Спорт
„Билд“: Најмалку пет ѕвезди на Баерн мора да си заминат
Баерн Минхен е исклучително активен во летниот преоден рок. Баварците за тројца фудбалери потрошија 125 милиони евра.
Нови фудбалери на Баерн станаа: Мајкл Олисе за 53 милиони евра од Кристал Палас, играчот од редот за врска Жоао Палиња за 51 милион евра од Фулам и дефанзивецот Хироки Ито за 23,5 милиони евра од Штутгарт.
Хрватскиот репрезентативец Јосип Станишиќ се врати од позајмицата во Баер Леверкузен, а блиску до трансфер е и Џонатан Тах, исто така од Леверкузен.
Билд пишува дека ниту еден од тие пет играчи „не е светска ѕвезда“, но би можеле да станат стандардни првотимци во тимот на новиот тренер Винсент Компани. Со оглед на големиот број на играчи во составот, германските медиуми посочуваат дека „во соблекувалната „врие“ од скапо платени репрезентативци од целиот свет“.
Баерн до крајот на преодниот рок ќе мора да продаде неколку играчи, а „Билд“ истакнува дека „треба да си заминат најмалку пет ѕвезди“.
Да потсетиме, клубот од Минхен минатата сезона не освои ниту еден трофеј. Тоа беше прва ваква лоша сезона по повеќе од една деценија и по неа, се чини, тимот ќе изгледа многу поинаку.
Спортскиот директор на Баерн, Макс Еберл, најверојатно ќе се ослободи од неколку играчи. „Билд“, пишува дека „цела Европа знае дека тој мора да продава веднаш“ и дека тоа може да им ја намали цената на некои фудбалери.
Германските новинари веруваат дека петмина од овие играчи би можел да го напушти клубот во летниот преоден рок:
Крила: Кингсли Коман, Серж Гнабри и Брајан Сарагоса
Централни играчи од средниот ред: Леон Горецка, Џошуа Кимих, Конрад Лајмер
Стопери: Матијс де Лихт, Ерик Даер, Ким Мин-џае, Дајот Упамекано
Бекови: Нусаир Мазрауи, Саша Бои, Алфонсо Дејвис
Воедно наведуваат дека треба да си заминат најмалку две крила, еден централен играч за врска, веројатно двајца стопери и еден од дефанзивците.
„Спортскиот директор не се оценува само според играчите што ги доведува, туку и според тоа што ќе добие за оние што ги продава. Тоа значи дека не смее да дозволи Кимих, Сане и Дејвис да си заминат бесплатно во 2025 година“, пишува „Билд“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед и Лајпциг го договориле трансферот на Шешко
Бенјамин Шешко (22) наскоро ќе стане нов играч на Манчестер јунајтед, објави попладнево Фабрицио Романо. Најпознатиот светски експерт за трансфери на фудбалери ги објави деталите за трансферот. Јунајтед ќе плати 76,5 милиони евра фиксна отштета на германскиот РБ Лајпциг за словенечкиот напаѓач, со 8,5 милиони потенцијални бонуси.
Вечерва, Шешко ќе отпатува за Англија во друштво на своите менаџери, каде што треба да ги мине лекарски прегледи и да го потпише договорот утре.
Словенецот ќе потпише договор до 2030 година, а износот на платата што ќе ја заработува сè уште не е познат.
Шешко, инатата сезона постигна 21 гол за германскиот бундеслигаш на 45 настапи, вклучувајќи четири гола во Лигата на шампионите. Тој веќе има 41 настап за словенечката репрезентација и постигнато 16 гола.
Да ве потсетиме, Рубен Аморим и Јунајтед веќе некое време составуваат нов напад на „Олд Трафорд“. Претходно во овој преоден рок пристигнаа Брајан Мбеумо од Брентфорд и Матеус Куња од Вулверхемптон, секој за 75 милиони евра отштета. Вкупно, Јунајтед инвестираше околу 225 милиони евра во формирање на ново напаѓачко трио.
Спорт
Објавена е листата на кандидати за Златната топка
Магазинот „Франс фудбал“ денес ја објави листата од 30 фудбалери номинирани за Златната топка (Ballon d’Or), која се доделува на најдобриот играч во светот.
