Спорт
Бенфика ќе остане без капитенот – Отаменди се враќа дома

Ветеранот Николас Отаменди веројатно ќе ја напушти Бенфика во јануарскиот преоден рок и покрај тоа што иа договор со клубот до крајот на сезоната.
Отаменди е капитен незаменлив член на стартната постава на Бенфика, но во зимскиот преоден рок ќе го смени клубот и ќе се врати во родната Аргентина.
Тој ќе игра за Ривер Плата, како што објави новинарот Ренцо Пантиќ.
Отаменди е во Бенфика од 2020 година, а претходно играше за Велез Сарсфилд, Порто, Валенсија, Атлетико Минеиро и Манчестер Сити.
За аргентинската репрезентација одигра дури 121 натпревар и постигна седум гола. Стана Светски првак во 2022 и ја освои Копа Америка една година подоцна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хифи е „Ѕвезда во подем“ на Евролигата

Кошаркарот на Париз, Надир Хифи беше прогласен за „Ѕвезда во подем“ за оваа сезона во Евролигата.
Дебитантот во Евролигата е најпријатното изненадување оваа сезона, успеа да го заземат местото кое носи пласман во плеј-ин, каде ривал ќе им биде Реал Мадрид.
Хифи за 20 минути колку што беше на теренот оваа сезона во Евролигата имаше просек од 14,7 поени, 2,1 скока и 1,3 асистенции.
Претходните години наградата „Ѕвезда во подем“ ја добија Габриеле Прочида (Алба), Јам Мадар (Партизан), Рокас Јокубаитис (Барселона), Усман Гаруба (Реал Мадрид).
Спорт
Во Ред Бул стравуваат од посебната клаузула во договорот на Ферстапен

Четирикратниот i актуелен шампион во Формула 1, Макс Ферстапен, имаше разочарувачки викенд. Холанѓанецот ја мина целта на шестото место на Големата награда на Бахреин и по трката изјави дека веројатно извлекол максимум, со оглед на тоа што имал големи проблеми со сопирачките и гумите.
Во моментов, болидот на Ред Бул не изгледа како да може да им парира на најбрзите, особено на Мекларен, па затоа раководството на тимот е загрижено дека Ферстапен би можел да бара нов тим.
Иако има договор до 2028 година, „Дејли Мејл“ открива дека во него има клаузула која му дозволува да менува тим за време на летната пауза доколку заврши полошо од третото во генералниот пласман кај.
„Многу сме загрижени, мораме да го подобриме болидот во блиска иднина за Макс да има болид со кој ќе може повторно да се бори за победи. Мораме да му доставиме болид што може да се бори за титулата. Се разбира, секој врвен возач има излезна клаузула во случај на лоши перформанси, но секогаш е различно. Да, тоа ќе биде тема ова лето“, рече советникот во тимот на Ред Бул, Хелмут Марко.
Ферстапен по четири трки го држи третото место во генералниот пласман, осум бода помалку од лидерот Ландо Норис, додека зад него со шест поени помалку на четвртото место е Џорџ Расел.
Како потенцијални нови дестинации на Ферстапен се споменуваат Мерцедес и Астон Мартин кои од следната сезона ќе соработуваат со Хонда, претходниот партнер на Ред Бул.
Спорт
Дресот на Дончиќ е најпродаван во НБА

Објавен е податокот за продажба на дресови во НБА сезонава, по 11 години најпродавани дресови не се оние на Леброн Џејмс и Стивен Кари. Годинава за прв пат најпродаван е дресот на словенечката ѕвезда Лука Дончиќ.
На Дончиќ веројатно му помогна тоа што среде сезоната го смени клубот, па најпрвин неговите дресови ги купуваа навивачите на Далас Маверикс, а потоа и на Лос Анџелес Лејкерс.
Од 2014 година, Леброн и Кари редовно ги имаат најпродаваните дресови. Во тој период дресот на Леброн седум пати бил најпродаван, а на Кари четири пати.
Според достапните податоци, Леброн го имаше најпродаваниот дрес во 2011 година, додека во 2012 година најпродаван беше дресот на Дерик Роуз, а во 2013 година дресот на Кармело Ентони.
Иако не се на првото место, Кари и Леброн останаа на врвот и го заземаат второто, односно третото место. Џејсон Тејтум од Бостон Селтикс и Џејлен Брунсон од Њујорк Никс се меѓу првите пет продавачи.
Листа на најпродавани 15 дресови:
1. Лука Дончиќ (Лос Анџелес Лејкерс)
2. Стеф Кари (Голден Стејт Вориорс)
3. Леброн Џејмс (Лос Анџелес Лејкерс)
4. Џејсон Тејтум (Бостон Селтикс)
5. Џејлен Бренсон (Њујорк Никс)
6. Виктор Вембенија (Сан Антонио Спарс)
7. Ентони Едвардс (Минесота Тимбервулвс)
8. Џа Морант (Мемфис Гризлис)
9. Шеј Гилџис-Александер (Оклахома Сити Тандер)
10. Никола Јокиќ (Денвер Нагетс)
11. Јанис Адетокумбо (Милвоки Бакс)
12. Ламело Бол (Шарлот Хорнетс)
13. Кевин Дурент (Феникс Санс)
14. Девин Букер (Феникс Санс)
15. Џејлен Браун (Бостон Селтикс)