Спорт
Бехиќ трагичар, евро-гол на Хурстиќ – Јапонија ја победи Австралија

Јапонија остана во игра за пласман на Светското првенство, откако во драматичен натпревар успеа да ја победи Австралија со 2:1. Јапонците, во Б-групата, во четвртото коло ја забележаа втората победа и се искачија на третото место на табелата со шест бода, три помалку од Австралија и Саудиска Арабија, која има натпревар помалку.
Натпреварот во Саитама, го реши трагичарот Азиз Бехиќ, со авот-гол во 86.минута. Репрезентативецот на Австралија несмасно реагираше откако Мет Рајан го одбрани ударот на Асано.
Претходно, Јапонија го отвори резултатот во осумата минута, со голот на Танака. На голот му претходеше голема грешка на Бехиќ, кој со лошото поставување му овозможи на Танака да се најде во позиција да постигне гол.
Австралија израмни во 70.минута, преку Ајдин Хурстиќ. Австралиецот успеа да погоди од слободен удар, и покрај тоа што во живиот ѕид на Јапонија стоеја седуммина фудбалери.
Покрај што забележаа победа, Јапониците ја прекинаа неверојатната серија од 11 триумфи во која се наоѓаат Австралијците.
2022 Dünya Kupası Asya Elemeleri'nde Japonya lider Avustralya'yı 2-1 mağlup etti. Japonya'nın galibiyet gol Giresunspor'da forma giyen Aziz Behich'in kendi kalesine attığı golle geldi. Maçın golleri ? pic.twitter.com/GjtsIoF3MJ
— D-Smart Spor (@spor_smart) October 12, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Салиба нема да го напушти Лондон

Дефанзивецот на Арсенал, Вилијам Салиба, изјави дека би сакал да остане на „Емирејтс“ и следната сезона.
Арсенал успеа да го продолжи договорот со партнерот на Салиба, Габриел Магаљаеш, кој и понатаму ќе биде во тимот предводен од Микаел Артета од клупата.
Салиба по победата на Арсенал над Њукасл како дел од подготвителниот натпревар пред новата сезона рече.
„Да, се надевам. Секако, во моментов нема конкретни преговори, но има добра комуникација помеѓу мојот менаџер и клубот. Ќе видиме“.
Салиба ја започна својата кариера во Сент Етјен, а потоа се пресели во Арсенал во 2019 година, но ги помина следните три години на позајмица во Сент Етјен, Ница и Марсеј.
Фото/ Принскрин
Спорт
Синер го отпуштил Паники поради „долгиот јазик“

Откриена е тајната зошто Јаник Синер ги отпушти фитнес тренерот Марко Паники и физиотерапевтот Улисес Бадио само три дена пред почетокот на Вимблдон.
Како што тврди „Кориере дела Сера“, Паники во разговор со некои новинари открил дека Синер плачел во соблекувалната 15 минути по сензационалниот пораз во финалето на Ролан Гарос.
За потсетување, светскиот број 1 водеше со 2:0 во сетови против бранителот на титулата Карлос Алкараз, потоа имаше три врзани меч топки во четвртиот сет но Купот на мускетари повторно му припадна на Шпанецот.
Она што особено го вознемири Италијанецот беше тоа што Паники открил дека плачел не само поради пресвртот, туку и поради фактот што париската публика беше со Алкараз.
Паники, кого Синер претходно го критикуваше дека има „долг јазик“, не знаеше како да ја чува оваа тајна, а најдобриот тенисер на светот го обвини за тоа. Според истите извори, Бадио бил колатерална штета. Дојдоа во пакет, си заминаа во пакет.
Синер веќе најдезамена, го врати Умберто Ферара, фитнес експерт кој беше вмешан во скандал со допинг поради кој беше суспендиран три месеци.
И Паники веднаш најде работа, почна да работи со Холгер Руне. Нема сомнение дека и Бадио брзо ќе најде нова работа, ако веќе не го сторил тоа, бидејќи е врвен експерт во својата област. Тој го докажа тоа повеќе од еднаш во својата работа со Новак Ѓоковиќ.
Foto/ „X“
Спорт
Гвардиола: После Сити, правам пауза, можеби 15 години!

Тренерот на Манчестер Сити, Пеп Гвардиола, објави дека, по престојот во „Етихад“ Сити, ќе направи пауза од фудбалот, потенцијално и до 15 години.
„Знам дека кога ќе ја завршам оваа фаза со Сити, ќе престанам, тоа е сигурно. Одлуката е донесена“, изјави Гвардиола за GQ Spain.
Договорот на Гвардиола со Сити истекува во 2027 година, и иако тој не кажа директно дека ќе замине тогаш, тој нагласи дека неговата одлука да направи пауза не е спорна.
„Не знам колку ќе трае паузата… една година, две, три, пет, десет, петнаесет – не знам. Но, ќе заминам по ова поглавје бидејќи морам да застанам и да се фокусирам на себе, на моето тело“, рече Шпанецот.
Гвардиола, кој пристигна на „Етихад“ во 2016 година, досега освои 18 трофеи со клубот, вклучувајќи шест титули во Премиер лигата и првата Лига на шампиони во историјата на Сити во сезоната 2022/2023.
Сепак, минатата сезона беше многу предизвикувачка бидејќи клубот заврши без трофеј, прв пат откако Гвардиола го презеде тимот.
„Поминав четири или пет месеци оваа сезона слушајќи 60.000 луѓе на гостувања како скандираат: „Ќе бидеш отпуштен наутро“. Нема друга професија каде што толку многу луѓе јавно сакаат да бидеш отпуштен.“
Последната сезона на Сити беше обележана со повреди, а освојувачот на „Златната топка“ Родрио ги скина предните вкрстени лигаменти во септември.
Тимот го имаше своето најрано испаѓање од Лигата на шампионите од сезоната 2012/2013 и заврши на третото место во Премиер лигата.
„Не беше толку лоша сезона. Игравме во финалето на ФА Купот, завршивме трети… не завршивме дванаесетти. Но, имавме 13, 14 натпревари без победа, тоа никогаш не ни се случи. Дури и кога победувавме, не мислев дека сме нешто посебно“, рече Гвардиола.
Манчестер Сити ја отвора новата сезона во Премиер лигата на 16 август против Вулверхемптон.
Фото/ Принскрин