На листата, која беше објавена на социјалната мрежа „“, се наоѓаат девет фудбалери на Пари Сен Жермен:: Усман Дембеле, Витиња, Џанлуиџи Донарума, Нуно Мендеш, Дезире Дуе, Хвича Кварацкелија, Ашраф Хакими, Жоао Невес и Фабијан Руиз.
Фудбалерите на ПСЖ ја освоија Лигата на шампионите минатата сезона, откако во финалето го победија Интер со 5:0.
Меѓу кандидатите за Златната топка се фудбалерите на : Ламин Џамал, Рафиња, Педри и Роберт Левандовски, како и играчите на Реал, Килијан Мбапе, Џуд Белингам и Винисиус Жуниор.
На листата на кандидати за Златната топка се наоѓаат и Ерлинг Халанд (Манчестер Сити), Флоријан Вирц (Леверкузен/Ливерпул), Кол Палмер (Челзи), Вирџил ван Дајк (Ливерпул), Алексис Мекалистер (Ливерпул), Мохамед Салах (Ливерпул), Дензел Дамфрис (Интер), Лаутаро Мартинез (Интер), Скот Мектомини (Наполи), Мајкл е (Баерн), Хари Кејн (Баерн), Серу Гираси (Борусија Дортмунд), Виктор Ѓекереш (Спортинг, Арсенал) и Деклан Рајс (Арсенал).
Here are the 2025 Ballon d'Or nominees!#ballondor pic.twitter.com/tehmbU4R0j
— Ballon d'Or (@ballondor) August 7, 2025
По еден фудбалски новинар од секоја од 100-те најдобро рангирани земји на ранг-листата на ФИФА го даваат својот глас за победникот на Златната топка.
Кандидати за најдобар млад фудбалер за трофејот „Копа“ се: Пау Кубарси (Барселона), Дезире Дуе (ПСЖ), Ајуб Буади (Лил), Естевао (Палмеирас, Челзи), Дин Хајсен (Бурнмут/ Реал Мадрид), Родриго Мора (Порто), Ламин Јамал (Барселона) и Кенан Јилдиз (Јувентус).
Алисон Бекер (Ливерпул), Јасин Боно (Ал Хилал), Тибо Куртоа (Реал), Лука Шевалие (Лил), Јан Зомер (Интер), Мак Селс (Нотингем Форест), Давид Раја (Арсенал), Јан Облак (Атлетико), Емилијано Мартинез (Астон Вила) и Џанлуиџи Донарума (ПСЖ) се натпреваруваат за наградата за најдобар голман за трофејот „Јашин“.
Кандидати за најдобар тренер се Ханси Флик (Барселона), Луис Енрике (ПСЖ), Антонио Конте (Наполи), Енцо Мареска (Челзи) и Арне Слот (Ливерпул).
Во конкуренција за најдобар клуб се: ПСЖ, Ливерпул, Челзи, Барселона и Ботафого.
Церемонијата на доделување на наградите ќе се одржи на 22 септември во Париз.
Foto/ EPA/CJ GUNTHER
Спорт
НБА-шампион во забивање ја засили Басконија
Нов играч на кошаркарскиот клуб Басконија е Хамиду Диало (27), победникот на натпреварот во забивање на Ол-стар викендот, во 2019 година.
Диало е уште еден во низата кошаркари со солидна НБА репутација кои ова лето решија да се натреваруваат во Евролигата.
„Басконија додаде атлетизам во својот состав со тоа што го потпиша крилниот играч Хамиду Диал на две години“, објави клубот од Виторија.
Родениот во Квинс пристигнува по сезона со Шанкси Лангс, во Кина, каде што имаше просек од 22,5 поени, 7,3 скока и 3,1 асистенции по натпревар.
Својот најдобар натпревар го одигра во Кина против Жеџијанг кога постигна 46 поени.
Покрај американскиот пасош, тој има и пасош на Гвинеја.
Во својата кариера, одигра 256 натпревари во најсилната лига, беше драфтуван во 2018 година од Оклахома, по што играше и за Детроит, Бруклин и Вашингтон.
Германски државјанин протеран од државата: на натпреварот Шкендија-Карабаг во Скопје веел знаме „Голема Албанија“
По извршена идентификација и поднесена кривична пријава, Основното јавно обвинителство Скопје по итна постапка процесуираше државјанин на Германија за кривично...
Одложени активности на отворено: Министерството за здравство со препораки поради најавите за високи температури
Министерството за здравство информира дека во согласност со најновата прогноза од Управата за хидрометеоролошки работи (УХМР) во периодот од 8...
