Спорт
Белингам потпиша за Дортмунд

Англискиот фудбалер Џоб Белингам, брат на играчот на Реал Мадрид, Џуд Белингам, е нов играч на Борусија Дортмунд, објави денес германскиот клуб.
19-годишниот играч од средниот ред доаѓа од Сандерленд и потпиша петгодишен договор со Борусија.
Џоб доби понуда од Ајнтрахт Франкфурт, но одлучи да ја продолжи кариерата во Дортмунд, каде што неговиот брат Џуд изгради репутација од светска класа пред да се пресели во Реал Мадрид во 2023 година.
Борусија Дортмунд потврди дека Џоб ќе го носи дресот со број 77 на претстојното Светско клупско првенство во САД, каде што е регистриран за групната фаза.
Дортмунд ќе игра против Флуминенсе од Бразил (17 јуни), Мамелоди од Јужна Африка (21 јуни) и Улсан ХД од Јужна Кореја (25 јуни) на турнирот.
Како и неговиот постар брат, Џоб игра како централен играч од средниот ред. Тој помина низ академијата на Бирмингем и дебитираше за сениорскиот тим на 16 години во 2022 година. Тој исто така игра за репрезентацијата на Англија до 21 година.
Неговите настапи во Чемпионшип оваа сезона му ја донесоа наградата за најдобар млад играч во лигата во април, како и место во идеалниот состав на сезоната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
На сите играчи што ќе испаднат од Серија А ќе им бидат намалени платите

Италијанската фудбалска федерација и Серија А постигнаа договор со кој платите на фудбалерите ќе бидат намалени за 25 проценти доколку нивните тимови испаднат во Серија Б.
Петгодишниот договор беше објавен денеска. Намалувањето на платите има за цел да го намали финансискиот притисок врз клубовите испаднати од Серија А и ќе важи за сите договори потпишани по 2 септември 2025 година.
Новиот систем автоматски ги намалува платите, освен ако не е поинаку наведено во договорот на играчот.
Постојните договори ќе останат предмет на претходно договорени услови. Доколку тимот се врати во Серија А, платите ќе се вратат на нивната оригинална вредност.
Колективниот договор, исто така, воведува структура на минимална плата врз основа на возраста на играчот, која не може да се намали дури ни по испаѓањето.
Спорт
Сити му нуди нов договор на Дијаш

Португалскиот репрезентативен стопер Рубен Дијаш (28) треба да потпише нов договор со Манчестер сити. Актуелниот договор му истекува во јуни 2027 година.
Тренерот Пеп Гвардиола има на располагање дури седум стопери, но најголема доверба има во Дијаш, кој има загарантирано место во првиот тим.
Сити го донесе пред пет години од Бенфика за 70 милиони евра, а досега одигра 222 натпревари за англискиот клуб.
Медиумите не споменуваат до кога ќе трае новиот договор, но јасно е дека ќе добие поголема плата. Претходниот договор му гарантираше годишна плата од 11 милиони евра.
Спорт
Шешко се договорил со Манчестер јунајтед

Трансфер сагата околу Бенјамин Шешко е се поблиску до разрешница. Њукасл и Манчестер јЈунајтед доставија понуди, а напаѓачот јасно кажа каде сака да ја продолжи кариерата.
Фудбалерот ги договорил финансиските удлови со Манчестер јунајтед. Сега на потег е Лајпциг. Клубот преферира да го продаде Шешко во Њукасл. Понудата на клубот од „Сен Џејмс Парк“ е за пет милиони евра повисока од понудата на Манчестер јунајтед.
Оваа пат позиција може да се реши на два начина. Или Манчестер јунајтед ќе ја зголеми својата понуда, или Лајпциг ќе го продаде напаѓачот во Њукасл.
Во моментов, првото сценарио изгледа поблиску. Бидејќи намарата на Шешко е преселба во Манчестер. Тој се согласи на соработка до 2030 година.
Foto/ „X“