Монако ја раскина позајмицата со Милан, за Пјетор Пелегри и го испрати фудбалерот до крајот на сезоната во Торино. Монако решиле да ја раскинат позајмицата откако со Милан не успеале да се договорот околу цената, по која Милан би го откупил договорот на Пелегри.

Пјетро Пелегри (20), оваа сезона одиграл само шест натпревари за Милан. Договор со Монако потпиша во 2018 година, кога во „малото кнежевство“, се пресели од Џенова за 20.000.000 евра.

елегри е најмладиот играч кој настапил на натпревар во Серија А (15 години и 280 дена) и најмлад играч кој настапил во француската Лига 1 (16 години и 30 дена).

Торино по завршувањето на сезоната ќе може да го откупи договорот на Пелгри.

Големата надеж на српската кошарка, Тристан Вукчевиќ, го напушти Реал Мадрид. 18-годишниот центар кариерата ќе ја продолжи во Партизан.

Вукчевиќ е син на поранешниот кошаркар на Црвена звезда, Душан Вукчевиќ. Минатата сезона дебитираше за првиот тим на Реал. Оваа сезона во Евролигата на 12 натпревари има просек од 2,2 поени и 1,3 скока. Малку подобри бројки, 3,3 поени и 2,2 скока, има во шпанската лига.

Партизан објави дека со Вукчевиќ потпишале повеќе годишен договор.

Вукчевиќе е роден на 11.март 2003 година. Има државјанства на Србија, Шведска и Грција.

Поради потеколото на неговите родители, таткото е Србин од Босна и Херцеговина, а мајката Швеѓанка со грчко потекло, местото на раѓање (Сиена, Италија) и државите во кои живеел има право да настапува за шест репрезентации (Србија, Босна и Хрцеговина, Шведска, Грција, Италија, Шпанија). Тој на крајот ја одбра Србија.

Челниците на Формула 1 ја продолжија соработката со Сингапур. Уличната трка, според новиот договор, ќе остане во Формула 1 до 2028 година.

Трката на патеката „Марина Беј“ е една од најполуларните во календарот. Поради пандемијата на коронавирусот, Големата награда на Сингапур не се возеше во 2020 и 2021 година.

Годинава, според календарот, трката треба да се вози на 2.октомври.

Најмногу победи во Сингапур, вкупно пет, има забележано Себастијан Фетел.