Спорт
Бендтнер: Пирло и Буфон пушеа во тоалет и никој ништо не им рече
Контроверзниот дански фудбалер, Никлас Бендтнер цели 10 години беше член на Арсенал, а никогаш не го искористи комплетно својот фудбалски капацитет. Во кариерата беше попознат по спектакуларните промашувања, за разлика од головите.
Сега со 32 години член е на дански четвртолигаш, тренира за да ја одржи физичката форма.
Бендтнер гостуваше на поткастот на ББС – „5 Live“ и зборуваше за интересни случки од кариерата. Тука раскажа и за случка од соблекувалната на Јувентус. Бендтнер вели дека во тоалетот ја затекнал половина екипа на „Старата дама“ како пушат цигари, а меѓу нив и Џанлуиџи Буфон и Андреа Пирло. Данецот во Јуве беше на позајмица во сезоната 2012/2013.
„Кога Балотели дојде во Англија сите зборуваа за тоа дека пуши цигари во тоалетот, и настана голема приказна, како тоа фудбалер може да пуши. Па во секој клуб во кој сум бил играчи пушеле. Само што во Италија тоа беше вообичаено, за разлика од Англија“ – рече Бендтнер.
Данецот се потсети и на првиот ден во Јувентус.
„Не можев да пронајдам никој од соиграчите и ми стана чудно. Тогаш пронајдов, 10, 12 играчи во тоалетот, како пијат кафе, разговараат и пушат цигари. За мене беше неверојатно“ – рече тој.
Кога водителот на подкастот му ги споменал имињата на Пирло и Буфон, Бендтнер се насмеа.
„Да, и што можеш да им речеш, кога ќе ги видиш нивните кариери, какви професионалци се, тоа навистина ми ги отвори очите. Нив никој ништо не им рече“ – рече данскиот фудбалер.
? Smoking is more common than you think amongst footballers…
Even Buffon and Pirlo were at it! ?*NEW* podcast: All about Nicklas Bendtner:
?⚽ https://t.co/eRPDTX25QJ pic.twitter.com/7uqIfUXhPN
— BBC 5 Live Sport (@5liveSport) November 13, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.