Спорт
Бејл: Утре без симпатии за Украина, сакаме на Светско првенство
Капитенот на велшката репрезентација, Герет Бејл признава дека сите симпатии кон Украина поради војната ќе бидат ставени на страна во недела, кога ќе се обиде да го однесе Велс на првото СП од 1958 година во баражот за пласман во Катар 2022.
Украина ја совлада Шкотска со 3:1 на гости на „Хемпден“ во Глазгов во нивниот прв меч по инвазијата на Русија за да постават пресметка со Велс, но 32-годишниот Бејл вели дека нема да има милост бидејќи има уникатна шанса за настап на Светско првенство.
„Таа желба не доаѓа од некое ужасно место, туку е нешто што сакаме да го направиме за нашата земја, за нашите навивачи. Сите на светот сочувствуваат со Украина, но ова фудбал. Натпреварување, спорт, нешто што ги обединува сите. Знаеме што значи тоа за Украина, но значи многу и за Велс, сакаме на Светско првенство“, вели Бејл пред утрешниот натпревар.
Велс немаат пораз на домашен терен во последдните 18 мечеви, а Бејл постигна два гола за селекцијата на Роб Пејџ да ја совлада Австрија со 2:1 во март за да влезат во финалето на баражот, иако имаше епизодна улога во неговата последна сезона во Реал Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал го растури Бетис, Гарсија неочекуван херој
Фудбалерите на Реал Мадрид продолжуваат со потера по водечката Барселона. Тимот на Чаби Алонсо убедливо го победи Бетис во натпреварот од 18-то коло на шпанската Ла Лига со 5:1.
Во отсуство на Килијан Мбапе,неочекуван херој на „кралскиот клуб“ стана младиот Гонзало Гарсија.
Ги постигна првите голови во Ла Лига, натпреварот го заврши со хет-трик. Останатите два гола за Реал ги постигнаа играчите од одбраната, Раул Асенсио и Фран Гарсија.
Foto/ EPA/KIKO HUESCA
Спорт
(Видео) Голчиштето на Рид против Ливерпул
Харисон Рид, играчот на Фулам, во првите денови од новата година, го постигна голот на сезоната во Премиер лигата.
Во 20-то коло од Премиер лигата, Фулам го изненади Ливерпул и извлече бод на својот „Крејвен Котиџ“, натпреварот заврши 2:2.
Не изгледаше дека ќе биде така, бидејќи во 97-та минута беше 2:1 за „Црвените“, но потоа…
30-годишниот Рид, кој само пет минути претходно влезе на теренот наместо Саша Лукиќ, ја зеде топката, се намести и испрати проектил во голот на Ливерепул.
Погледнете:
Last minute of the game against Liverpool and Harrison Reed unleashed THIS ☄️
(via @NBCSportsSoccer)pic.twitter.com/1t2ahT8sKi
— B/R Football (@brfootball) January 4, 2026
Foto/ EPA
Спорт
(Видео) Аморим лут ја напушти прес конференцијата
Тренерот на Манчестер Јунајтед, Рубен Аморим, ексресно ја напушти прес-конференцијата по нерешениот резултат (1:1) против Лидс.
Манчестер Јунајтед повторно делува лошо на теренот. Без оглед на повредите и отсуствата, тимот успеа да освои само два бода против екипи како Вулверхемптон и Лидс, во последните две рунди.
Нервозата расте, се шпекулира дека исклучително е лош одосот меѓу менаџерот Аморим и директорот за фудбал на Јунајтед, Џејсон Вилкокс.
Вилкокс сака Португалецот да се прилагоди повеќе тактички на она што го има на располагање. Од друга страна, стратегот на Јунајтед наводно е разочаран што клубот нема да биде премногу активен за време на јануарскиот преоден рок.
По ремито против Лидс, Аморим се соочи со многу непријатни прашања. Тој нагласи дека
„Не се викам Томас Тухел, ниту Антонио Конте, ниту Жозе Мурињо, но јас сум менаџер на Манчестер Јунајтед. Тоа ќе остане така во следните 18 месеци или кога одборот ќе одлучи да го промени тоа. Тоа е она што сакам да го кажам и сакам да заврши со тоа. Нема да се откажам. Ќе си заминам кога друг човек ќе дојде тука и ќе ме замени.
Дојдов тука да бидам менаџер на Манчестер Јунајтед, а не тренер и сите во клубот, од скаутингот, спортскиот директор, треба да си ја работи својата работа, јас ќе си ја работам мојата. Ќе заврши за 18 месеци и сите ќе продолжат понатаму“, рече Аморим и потоа демостративно ја напушти прес салата.
Foto/ depositphotos

