Спорт
Бензема: Луѓето сешто пишуваат на интернет, но реалноста е малку поинаква
![](https://makfax.com.mk/wp-content/uploads/2023/06/benzema-so-marca.jpg)
Францускиот напаѓач Карим Бензема е во фокусот на вниманието поради најавите за негово заминување од Реал Мадрид. Тој наводно ја прифатил понудата на Ал-Итихад вредна 400 милиони евра за две сезони и ќе се пресели во Саудиска Арабија, иако претходно постигна устмен договор со Флорентино Перез да остане уште една година во „кралскиот клуб“.
Бензема не се појавуваше во јавноста, сѐ до вечерашниот хенепинг на „Марка“ организиран во негова чест, со наслов „Карим Бензема – легенда на Реал Мадрид“.
Во големото интервју што шпанскиот медиум го направи во живо, Карим Бензема сепак не откри конкретно каков е неговиот план по завршувањето на сезоната.
„Имаме натпревар в недела, а јас сум фудбалер на Реал Мадрид. Тоа е клубот што максимално го почитувам. Тука дојдов како дете, а израснав, како што вие велите, во фудбалска легенда. После натпреварот, ќе седнеме со претседателот и ќе зборуваме за мојата иднина. Знам дека луѓето сешто пишуваат на интернет, тоа е така во денешниот свет. Но, во реалноста, работите се малку поинакви отколку на интернет“, изјави Карим Бензема.
🚨 Benzema recibe el #MARCALeyenda y habla de su futuro: “La realidad es otra, no lo que dicen en Internet” 💣 https://t.co/jWQzkvMjtG #BenzemaMARCALeyenda
— MARCA (@marca) June 1, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва