Спорт
Бенфика покажува интерес за Елмас

Најславниот португалски клуб Бенфика, во јануарскиот преоден рок, ќе се обиде да го донесе во своите редови македонскиот репрезентативец Елиф Елмас. Португалците тврдат дека Бенфика на Наполи ќе им ја понуди опцијата, позајмица со право на откуп.
Наполи е во финансиска криза, медиумите во Италија тврдат дека фудбалерите неколку месеци не добиле плата. Во јануари сигурно од клубот ќе замине Аркадијуш Милик, а Елмас е вториот кој се поврзува со друга екипа.
Тренерот на Бенфика, Жорге Жесус, исклучително ги ценел квалитетите на Елмас, особено му е важно што македонскиот репрезентативец може да покрие неколку позиции во тимот.
Елмас, спротивно од очекувањата, оваа сезона не добива доволно минути за настап од тренерот Џенаро Гатузо. Неговиот договор со Наполи истекува во 2025 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ферстапен победи во Остин, се врати во трката за шампионската титула

Макс Ферстапен ја забележа чеврттата победа во последните пет години на трката за Големата награда на САД. Ферстепн стартуваше од пол-позицијата и рутински славеше.
Стратот беше најинтересен, Ферстапен ја задржа првата позиција, а Леклер го мина Норис на второто место. Возачот на Ферари имаше различна стратегија од сите останати, на крајот во 51-от круг потклекна пред нападот на Норис.
Одличниот викенд за Ферари го надополни Хамилтон кој заврши на четвртото мести. Лош викенд имаше лидерот во генералниот пласман, Пјастри. Вчера не го заврши спринтот, во трката го освои петтото место.
Зад најдобрите пет пласман изборија: Џорџ Расел (Мерцедес), Јуки Цунода (Ред Бул), Нико Хулкенберг (Заубер), Оли Берман (Хас), Фернандо Алонсо (Астон Мартин).
Во последните пет трки од првата позиција влегува Пјастри со 346 поени, 12 повеќе од тимскиот колега Ландо Норис и 40 од актуелниот шампион Ферстапен.
Интересное е во борбата за втората позиција кај конструкторите. Мерцедес е втор со четири поени повеќе од Ферари и 10 од Ред Бул.
Наредната трка се вози на 26.октомври во Мексико.
Foto/ EPA
Спорт
Аморим: Најголемата победа откако го водам Јунајтед

Менаџерот на Манчестер јунајтед, Рубен Аморим, конечно се радуваше на голема, многу важна победа откако седна на клупата на славниот тим.
Неговиот тим го победи Ливерпул во најголемото дерби на англискиот фудбал со резултат од 2:1 на „Енфилд“.
„Мислам дека ова е најголемата победа во мојата кариера на клупата на Манчестер. Денес значи многу, но нема да значи многу утре. Тоа се само три бода и убава победа“, рече Аморим по победата.
Јунајтед започна совршено, поведе во 62-та секунда и совршено го заврши натпреварот – со голот на Хари Магваер во 83-та минута за 2:1.
„Се боревме за секоја топка, ја изгубивме самоконтролата во второто полувреме, но духот беше тука и тоа е најважно. Ако имате дух, можете да победите во секој натпревар. Беше добар ден за нас и сега ме интересира само Брајтон. Ќе уживам, но да се фокусираме на Брајтон“, рече Португалецот.
Аморим е среќен и поради фактот што за прв пат откако го презеде Јунајтед, неговиот тим врза две победи во Премиер лигата.
Спорт
(Видео) Агонијата на Ливерпул трае, Манчестер јунајтед победи на „Енфилд“

Манчестер јунајтед го доби најголемото дерби во англискиот фудбал. На „Енфилд“, Јунајтед го победи Ливерпул со 2:1. Прв пат во ерата на Рубен Аморим, Манчестер јунајтед забележа две победи по ред во Премиер лигата. Ливерпул потврди дека е во криза, има четири порази во низа, три од нив се во првенството. Голот за победа со кој Јунајтед победи во Ливерпул за прв пат по ноември 2016 година, го постигна Хари Мегваер во 83-та минута.
Јунајтед експресно дојде до предност, по само 61 секунда, по додавањето од Диало, стрелец беше Мбеумо.
Ливерпул во првиот дел не блескаше, но имаше две големи шанси, преку Гакпо. Репрезентативецот на Холандија два пати ја погоди стативата. Во овој дел од играта, шанса за Јунајтед имаше Бруно Фернандеш.
Вториот дел апсолутно му припадна на Ливерпул. Целосна иницијатива, шанса за Исак, потоа и за Салах, два опасни удари на Екетике. Домаќините изедначија во 78-та минта, мешаница пред голот ан Јунајтед, а Гакпо од пет метри ја спроведе топката во голот.
Холанѓанецот три минути подоцна од чиста позиција, по центаршутот на Фримпонг, од пет метри ја испрати топката крај голот.
Казната дојде во следниот напад. Ливерпул одбрани корнер, но топката пред голот ја врати Фернандеш. Мегваер највсокот скокна и го совлада Мамардашвили.
До крајот Ливерпул притисна со сите сили, Јунајтед сепак успеа да се одбрани.