Спорт
Белград ќе добие улица со името на Мате Парлов

Белград ќе му оддаде почит на најуспешиот југословенски боксер на сите времиња, носителот на светска титула и олимписки шампион, Мате Парлов, откако Собранието на градот одлучи да именува улица со неговото име додека српската престолнина е домаќин на СП во бокс.
„Важно е со именувањето на улиците да се чуваат сеќавањата на големите спортисти и луѓе, а боксот е спортот што го покажува најдоброто во луѓето“, вели претседателката на Собранието, Андреа Радуловиќ.
Парлов, кој е роден во Сплит, по крајот на кариерата, живееше на Истра, каде што имаше кафеана, во која секогаш сите беа добредојдени. Иако Хрват по националност, тој секогаш го искажуваше својот космополитизам велејќи дека „не може да е националист бидејќи е светски шампион“.
Во аматерската кариера тој имаше 310 меча, од кои во 13 беше поразен, освои злато на ОИ во Минхен во 1972 година, пред во 1974 година да ја почне кариерата. Во 1976 година тој стана ВБЦ-светски шампион во полутешка категорија завршувајќи ја професионалната кариера со 24-2-3 скор. Тој е прогласен за најдобар хрватски спортист на 20 век, а почина во 2008 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нејмар во изненадувачки трансфер се враќа во Европа?

Нејмар (33) би можел да се врати во европскиот фудбал. Сериозен интерес за него покажува Олимпик Марсеј, пишуваат неколку извори. Бразилскиот напаѓач, кој моментално игра за Сантос, наводно размислува за враќање во Европа за да може да влезе во вистинска форма и да му се наметне на селекторот Карло Анчелоти во пресрет на Светско првенство.
Францускиот клуб веќе започна преговори. Челниците на клубот се свесни дека преговорите нема да бидат лесни, но веруваат дека желбата на Нејмар да се врати во познатата лига би можела да преовлада.
Бразилецот позитивно гледа на приклучувањето кон амбициозен проект во кој би можел да игра клучна улога. Раководството на Марсеј се подготвени да преземат финансиски и спортски напори за да ја убедат јужноамериканската ѕвезда и да го формализираат неговото доаѓање што е можно поскоро, се нагласува во текстовите за можниот трансфер.
Нејмар играше во Франција од 2017 до 2023 година по трансфер вреден 222 милиони евра од Барселона во Пари Сен Жермен. Тој ја освои Лига 1 пет пати и еднаш играше во финалето на Лигата на шампионите. Вкупно, тој постигна 118 голови и имаше 79 асистенции за ПСЖ во 173 одиграни натпревари.
Марсеј е најголемиот ривал на ПСЖ во францускиот фудбал. Ова се двата француски клуба со најмногу трофеи и единствените два со освоена титула во Лигата на шампионите.
Нејмар е под договор со Сантос до крајот на годината.
Спорт
Миротиќ две години во Монако

Кошаркарскиот клуб Монако го потврди трансферот на Никола Миротиќ. Црногорецот со шпански пасош со клубот од малото кнежество потпиша две годишен договор.
Миротиќ играше претходните две сезони за Олимпија Милано, во која пристигна од Барселона.
Претходно, тој имаше просек од 17,7 поени со 6,4 скока, две асистенции и една украдена топка по натпревар во ЕЛ.
„Монако е клуб кој е на врвот на Евролигата во последните години и има потенцијал да расте уште повеќе. Сакав нов предизвик, сè уште имам капацитет и затоа решив да дојдам тука“, рече Миротиќ.
Миротиќ беше MВП на Евролигата во сезоната 2021/2022, а има 34 години.
Ја започна својата кариера во Реал Мадрид (2008-2014), а помина неколку години во НБА играјќи за Чикаго Булс, Њу Орлеанс Пеликанс и Милвоки Бакс.
Претходната сезона, Монако го водеше Василис Спанулис како тренер, откако завршија четврти во регуларната сезона (21-13), стигнаа до завршниот турнир во Евролигата, каде што беа поразени од турскиот Фенербахче.
Пред Миротиќ, клубот ги нагажира центрите Јоан Макунду и Кевариус Хејс, а сите клучни играчи останаа од тимот од минатата сезона, вклучувајќи ги Мајк Џејмс, Ели Окобо, Даниел Теис, Алфа Диало, Џордан Лојд…
Спорт
Њукасл бргу најде замена за Исак

Челниците на Њукасл се во незавидна позиција откако првата ѕвезда, Александар Исак, изрази желба да го напушти „Сент Џејмс Парк“. Оваа шокантна вест го принуди клубот итно да бара замена, на врвот на листата на желби се наоѓа словенечкиот репрезентативец и напаѓач на РБ Лајпциг, Бенјамин Шешко.
Шешко, за кого претходно интерес покажуваше Арсенал, минатото лето потпиша нов договор со РБ Лајпциг до 2029 година.
Не е познато колкава сума бара клубот за Словенецот, познато е само дека на почетокот на преодниот рок Манчестер јунајтед се повлече од преговорите кога Германците побараа 77 милиони евра.
Шешко постигна 39 гола на 87 настапи за Лајпциг, а претходно постигна 29 гола на 79 натпревари за РБ Салцбург. Тој беше импресивен и во дресот на словенечката репрезентација, за која постигна 16 гола на 41 натпревар.