Забрана за движење во шумите до крајот на август, за прекршителите казна до 2.000 евра: Владата ја продолжи кризната состојба од 30 дена
На владината седница е донесена одлука за продолжување на кризната состојба во рок од 30 дена. Со ова продолжување, како...
Трговците да ги намалат цените на училишниот прибор пред почетокот на школската година, одлучи Владата
Владата на 100. седница донесе одлука и ги задолжи трговците да ги намалат цените на училишниот прибор од најмалку 10...
Две лица загинаа во сообраќајна несреќа кај Градско: со возилото излетале од патот
Вчера околу 14:35 часот во СВР Велес било пријавено дека на експресниот пат Прилеп-Градско, патничко возило „ауди“ со делчевски регистарски...
„Борис Трајковски“ под лупа на ревизорите: аквапаркот под клуч, паркингот не заработува, а поддршката за самитот на ОБСЕ недокументирана
Државниот завод за ревизија го објави извештајот за работењето на салата „Борис Трајковски“ за 2023 година. Во извештајот е наведено...
Злато во багаж и ботокс во торба запленети на граница
Царинската управа информира дека при контроли на неколку гранични премини се спречени обиди за криумчарење различни производи, меѓу кои златен...
Синдикатот на новинарите бара зголемување на минималната плата: социјалниот статус на медиумските работници во земјата е на многу ниско ниво
Самостојниот синдикат на новинарите и медиумските работници во време на општата дебата за висината на минималната плата недвосмислено е за...
ВМРО-ДПМНЕ и натаму бара оставка од обвинителот Коцевски
ВМРО-ДПМНЕ и денеска упати јавен повик до обвинителот, Љупчо Коцевски, да си поднесе оставка поради, како што велат, компромитирање на...
Царините на Трамп стапија во сила, стапката за Македонија 15 отсто, како и за земјите од ЕУ
Царините на американскиот претседател Доналд Трамп за увоз од десетици земји, кои се движат од 10 до 50 проценти, стапија...
Зеленски ги објави петте приоритети за украинската одбрана – 50 отсто домашно оружје на фронтот
Претседателот на Украина, Володимир Зеленски, ги претстави петте клучни приоритети на Министерството за одбрана, меѓу кои се зголемување на учеството...
Рубио: САД имаат појасна слика за условите на Русија за крај на војната во Украина
САД имаат подобро разбирање за условите под кои Русија би била спремна да ја заврши војната во Украина откако претставникот...
Трамп: 100 проценти царина за чипови, освен за оние што сакаат да го префрлат производството во САД
Соединетите Американски Држави ќе воведат царина од околу 100 проценти за чипови и полупроводници увезени од земји кои не произведуваат...
Се појави писмо од Вуди Ален до Џефри Епштајн: Откриени детали за тајните вечери
Познатиот режисер Вуди Ален му испратил роденденско писмо на Џефри Епштајн додека тој сè уште беше жив, во кое детално...
Сиљановска-Давкова по новиот инцидент на трибините: Селективната осуда е лицемерие
По новите националистички скандирања на спортските трибини, претседателката Гордана Сиљановска-Давкова со јавна реакција на социјалните мрежи. Таа порача дека сцените...
(Видео) Спасен параглајдеристот кој висеше закачен на дрво високо над 30 метри
Во лоши услови со силен ветар и во ноќ, тимот за спасување на планина на Дирекцијата за заштита и спасување...
Лихварска шема во Гостивар: Заем од 35.000 евра со камата од 15.000 за една година, па по 3.000 евра месечно
Против две лица, меѓу кои еден нотар од Гостивар и една фирма, тетовската полиција поднесе кривични пријави поради сомнение за...
Свадба во струмичкиот затвор – осуденик го кажа судбоносното „да“
Во струмичкиот затвор денес се одржа невообичаен, но длабоко хуман чин – законска регистрација на брак на осудено лице кое...
Тешко злосторство во Кавадарци – го убил својот брат, па го закопал во дворот
Четириесет и тригодишен маж е осомничен дека по расправија го убил својот една година помлад брат, а потоа неколку дена...
Децата на подолго болничко лекување нема да губат настава, на Детската клиника се воведува формално образование
За да нема прекин на воспитно-образовниот процес на учениците што имаат посериозни здравствени предизвици и се на болничко лекување повеќе...
