Спорт
БиХ храбро падна во Келн, први победи за Хрватска и Црна Гора

Макс Верстапен го победи Шарл Леклер во борбата за пол-позицијата, пред трката за Големата награда на Холандија. Пред домашната публика, Верстапен го извозе најбрзиот круг 1:10.342 минути. Леклер за 22 илјадити делови од секундата беше побавно.
Трет на утрешниот старт ќе биде Карлос Саинц од Ферари, а потоа следуваат возачите на Мерцедес и Ред Бул Луис Хамилтони и Серхио Перез. Следуваа Џорџ Расел, Ландо Норис, Мик Шумахер, Јуки Цунода и Ленс Стриол.
Финишот на квалификациите го обележа Серхио Перез, кој се изврте со својот болид во третиот сектор. Инцидентот се случи во моментот кога двајцата возачи на Мерцедес ги возе своите најдобри времиња.
Трката на патеката во Зандворт ќе започне утре во 15 часот.
Кошаркарите на Црна Гора ја забележаа првата победа на Евробаскетот. Во А-групата Црногорците ја победија Белгија. Први победи запишаа репрезентациите на Финска и Хрватска. БиХ одиграа одлично првото полувреме против Германија, но не успеа да приреди изненадување.
Црна Гора ја победи Белгија со 76:70. Црногорците по три четвртини ги решија дилемите околу конечниот победник. Во последната четвртина влегоа со предност 68:50.
Бојан Дубљевиќ ја предводеше Црна Гора со 21 поен, 11 скока и четири асистенции. Два поени помалку со пет асистенции реализираше Кендрик Пери.
Финска ја декласира селекцијата на Полска со 89:59. Ветеранот Сасу Салин беше најефикасен со 18 поени, поен повеќе од Лаури Марканен. По две кола Финска и Полска имаат по една победа и еден пораз.
Хрватска по дрматичниот пораз од Грција, ја оправда фаворитската улога против Велика Британија. Импресивни беа Хрватите во третата четвртина во која постигнаа 35 поени, а примија само девет. Хрватите славеа со 86:65 . Хрватска има победа и пораз, Британците го забележаа вториот пораз. Бојан Богдановиќ и Дарио Шариќ се издвоија кај Хрватска со по 15 поени.
БиХ одигра добро прво полувреме против домаќинот Германија, на крајот квалитетот и подолгата клупа го решија мечот во корист на Германија 92:82. Третата четвртита беше клучна, Германија ја доби со 28:11 и успеа минусот од пет поени да го претвори во плус од 12 кошеви.
Џанан Муса со 28 поени, односно Јусуф Нуркиќ со 21 поени и шест скока се истакнаа кај БиХ. Денис Шрудер ја предводеше Германија со 18 поени, Тиман уфрли 14.
The nod of approval from Coach @1MrBigShot ????#EuroBasket x #BringTheNoise | @bosnianbeast27
???? https://t.co/XA74Vl1szW pic.twitter.com/Q10ghPKtSd
— #EuroBasket 2022 (@EuroBasket) September 3, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Скандал во Премиер лигата – Томас Парти обвинет за пет случаи на силување

Поранешниот фудбалер на Арсенал, Томас Парти, официјално е обвинет за пет обвиненија за силување и едно обвинение за сексуален напад врз три различни жени.
Обвиненијата се однесуваат на настани што се случиле помеѓу 2021 и 2022 година, пишува „Дејли меил“.
Репрезентативецот на Гана, чиј договор со Арсенал истече на 1 јули 2025 година, официјално ќе се појави пред Судот за прекршоци во Вестминстер на 5 август.
Ова сигурно ќе му го отежни наоѓањето нов клуб, ако воопшто продолжи да игра фудбал, по силните обвинувања што се упатуваат против него.
Истрагата започна во февруари 2022 година, кога една од жртвите ја започна „лавината“.
Подоцна ѝ се придружија уште две жени, кои презентираа докази врз основа на кои Обвинителството официјално покрена обвинение против Парти.
„Разбираме дека оваа вест ќе предизвика силни реакции. Наш приоритет останува да ги поддржиме жените кои имаа храброст да се јават“, рече инспекторот Енди Ферфи.
Парти играше за Арсенал во последните четири години, имајќи 130 настапи и постигнувајќи девет гола. Претходно поголемиот дел од својата кариера го помина во Атлетико Мадрид.
Фото/EPA-EFE/VINCE MIGNOTT
Спорт
Крсте Велкоски се врати во Сараево

Фудбалскиот клуб Сараево денес потврди дека Крсте Велкоски се вратил во клубот како технички директор.
Македонецот го носеше дресот на Сараево во два наврати, а го напушти Кошево во летото 2022 година кога се врати во Македонија.
Прво играше за Работнички, а потоа и за Македонија.
„Во својата нова улога како технички директор, Крсте ќе биде клучната врска помеѓу спортскиот директор, стручниот штаб на првиот тим и Академијата на ФК Сараево. Неговата задача ќе биде стратешки да ги поврзе сите сегменти од спортскиот развој на клубот, од младинските селекции до сениорскиот тим, со цел да се изгради јасна, препознатлива и долгорочно одржлива спортска филозофија“, објавија од Сараево и додадоа.
„Исто така, Велкоски ќе биде задолжен за соработка со играчите кои доаѓаат во ФК Сараево, со цел да им помогне да се адаптираат и да го разберат клубот и заедницата во која доаѓаат. Како човек кој изградил длабоки врски со ФК Сараево и неговите навивачи, Велкоски е пример за сите идни играчи.“
Велкоски првпат пристигна во Сараево на почетокот на 2014 година од Работнички. Две години подоцна замина во Јужна Кореја во Инчеон Јунајтед.
Се врати во „Кошево“ во летото 2017 година и остана следните пет години.
Во дресот на Сараево, овој 37-годишник одигра вкупно 236 натпревари во кои постигна 64 гола и додаде 43 асистенции. Со Сараево, тој три пати беше шампион на Босна и Херцеговина, а освои и три трофеи во Купот на Босна и Херцеговина.
Фото/ facebook.com/FudbalskiklubSarajevo
Спорт
Хорхе Мартин се врати на патеката

Актуелниот шампион во кралската класа, Хорхе Мартин, се врати на патеката по 81-дневна пауза. Шпанецот тестираше на патеката „Каталуња“ на супербајк мотоцикл.
Возачот на Априлија возеше само на една трка оваа сезона во Катар, каде што се здоби со фрактура на 11 ребра, што доведе до пневмоторакс, а претходно пропушти три трки поради фрактури на двете раце и едната нога.
Тестирањето во Монтмел е само првиот чекор за Мартин кон вистинско враќање на патеката, бидејќи неговите повреди сè уште не се целосно заздравени.
Медицинските прегледи дефинитивно ја исклучија можноста да вози следната недела на Големата награда на Германија, додека трката во Брно една недела подоцна во моментов е опција.
Следните прегледи што ќе ги има бранителот на титулата се закажани за следната недела.
Шампионатот во Мото ГП продолжува со Големата награда на Германија, на „Заксенринг“, од 11 до 13 јули.
Foto/ EPA-EFE/FAZRY ISMAIL