Спорт
Билд: Играчите не ги прифаќаат идејите на Лев

Последните денови на Јоаким Лев како селектор на Германија можат да се претворат во вистински дебакл. Човекот кој ја однесе Германија до светската круна во 2014 година, на шест дена до почетокот на ЕУРО 2020, се соочува со бунт во националниот тим, пишува тиражниот „Билд“.
Ирачите кои Лев ги одбра за настап на континенталниот шампионат биле незадоволни од формацијата што ја форсира Лев и со која планира да игра на ЕП.
Подолг период, Лев ја форсира формацијата 3-5-2. Играчите, како што пишува „Билд“, сметале дека играта би им била подобро доколку репрезентацијата игра со четворица во последниот ред.
Најгласни во ова барање биле играчите на Баерн Минхен, кои се најбројни во репрезентацијата. На ЕП од Баерн ќе настапат Мануел Нојер, Џошуа Кимих, Никлас Суле, Леон Горецка, Серж Гнабри, Томас Милер и Лирој Сане.
Германија на ЕУРО 2020 се наоѓа во „групата на смртта“, заедно со Франција, Португалија и Унгарија.
Без оглед на резултатот што ќе го постигне на ЕП, Лев ќе ја напушти функцијата, а на неговото место ќе дојде Ханс-Дитер Флик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Калин Ивановски со успешен старт на новиот турнир во Тунис

Најдобриот македонски тенисер Калин Ивановски со победа го стартуваше новиот ИТФ фјучерс турнир во Монастир, Тунис.
Ивановски, кој е прв носител на овој турнир, со 2:0 во сетови (6:3, 6:3) го победи Олаф Печковски од Полска и се пласира во осминафиналето. Тој и во двата сета доминираше и заслужено се избори за пласман во следната рунда.
Ивановски на минатиот турнир во Монастир стигна до финалето каде беше поразен.
Спорт
РК Пролет ги задржа младинските репрезентативци, Димковски, Стојановски и Тотиќ

Ракометниот прволигаш Тинекс Пролет постигна договор за продолжување на соработката со тројцата најперспективни ракометари во клубот, кадетските и младински репрезентативци на Македонија, Томислав Димковски, Андреј Стојановски и Михаел Тотиќ.
Станува збор за ракометари кои имаа значајна улога во триумфот на кадетската репрезентација на ЕХФ шампионатот во Рига, на кој Димковски беше избран и за МВП на првенството. Тие добиваа шанса во првиот тим на Тинекс Пролет во првиот дел од сезоната, а сигурно ќе имаат уште позначајна минутажа во плејофот, каде се дел од плановите на тренерот Лембанов.
Димковски и Стојановски настапуваат на бековската позиција, додека Тотиќ одлично се снаоѓа на позицијата лево крило.
„Тинекс Пролет останува максимално доследен на клупскиот концепт на кој инсистира со години наназад, најдобрите членови на младинската школа да добијат шанси за докажување и во првата екипа. Остануваме проект што ќе создава квалитетни домашни играчи, го потврдуваме тоа и со новите договори на Димковски, Тотиќ и на Стојановски, тројца извонредно перспективни ракометари со кои потпишавме долгогодишни договори и за кои не се сомневаме дека ќе донесат бројни победи на тимот во иднина“, изјави директорот на Тинекс Пролет, Сашо Огњеновски.
Спорт
Шпански фудбалер дознал дека e принц – Добил остров и милиони

Животот на триесетгодишниот шпански фудбалер Жорди Амат се преврте наопаку за само една година. Минатата година зеде индонезиско државјанство благодарение на неговата баба, која има корени од таа земја. Во тој процес, тој дознал дека има статус принц на островот Сиау.
Амат на тој начин го добил островот и милионско богатство, без воопшто да знае со што располага.
Роден е на периферијата на Барселона, а неговите родители се од Каталонија. Меѓутоа, неговата баба е од островот Сиау во Индонезија.
Станува збор за остров со површина од околу 160 квадратни километри. Според последниот попис, таму живеат нешто повеќе од 45.000 луѓе.
View this post on Instagram
„Знаев дека постои можност да земам индонезиско државјанство поради баба ми, а тоа секогаш ми беше интересно поради нејзините приказни“, вели Амат во интервју за „Марка“.
На крајот се испоставило дека неговата баба била во роднинска врска со кралот на Индонезија, а неговиот прадедо бил владетел на тој остров.
Островот сега во најголем дел е во рацета на Амат, кој на тој начин, неочекувано, доби голема одговорност.
Амат во својата кариера настапуваше за Еспањол, Рајо Ваљекано, Свонси, Реал Бетис и Еупен, а моментално игра за Јохор Дарул Тазим во Малезија.
Покрај тоа, Амат дебитираше за Индонезија и веќе одигра четири натпревари за репрезентацијата на неговата нова татковина.