Спорт
Бензема и Реал со слатка одмазда против Челси, Вилјареал со предност против Баварците
Карим Бензема уште еднаш докажа дека е во најдобра форма во неговата кариера на 34 години, постигнувајќи фантастичен хет-трик за да ги предводи Реал Мадрид до одмазничка 3:1 победа на Челси на „Стемфорд Бриџ“, додека Вилјареал на својата „Керамика“ покажа дека е екстремно сериозен клуб со 1:0 победата над фаворизираните Баерн Минхен.
Лани, Челси на патот до европската титула, успеа да ги елиминира токму Реал Мадрид во полуфиналето, така што шансата да се дојде на гости во дождливиот Лондон по одмазда беше примамлива. Бензема, кој игра во неверојатна форма, ја покажа неговата класа постигнувајќи два гола за три минути во 21. и 24. минута за шок за домаќините. Каи Хаверц во 40. минута ја врати надежта на Челси со убав гол по асистенцијата на Жоржињо, но само што почна второто полувреме, голманот Едуар Менди направи неверојатна грешка, која Бензема ја искористи за комплетирање на хет-трикот.
Во Шпанија пак, Вилјареал дојде до рано водство во 8. минута, кога Арнаут Данџума успеа да го совлада Мануел Ноер, а „подморницата“ имаше и поништен гол поради офсајд преку Кокелин, најавувајќи интересен реванш на „Алијанц арената“.
ЛИГА НА ШАМПИОНИ, 1/4 ФИНАЛЕ, 1.МЕЧ
Челси – Реал Мадрид 1:3
Вилјареал – Баерн Минхен 1:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бруно Гимараеш има посебна клаузула во договор која важи до 30 јуни
Играчот од средниот ред на Њукасл, Бруно Гимараеш е на мета на бројни клубови, а тој има посебна клаузула во договорот.
Како што откри трансфер-инсајдерот, Фабрицио Романо, од последната недела на мај до крајот на јуни, Гимараеш има откупна клаузула од 100 милиони фунти или 116 милиони евра.
Доколку Бразилецот се договори со некој клуб и тој клуб ја плати сумата, Њукасл ќе биде принуден да го пушти.
Во моментов не се знае дали некој клуб е подготвен да потроши толку пари, но веќе е познато дека ПСЖ покажува интерес за бразилскиот репрезентативец.
Прашање е само дали е реално еден ваков трансфер да се случи пред официјалниот почеток на летниот преоден рок.
Летниот преоден рок стартува на 1 јули.
Спорт
Саудискиот нафтен гигант стана глобален партнер на ФИФА
Саудискиот нафтен гигант Арамко ќе стане главен глобален партнер на Меѓународната фудбалска федерација (ФИФА) до крајот на 2027 година, објави ФИФА.
Договорот, чија сума не беше објавена, му овозможува на јавното претпријатие на Саудиска Арабија да стане партнер на ФИФА „со права кои покриваат неколку настани“, вклучително и Светското првенство за мажи во 2026 година и Светското првенство за жени во 2027 година.
Саудиска Арабија, богата со нафта, но често критикувана за кршење на човековите права, веќе неколку години инвестира милијарди долари во спортот.
Инвестирањето во спортот е дел од стратегијата што ја води престолонаследникот Мохамед Бин Салман, како дел од големиот проект „Визија 2023“, чија цел е да го трансформира кралството во земја на бизнис и туризам и да ја намали неговата зависност од нафтата.
„Ова партнерство ќе и помогне на ФИФА успешно да ги испорача своите водечки натпреварувања во следните четири години и, како и сите други наши комерцијални договори, ќе ни овозможи да продолжиме да ги поддржуваме нашите 211 членки низ светот“, рече претседателот на ФИФА, Џани Инфантино.
Спорт
(Видео) На Хезоња му „пукна филмот“, упати жестоки пцовки кон судијата Пукл
Реал Мадрид поведе со 2-0 во четвртфиналната серија против Басконија. Победата 101:90, мина во сенка на исклучувањето на нервозниот Марио Хезоња.
На три минути до крајот на натпреварот, во ситуација кога Реал имаше комотна предност од 93:77, по еден дуел Хезоња се најде на паркетот, побара фаул, не го доби, а потоа почна да му се жали на словенечкиот судија Саша Пукл.
Судијата поради бурниот протест му додели техничка, а откако Хезоња продолжи, му даде уште една.
Хезоња седна на клупата, а кога му покажаа дека мора да ја напушти салата му „пукна филмот“. Тогаш капитенот на хрватската репрезентација испука канонада од навреди кон судијата Пукл.
Една по друга се редеа пцовките кои ги забележа камерата.
Ќе биде интересно да се види каква казна го чека Хезоња со оглед на она што го кажа, а што Пукл сигурно добро го разбра. Прашање е и што судијата внел во записникот.
Expulsion de Mario Hezonja qui a probablement donné des nouvelles du pays aux arbitres ! #EveryGameMatters #SkweekLive pic.twitter.com/8hR3oe8M5K
— The Upset Media (@TheUpset_media) April 25, 2024