Спорт
Билд: Клоп во 2022 година ќе замине од Ливерпул
Еден од највлијателните медиуми во Германија, „Билд“, во спортскиот дел, најавува дека Јирген Клоп нема да крај да го одработи договорот со Ливерпул. Германскиот тренер и „црвените“, лани ја продолжија соработката до јуни 2024 година.
Јирген Клоп во Ливерпул пристигна во 2015 година. Пред две години ја освои Лигата на шампионите, а минатата година по пауза од 30 години ја врати на „Енфилд“, титулата во Премиер лигата.
Оваа сезона, работите во Ливерпул се далеку од идеални. Тимот нема шанси да ја одбрани титулата, а гледано од оваа перспектива на Ливерпул им престои жестока борба за да изборат пласман во Лигата на шампионите.
„Билд“, тврди дека Клоп во 2022 година ќе замине од „Енфилд“, бидејќи имал желба да ја предводи репрезентацијата на Германија.
„Како и да заврши неговиот мандат во Ливерпул, Клоп порано или подоцна ќе се врати во Германија. Заинтересиран е да биде селектор, најмногу и поради тоа што Германија ќе биде домаќин на Европското првенство во 2024 година. Можно е да замине од Ливерпул по завршувањето на оваа сезона, но шансите за нешто такви се минорни“, пишува во текстот на „Билд“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Милан со многу среќа ја совлада Џенова – 20 минути игра за Пандев

Калчолигашот Милан дојде до многу важен триумф попладнево на својот „Сан Сиро“ во рамки на 31 коло во Серија А.
„Росонерите“ со 2-1 славеа против екипата на Џенова и првпат по 7. февруари годинава (тогаш со 4-0 славеа против Кротоне) дојдоа до цел плен на својот стадион во рамки на Серија А.
Трагичар кај гостите беше Џанлука Скамака, тој во 68 минута аматерски реагираше во својот шеснаесетник по една нафрлена топка, па од неговиот грб топката се најде во мрежата на голманот Перин, за водство на Милан од 2-1.
Претходно, во првиот дел најпрво Анте Ребиќ со прекрасен удар од 16 метри донесе домашна предност од 1-0.
Сепак, Дестро со глава во 37 минута погоди за 1-1.
Капитенот на македонската фудбалска репрезентација, Горан Пандев во игра влезе во 74 минута, но немаше некоја посериозна шанса да го загрози Џиџи Донарума.
Најголемата шанса за 2-2 Џенова ја имаше во 86 минута кога во два наврати стоперите на Милан ја вадеа топката од гол линијата по една грешка на Донарума. Мазиело и Бехрами не успеаја да ја сместат топката во мрежата.
Со овие три бода Милан останува втор на табелата, сега со 66 – 4 повеќе од третопласираниот Јувентус кој од 15 часот игра во Бергамо, против Аталанта.
Интер и понатаму е недостижен со 74 и меч помалку, оној вечерва од 20.45 нагости кај Наполи.
Спорт
Хорхе Мартин оди на операција: Многу боли, ама јас сум „Мартинатор“

Младиот возач на Прамак Дукати, Хорхе Мартин по импресивниот старт на сезоната во Мото ГП имаше голем пех во Португалија. Ја повреди десната рака и десната нога, па ќе мора да оди на операција во Барселона, по вчерашниот пад на седмиот свиок на патеката „Портимао“. Се работи за повтеда на коска на дланката и на десната нога, над скочниот зглоб.
„Не ми е ова најдобриот ден верувајте ми! Многу боли, но јас сум `Мартинатор`. Ќе се видиме наскоро“ порача Мартин на Твитер.
Not my best day, you can trust me! A lot of pain but I am Martinator. SEE U SOON @motogp pic.twitter.com/rWAIouJ5Tp
— JorgeMartínAlmoguera (@88jorgemartin) April 17, 2021
Тој е дебитант во Мото ГП шампионатот, а на првите две трки беше одличен. Во Доха заврши како трет.
Хорхе Мартин е екс-светски шампион во Мото 3 со Хонда, а минатата сезона беше петтопласиран во Мото 2 возејќи Калекс.
Спорт
Лапорта: Лео е најдобриот светски фудбалер!
Претседателот на Барселона, Жоан Лапорта беше воодушевен по синоќешниот триумф на својот клуб против Атлетик Билбао и освојувањето на Копа дел Реј. Барса по две години освојува трофеј иако некогаш тоа беше нормална работа за клубот од Каталонија.
Во изјава по мечот Лапорта рече дека е уверен дека Лео Меси ќе остане на „Ноу Камп“ до крајот на кариерата.
„Лео е најдобриот светски фудбалер! Многу е важен за клубот. Убеден сум дека сака да остане, ќе направиме се што е во наша моќ така и да биде. Во овој меч видовме дека е опкружен со одлични играчи. Тимот играше многу добро, среќен сум поради нив. Се надевам дека ова е само првиот од многуте трофеи што ќе ги освоиме“ рече претседателот на Барселона.
Инаку, Меси кој синоќа постигна 2 гола и имаше асистенција стана првиот играч кој за 119 години во Купот на Кралот тресел мрежи во седум различни финалиња од ова натпреварување.
- Свет3 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Црна хроника3 месеци
Брат и сестра нападнати на Широк сокак
- Економија3 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Регион2 месеци
Вучиќ за ковид-пасошите: Кои сте вие да го ограничите движењето на некој што не сака да се вакцинира?
- Македонија3 недели
Ѓорчев: Мојот татко е во кома откако се вакцинираше во Ниш