Спорт
Бартомеу: Барса немаше пари за Погба
Претседателот на Барселона, Жосеп Марија Бартомеу во интервју за „ЕСПН“ тврди дека каталонскиот гигант немал доволно пари да потпише со Пол Погба кога тој замина од Јувентус за да се врати кај Манчестер јунајтед во 2016 година.
Погба и Јунајтед во среда ќе се судрат со Барселона во првиот меч од четврт-финалето од Лигата на шампионите, но Погба би можел да носи поинаков дрес доколку работите испаднале поинаку во 2015. Барса имала состанок со агентот на Погба, Мино Рајола во 2015, но кога Јунајтед решија да платат 90 милиони фунти, Барса испаднала од „трката“.
„Летото 2015, Пол Погба играше во Торино и им порачавме на Јуве дека ако еден ден решат да го продадат, ние ќе сме заинтересирани. Но, кога го продаваа ни ја кажаа понудата и едноставно не можевме да си приуштиме такви пари тогаш. Затоа тој отиде во Јунајтед и ги направи подобар тим бидејќи е една од најголемите фудбалски ѕвезди на денешницата“, вели Бартомеу.
Барселона го победи Јунајтед во финалињата на ЛШ во 2009 и 2011 година, а ова е само вторпат да стигнат до четврт-финалето по повлекувањето на Сер Алекс Фергусон во 2003. Сепак, Бартомеу вели дека може многу да се научи од еден од најбогатите клубови на светот.
„Дојдов во Барса во 2003 со Жоан Лапорта и тогаш нашите приходи беа многу ниски. Еден од моделите кои го разгледувавме беше тој на Јунајтед, како тие го прават маркетингот, како потпишуваат спонзорски договори и кога учиш од најдобрите… Разликата не е таква сега, сега сме на слично ниво. Јунајтед секогаш биле за нас референца за финансисите и приходот, но и во перформансите“, додава Бартомеу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барнли испадна од Премиер лигата
Саботните попладневни натпревари во Премиер лигата ја разрешија дилемата кој се сели во Чемпионшип заедно со Шефилд Јунајтед. Барнли по само една сезона се враќа во Чемпионшип дивизијата.
Барнли беше поразен на гостувањето кај Тотенхем со 2:1 (1:1), додека на прагот на Чемпионшип е и Лутон, кој во Лондон беше поразен и од Вест Хем со 3:1 (0:1).
Ако Нотингем Форест освои барем бод во дуелот со Челзи, на коло пред крајот и Лутон ќе биде отпишан д Премиер лигата.
За Тотенхем мечот со Барнли беше важен и поради битката за петтата позиција која води во Лига Европа.
Тотенхем се изнамачи за да ги освои бодовите протв Барнли. Гостите водеа од 25.минута со голот на Јакоб Брун Ларсен.
Тотенхем изедначи во 32. минута преку Педро Поро, а победата им ја донесе Мики ван де Вен во 82. минута.
На стадионот на Вест Хем, Лутон имаше сè во свои раце по првите 45 минути. Од шестата минута имаше предност на Локонга.
Сепак, Вест Хем подоцна успеа да воспостваи контрола на теренот и да постигне три гола. Стрелци беа на Ворд-Проуз во 54. минута, Соучек во 66. минута и Ерти во 77. минута.
Кристал Палас како гостин славеше кај Вулвс со 3:1, додека дуелот меѓу Њукасл и Брајтон заврши без победник (1:1).
Сега е извесно дека „страчките“ ќе бидат на шестото место, што ги води во квалификациите за Конференциската лига.
Спорт
(Видео) Нестварен пресврт на Келн, живи надежта за опстанок во Бундес лигата
Фудбалерите на Келн со се вртија по неагтивата од два гола против Унион Берлин и во пресрет на последното коло во Бундес лигата ги задржаа шансите да останат во лигата.
Унион, кој сезонава одигра солидно во групната фаза од Лигата на шампионите, одлично го започна натпреварот во Келн. По 19.минути игра гостите од престолнината имаа водство 0:2. Стрелци Кнохе во 15. и Фоланд во 19.минута од пенал.
До крајот на првиот дел, Кнајц ја намали предноста на Унион.
И во моментите кога некои навивачи веќе почнаа да го напуштаат стадионот, се појави трошка надеж, во 89. минута Тигес со глава погоди за 2:2., а во третата минута од судиското надополнување ерупција од воодушевување предизвика голот на Даунс.
Келн со 27 поени остана на претпоследното место, Унион е прв над цртата со 30 бода.
Лајпциг дефинитивно е во Лигата на шампионите, но се уште е неизвесно дали ќе биде на четвртото место. Таа позиција можеа да ја потврдат и против Вердер, но освоија бод пред своите гледачи – 1:1. Македонскиот репрезентативец Елмас настапи од 64.минута кога влезе на местото на Баумгартнер.
Резултати:
Фрајбург-Ханденхајм 1:1
Борусија Менхенгладбах-Ајнтрахт 1.1
Лајпциг-Вердер 1.1
Келн-Унион Белрин 2:3.
Спорт
УЕФА ќе го казни судијата кој Баерн го чинеше испаѓање од ЛШ
Полскиот судија Шимон Марчинијак, кој во реваншот од полуфиналето на Лигата на шампионите го оштети Баерн во судиското продолжение против Реал Мадрид, требаше да биде еден од клучните судии на УЕФА на претстојното Европско првенство, но поради оваа грешка го загуби тој статус, пишува „Дејли Мирор“.
Марчинијак, длабоко во судиското надополнување, ја прекина акцијата од која Де Лигт погоди за израмнување, со што натпреварот ќе влезеше во продолженија, иако протоколот предвидува дека линискиот судија треба да пушти акцијата да заврши, а потоа, доколку биде постигнат гол, ВАР собата да пресуди дали имало офсајд.
Судијата овде не го направи тоа и затоа играчите на Баерн и тренерот Томас Тухел целосно ги загубија нервите, а УЕФА е незадоволна и од одлуката на Марчинијак и неговиот помошник Томаш Лискиевич и им подготвува санкции.
Марчинијак судеше неколку големи натпревари, меѓу кои и финалето на Светското првенство во Катар, а тој требаше да го суди и воведниот натпревар на ЕП меѓу домаќинот Германија и Шкотска.
Според „Дејли Мирор“, УЕФА ќе му ја одземе таа чест.
Нејасно е дали казната ќе трае во текот на целото Европско првенство или Марчинијак ќе добие шанса во подоцнежна фаза од натпреварувањето.