Спорт
Бејл: Реал ги прави работите многу тешки за мене

Герет Бејл во интервју за „Скај спортс“ тврди дека не би имал ништо против враќање во Премиер лигата, но дека Реал Мадрид ги прави „работите многу тешки“ за него.
31-годишниот Велшанец за малку ќе заминеше од Реал минатото лето, но клубот во последен момент го блокираше трансферот во Кина, и сега тој првпат јавно признава дека работите не се најдобри за него на „Сантијаго Бернабеу“.
„Убаво е да те ценат со велшката репрезентација, да се вратиш на место каде што повеќе те ценат и навивачите те поддржуваат. Се обидов да заминам од Реал Мадрид, но клубот ги прави работите многу тешки. Имам договор со нив, така што тоа е во нивни раце. Ако има опција за враќање во Премиер лигата би размислил за тоа. Има уште од преодниот рок“, вели Бејл.
Напаѓачот имаше само 20 настапи за Реал минатата сезона, а само двапати влезе во игра по враќањето на шпанскиот фудбал по паузата поради корона вирусот.
„Имаше и други можности да заминам од клубот, но тие не го дозволија тоа. Сакам да играм фудбал, не сум ја загубил мотивацијата. Имам 31 година, но се чувствувам во одлична форма и знам дека имам што да дадам во фудбалот“, вели Бејл.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.