ЕП
Англичаните не дозволија историјата да се повтори, а овојпат успеаа да го совладаат противникот во пенал рулетот.
Сите пет играчи на Англија успешно ги изведоа пенали, а заслугата за влез во полуфиналето ја превзема Пикфорд, одбранувајќи го ударот на Аканџи.
На овој начин беше елиминирана Швајцарија, а беше забележан интересен детал на шишето од кое англискиот голман пиеше вода.
На него имаше список на играчите од Швајцарија со забелешка на која страна ќе се шутира пеналот.
За Аканџи пишуваше дека ќе шутира по левата страна од својот гол.
Спорт
За Кимих, Крос е најдобриот германски фудбалер на сите времиња!
Германската фудбалска репрезентација вчера беше поразена од Шпанија во четврт-финалето на Европското првенство, а испаѓањето на „панцерите“ од шампионатот го означи крајот на кариерата на легендарниот Тони Крос.
Неодамнешниот ас на Реал Мадрид и на „панцерите“ ги закачи копачките на 34 години, а во кариерата освои се што може да се освои, освен титулата европски првак со репрезентацијата.
Соиграчот на Крос од германската репрезентација Џошуа Кимих изјави дека легендарниот играч за врска е најдобриот фудбалер во историјата на оваа фудбалска земја.
„За мене тој е несомнено најдобриот играч што Германија некогаш го имала. Покрај тоа, тој е фантастична личност, пример за сите нас во соблекувалната“, изјави Кимих.
Тој своевремено ја делеше соблекувалната на Баерн Минхен со Крос