Манчестер сити, очекувано, се пласираа во осминафиналето на Англискиот Лига куп, победувајќи го третолигашот Вајкомб вондерерс со 6:1, и покрај тоа што гостите шокантно дојдоа во водство и ги намачија во првите 20-тина минути од мечот.

И Ливерпул ја оправдаа фаворитската улога со 3:0 победа кај Норич, како и Брентфорд, кои со 7:0 ги „прегазија“ Олдам и Барнли, кои со 4:1 беа подобри од Рочдејл.

Но, дел од премиерлигашите не го преживаа првиот тест – Вотфорд успеа дома да загуби со 1:3 од Стоук сити, додека Евертон во пенал драма, успеа да загуби од Квинс Парк Ренџерс по 2:2 ремито по 90 минути.

ЕФЛ ЛИГА КУП, 1.КОЛО

Брентфорд – Олдам 7:0

Барнли – Рочдејл 4:1

Фулам – Лидс 0:0, 5:6 пен.

Манчестер сити – Вајкомб 6:1

Норич – Ливерпул 0:3

Престон – Челтенам 3:1

Квинс Парк Ренџерс – Евертон 2:2, 8:7 пен.

Шефилд јунајтед – Саутемптон 2:2, 2:4 пен.

Вотфорд – Стоук сити 1:3

Виган – Сандерленд 0:2

Фиорентина одигра доминанто прво полувреме за да има 1:0 водство против шампионот Интер, но потоа доживеа неверојатен пресврт во кој „нераѕурите“ за три минути ги обезбедија трите поени и првото место на табелата.

Рикардо Сотил ги донесе Виола во водство на „Артемио Франки“ во 23. минута за да ја круниса одличната игра, меѓутоа второто полувреме целосно му припадна на гостинскиот клуб. Матео Дармијан во 52. минута успеа да израмни на 1:1, пред Един Џеко да ја продолжи одличната форма со гол по обидот на Хакан Чалханоглу, а Иван Перишиќ во 87. минута ја потврди четвртата победа во пет меча за тимот на Симоне Инзаги.

Аталанта, пак, конечно, сврза две победи во низа оваа сезона, победувајќи ги Сасуоло со 2:1. Робин Госенс уште во третата минута ги донесе „Ла деа“ во водство, пред Давиде Запакоста да го постигне првиот гол за тимот во 37. минута. Гостите се заканија со камбек преку Доменико Берарди во 44. минута.

СЕРИЈА А, 5.КОЛО

Фиорентина – Интер 1:3

Аталанта – Сасуоло 2:1

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-37475”));

Хетафе останува на последното место во шпанската Ла лига со шест порази во низа, откако дозволија да пропуштат 1:0 водство против шампионот Атлетико Мадрид во последните десетина минути од мечот, благодарение на фантастичниот Луис Суарез.

Хетафе немаа дадено гол против Атлетико во претходните 20 меѓусебни дуели, и последен пат го најдоа патот до мрежата на „рохибланкос“ во далечниот ноември 2011 година. Херој на Хетафе беше српскиот дефанзивец Стефан Митровиќ, кој покрај тоа што постигна гол во 45. минута од мечот, успеа да го заддржи на дистанца напаѓачкото дуо на Атлетико, Луис Суарез и Антоан Гризман во првото полувреме.

Сепак, Карлес Алена доби заслужен црвен картон во 74. минута за да ги остави домаќините во тешка позиција, и само четири минути подоцна Суарез стрелаше за израмнување за тимот на Диего Симеоне. Во 91. минута, Суарез, како мноногу пати минатата сезона, беше одлучувачкиот играч за големи три поени.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-36-37223”));