Спорт
Бендтнер: Пирло и Буфон пушеа во тоалет и никој ништо не им рече

Контроверзниот дански фудбалер, Никлас Бендтнер цели 10 години беше член на Арсенал, а никогаш не го искористи комплетно својот фудбалски капацитет. Во кариерата беше попознат по спектакуларните промашувања, за разлика од головите.
Сега со 32 години член е на дански четвртолигаш, тренира за да ја одржи физичката форма.
Бендтнер гостуваше на поткастот на ББС – „5 Live“ и зборуваше за интересни случки од кариерата. Тука раскажа и за случка од соблекувалната на Јувентус. Бендтнер вели дека во тоалетот ја затекнал половина екипа на „Старата дама“ како пушат цигари, а меѓу нив и Џанлуиџи Буфон и Андреа Пирло. Данецот во Јуве беше на позајмица во сезоната 2012/2013.
„Кога Балотели дојде во Англија сите зборуваа за тоа дека пуши цигари во тоалетот, и настана голема приказна, како тоа фудбалер може да пуши. Па во секој клуб во кој сум бил играчи пушеле. Само што во Италија тоа беше вообичаено, за разлика од Англија“ – рече Бендтнер.
Данецот се потсети и на првиот ден во Јувентус.
„Не можев да пронајдам никој од соиграчите и ми стана чудно. Тогаш пронајдов, 10, 12 играчи во тоалетот, како пијат кафе, разговараат и пушат цигари. За мене беше неверојатно“ – рече тој.
Кога водителот на подкастот му ги споменал имињата на Пирло и Буфон, Бендтнер се насмеа.
„Да, и што можеш да им речеш, кога ќе ги видиш нивните кариери, какви професионалци се, тоа навистина ми ги отвори очите. Нив никој ништо не им рече“ – рече данскиот фудбалер.
? Smoking is more common than you think amongst footballers…
Even Buffon and Pirlo were at it! ?*NEW* podcast: All about Nicklas Bendtner:
?⚽ https://t.co/eRPDTX25QJ pic.twitter.com/7uqIfUXhPN
— BBC 5 Live Sport (@5liveSport) November 13, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Крај на приказната, Тадиќ нема да ја засили Црвена звезда

Душан Тадиќ нема да ја засили Црвена звезда, кариерата ќе ја продолжи во странство.
Според сознанијата на „Спорт Клуб“, Тадиќ уште еднаш ѝ се заблагодарил на Црвена звезда за поканата и приказната тука завршува.
Тадиќ имал малку поопуштен став, оставил простор евентуално да дојде во Звезда, но сепак останал доследен на чувството дека концептуално не се вклопува во тој клуб.
Исто така и челниците на српскиот шампион го загубиле трпението, бидејќи планирале Тадиќ да го имаат во тимот за двомечот со Лех Познањ, во третата квалификациска рунда во Лигата на шампионите.
Финансиската понуда е добра, како и улогата во тимот, но Тадиќ одлучил дека нема потреба да игра за Звезда во кариерата.
Можно е Тадиќ да замине во Саудиска Арабија.
Спорт
Ненадејно почина Жорге Кошта, легендарниот капитен и икона на Порто

Почина Жорге Кошта (53), поранешен португалски фудбалер и легендарен капитен на Порто.
Во сино-белиот дрес, тој освои осум титули во лигата, Лигата на шампионите и Интерконтиненталниот куп, а со репрезентацијата беше светски шампион до 20 години.
Информацијата за смртта ја потврди болнички извор, јавува португалското радио „Ренасенса“.
Според болницата „Сао Жоао“, Коста „доживеал кардиореспираторен застој во одделот за итни случаи и бил прогласен за мртов“. Поранешниот фудбалер доживеал срцев удар во 2022 година и бил подложен на катетеризација.
„Во текот на својот живот, на теренот и надвор од него, Жорге Кошта ги отелотворувал вредностите што го дефинираат ФК Порто: посветеност, лидерство, страст и непоколеблив победнички дух. Тој ги обележа генерациите навивачи и стана најголем симбол на клубот“, се вели во соопштението. „Никогаш нема да бидш заборавен, капитене“, соопшти клубот.
Спорт
Јовиќ потпиша договор со АЕК

Српскиот репрезентативец Лука Јовиќ потпиша договор со АЕК Атина, објави клубот.
Финансиските детали и времетраењето на договорот не беа откриени, но грчките медиуми тврдат дека Јовиќ се согласил на двегодишен договор, при што српскиот фудбалер треба да заработи вкупно шест милиони евра.
Својата кариера ја започна во Црвена звезда, а потоа играше за Бенфика, Ајнтрахт Франкфурт, Реал Мадрид и Фиорентина. Последните две сезони ги помина во Милан.
Одигра 45 натпревари за српската репрезентација и постигна 11 гола.