Спорт
Берлускони пред 16 години предвидел сѐ: Англија ќе ја има најсилната лига, а арапските пари ќе владеат со фудбалот
Поранешниот италијански премиер и легендарен сопственик на Милан, Силвио Берлускони, кој почина пред две недели, пред 16 години видел во кој правец се движи светскиот фудбал. Ова може да се види во извадок од неговото интервју од 2007 годинa.
Во разговор за „Ла7“, Берлускони уште тогаш прогнозирал дека италијанскиот фудбал ќе заостане зад Премиерлигата, а го предвидел и тоа на што сме сведоци денес, дека големите пари ќе доаѓаат од Саудиска Арабија.
„Ја гледам Серија А како сѐ посиромашна и посиромашна. Сега сме на врвот, но за 15 години ќе бидеме само еден мал супермаркет за играчи. Англиската Премиерлига ќе биде број 1 и сите останати ќе бидат зад нив. Немаме средства да се бориме со нив. Тогаш Арапите ќе влезат во фудбалот и веќе никому нема да бидеме привлечни. Немаме инфраструктура и нови стадиони. Заостанавме 30 години. Дали знаевте дека Арапите градат цели градови во пустина? Дефинитивно ќе влезат во фудбалот бидејќи тоа е најголемиот бизнис кој ти дава публицитет. Што нудиме ние?
Ако владата не даде поддршка, ние ќе бидеме трет ешалом. Во Англија, малите деца се охрабруваат да играат фудбал, а владата обезбедува средства за фудбалските академии. Тоа го прават и во Германија. Во Италија стоиме во место. Кога зборувам за овие работи, луѓето мислат дека сум луд. Гледам во иднината и искрен сум со сите вас. И иднината на италијанското првенство е многу мрачна“, изјавил тогаш Берлускони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.