Спорт
Батлер броеше до 47 – Мајами и Бостон ќе играат мајсторка

Кошаркарите на Мајами Хит го совладаа Бостон Селтикс со 111:103 во шестиот натпревар од финалето на Источната конференција. Мајами со оваа победа избегна елиминација и пред своите навивачи го обезбеди седмиот натпревар каде ќе се обиде да се пласира во финалето на НБА.
Натпреварот го одбележа маестралниот Џими Батлер. Најдобриот играч на Мајами Хит постигна 47 поени, што е негов рекорд во кариерата кога е во прашање плеј-офот.
Покрај тие 47 поени, Батлер одлично ги пополни и другите статистички колони – имаше девет скока, осум асистенции и четири украдени топки, со одличен шут од игра, 16/29.
Конечно, еден натпревар од оваа серија беше неизвесен до самиот крај, вистинскиот интензитет на плејофот беше присутен од почетокот до крајот, иако на крајот од третиот период се чинеше дека Мајами ќе успее да стекне убедлива и недостижна предност.
Бостон поведе во последната четвртина, но Мајами го врати водството и го заврши натпреварот во своја полза.
Уште еднаш треба да се истакне феноменалниот Батлер кој во четвртата четвртина постигна 17 поени.
Покрај Батлер се истакна Кајл Лари со 18 поени и десет асистенции, како и Макс Струс кој мечот го заврши со 13 поени.
На другата страна најдобар беше Џејсон Тејтум со 30 поени, девет скока и четири асистенции.
Џејлен Браун постигна 20 поени, но направи и прекршок во нападот, кој можеби го реши прашањето за победникот на овој меч.
Дерик Вајт постигна 22 поени, а Маркус Смарт 14.
Седум натпревари се играат во Мајами, в недела во 2:30 часот по средно-европско време.
Победникот од оваа серија во големото финале за титулата ќе се бори против Голден стејт Вориорс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Јокиќ емотивно ја прослави победата на својот коњ

Во Суботица се одржа познатата трка Дужијаница, едно од најпрестижните натпреварувања на српската коњичка сцена, а победата ја однесе Демон Дел’Ест, коњ во сопственост на кошаркарот на Денвер Нагетс, Никола Јокиќ.
Иако Јокиќ е познат на теренот како ладнокрвен и резервиран играч, неговата емоционална страна доаѓа до израз кога станува збор за коњите.
Откако неговиот коњ прв ја помина целта, Јокиќ заплака од среќа и лично им честиташе на џокејот Кармине Пискуољи и на тренерот Владимир Прибиќ. Тој гордо излезе на патеката за да ја прослави големата победа заедно со нив.
„Го кажав тоа одамна, ги доживеав сите мои големи победи и порази тука, во овој спорт. Сите луѓе овде со кои заедно го правиме ова се мои пријатели, мои семејни пријатели, сите тие го доживуваат ова исто како и јас. Го правиме ова како хоби, ова е прилика да се дружиме, да се забавуваме и да уживаме во животот“, рече Јокиќ.
🃏 Nikola Jokić u suzama nakon pobede na čuvenoj Dužijanci u Subotici! pic.twitter.com/2gOWM9YZj8
— Arena Sport TV (@arenasport_tv) July 27, 2025
Спорт
Погачар го освои Тур д’Франс по четврти пат

Словенецот Тадеј Погачар е победник на 112-то издание на најпрестижната велосипедска трка во светот, Тут Д’Франс. Словенецот четврти пат во кариера победи на трката околу Франција.
Победник на последната етапа од овогодинешната Тур Д’Франс е Ваут ван Ерт, кој го престигна Погачар на третата раскрсница од последната етапа и беше првиот што помина низ Триумфалната капија во Париз.
Второто место му припадна на Италијанецот Давиде Балерини, додека Словенецот Матеј Мохориќ ја заврши етапата на третото место.
Победникот, Тадеј Погачар, го освои четвртото место во последната етапа. Претходно Погачар победи на тур Д4Франс во 2020, 2021 и 2024 година.
Поради исклучително лошите временски услови, организаторите мораа да ја скратат и последната етапа, но исходот од последната етапа не можеше да влијае на конечниот исход.
Погачар стана втор возач со четири победи на Тур Д ‘Франс, заедно со Крис Фрум. Жак Анкетил, Еди Меркс, Бернард Хино и Мигел Индуреин победиле пет пати.
💛 Si alguien tenía que robarle la foto para la eternidad a Pogacar de ganar en París vestido de amarillo tenía que ser él.
Qué salvajada de Wout van Aert. En último paso por Montmartre dejó sin respuesta a Tadej.
El ciclismo sonríe por verle a ese nivel pic.twitter.com/SOMYiZPj7x
— Alberto Marcos Gallego (@albermg) July 27, 2025
Спорт
Англичанките ја одбранија европската титула

Женската фудбалска репрезентација на Англија е шампион на Европа. Во големото финале на Европското првенство во Базел, Англија ја победи Шпанија. По 90 минути резултатот беше 1:1. И по 120 минути резултатот беше ист, 1:1, на крајот Англија победи со 3:1 на пенали.
Шпанките ја пропуштија можноста да ја комплетираат „триплетa“, бидејќи ги имаат титулите од Светското првенство и Лигата на нации, додека Англија ѝ се одмазди на Шпанија за поразот во финалето на Светското првенство во Сиднеј од пред две години.
Апсолутен херој на Англија е младата голманка Хана Хемптон, која во одбрани три пенали.
Во историјата влезе и селкторката Сарина Вигман, која е третата во историјата со три последовни титули на Европските првенства. Пред неа, тоа го постигнаа Џеро Бизанц (1989, 1991 и 1995) и Тина Тун (1997, 2001 и 2005) – обете со Германија. Вигман беше европски шампион со Холандија, а сега двапати со Англија.
Фото/ Принскрин