Кристијно Роналдо го доби првиот црвен картон во неговата репрезентативна кариера од 226 натпревари. Тој беше исклучен за време на квалификацискиот пораз за Светското првенство 2026 против Република Ирска (2:0).

Во 60-тата минута, тој ја удри Дарен О’Ши со лакт од фрустрација. Доби жолт картон, а откако судијата ја прегледа снимката, ја смени одлуката и го исклучи Португалецот.

Во моментот кога Роналдо доби црвен картон, Ириците водеа со 2:0, со головите на Трој Парот. Иако петкратниот освојувач на Златната топка е познат по тоа што ги губи нервите низ годините, тој никогаш не добил црвен картон во дресот на националниот тим.

Роналдо сигурно ќе го пропушти последниот квалификациски натпревар против Ерменија во недела, кога доколку не се случи уште една сензација, Португалија треба да го завери пласманот на Мундијалот.

Останува да се види колку ќе трае конечната суспензија, бидејќи може да добие суспензија од три натпревари поради насилно однесување.

Дисциплинските правила на ФИФА налагаат суспензија од „најмалку три натпревари или соодветен временски период за напад, вклучувајќи удирање со лакти, тупаници, шутирање, гризење, плукање или удирање на противник или лице кое не е службено лице на натпреварот“.

Дисциплинската комисија ќе одлучи за неговата судбина. Доколку му биде изречена забрана од три натпревари, Роналдо би можел да ги пропушти првите натпревари на Португалија на Светското првенство следното лето.

Со оглед на тоа што легендарниот напаѓач, кој ќе наполни 41 година во февруари, потврди дека СП 2026 ќе биде неговиот последен голем турнир, тој се надева дека казната ќе биде што е можно поблага.

Foto/ EPA

Бројот на учесници на Светското првенство во 2026 година полека се зголемува. Од 48-те репрезентации што ќе учествуваат на Светското првенство следното лето, досега се познати 29.

Засега само две се од Европа, Франција и Англија. Вечерва, речиси сигурно ќе им се придружи и хрватската репрезентација, која математички со бод против Фраските острови ќе обебзеди пласман.

Засега, најмногу познати учесници доаѓаат од Африка, девет репрезентации и осум од Азија.

Да споменеме дека меѓу 29-те досега безбедни патници се и три дебитанти: Узбекистан, Јордан и Зелено’ртските Острови.

Извлекувањето на групите за Светското првенство ќе се одржи на 5 декември во Центарот „Кенеди“ во Вашингтон.

Конечниот список на сите учесници на Светското првенство ќе биде познат дури на крајот на март следната година, кога се закажани дополнителни квалификации во Европа, од кои ќе произлезат последните четири патници.

Кој го обезбеди настапот?

Домаќини: САД, Мексико, Канада

Африка: Алжир, Зелено’ртските Острови, Египет, Гана, Брегот на Слоновата Коска, Мароко, Сенегал, Јужна Африка, Тунис

Азија: Австралија, Иран, Јапонија, Јордан, Катар, Саудиска Арабија, Јужна Кореја, Узбекистан

Јужна Америка: Аргентина, Бразил, Колумбија, Еквадор, Парагвај, Уругвај

Европа: Франција, Англија

Океанија: Нов Зеланд

Килијан Мбапе продолжува да ги поместува границите во светот на фудбалот. Со два гола за Франција против Украина, ѕвездата на Реал Мадрид стигна до неверојатната бројка од 400 гола во својата кариера. Тој го постигна ова на 26-годишна возраст, побрзо од Лео Меси (27) и Кристијано Роналдо (28).

Неговите 400 гола беа распределени во текот на неговата кариера во Монако (27), ПСЖ (256), Реал Мадрид (62) и француската репрезентација (55).

Враќањето во националниот тим беше вистинскиот лек за Килијан откако не успеа да постигне гол за Реал против Ливерпул во Лигата на шампионите и во првенствениот натпревар против Рајо Ваљекано.

Мбапе го достигна јубилејот на 26 години и 328 дена, со што ги надмина Лионел Меси, кој го постигна 400-от гол на 27 години и 95 дена, и Кристијано Роналдо, кој го постигна на 28 години и 335 дена. Тој ги остави зад себе другите врвни напаѓачи како Хари Кејн, Карим Бензема и Тиери Анри.

Со уште два гола за Франција, Мбапе заостанува само два гола зад најдобриот стрелец во историјата на француската репрезентација, Оливие Жиру. Поранешниот напаѓач се збогува со репрезентацијата со 57 гола на 137 настапи, додека Мбапе ги постигна своите 55 на само 94 натпревари.

Мбапе, сепак, ја намалува важноста на оваа бројка, гледајќи кон еден од своите идоли, Кристијано Роналдо.

„400 не ги импресионира луѓето, ако сакате да бидете во тој круг што импресионира, мора да постигнете уште 400. 1000 гола на Кристијано Роналдо? Нереално е, но ќе се обидам да го направам нереалното. Морам да се обидам, имам само една кариера“, рече Мбапе по натпреварот.

Foto/ EPA