Спорт
„Билд“ до Саутгејт: Лудаку, твои противници се Милер и Нојер, а не Хитлер и Геринг

Селекторот на АНглија, Герет Саутгејт, на последната прес конференција пред финалниот натпревар на ЕУРО 2020, како дополнителна мотивација за неговите играчи ја спомнал Втората светска војна.
„Многу настапи има во историјата на кои ние како нација можеме да бидеме горди. Некои луѓе се обидоа да извршат инвазија, но имавме доволно храброст да им се спротивставиме. Не можеме да криеме дел од таа енергија беше присутен на Вембли против Германија. Никогаш тоа не сум им го кажал на играчите, но јас знам дека тоа беше дел од приказната. Има многу работи на кои треба да бидеме горди, а не ги потенцираме“, рекол Саутгејт.
Водечкиот германски медиуми „Билд“, оваа изјава на Саутгејт, ја испрати со наслов: „Господине Саутгејт, извинете, вие сте луди“.
„Точно е дека нацистичка Германија во 1940 и 1941 година ја бомбардираше Англија и сакаше да ја натера да капитулира. Челичната волја на Винстон Черчил не ја спаси само неговата земја, туку и помогна на Европа да се ослободи од нацистичките злосторници. Тој со право е прогласен за најголем Британец во историјата. Господине Саутгејт, само ќе ве потсетиме, дека противници на Черчил му беа Хитлер и Геринг, а не Томас Милер и Мануел Нојер. Тешко дека некој од оние кои го гледаа натпреварот Англија-Германија на Вембли, сведочел на крајот на Втората светска војна пред 76 години. Дури и англиските медиуми кои некогаш ги вртеа тие приказни повеќе не го прават тоа. Војната повеќе не е тема во светот на фудбалот“, пишува „Билд“.
„Германските тренери Клоп и Тухел на наглискиот фудбал му ги донесоа последните две големи титули. Зошто да не? Живееме во 2021, а не во 1945 година. Зошто дававте такви изјави? Сте гледале премногу филмови за Черчил, па сакате да станете вториот најголем Британец во историјата? Дали во мислите во беше вашиот дедо кој беше во морнарицата на Черчил? Ние Германците, кои заслужено испаднавме, со радост го чекаме големото финале. Доколку победи Англија, ќе победи поради Кејн и Стерлинг, а не поради војната“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Познати се сите учесници во Лигата на шампионите – Ждрепката е во четврток

По последните квалификациски натпревари, познати се сите учесници на 71-то издание на Лигата на шампионите. Наградниот фонд за Лигата на шампионите оваа сезона е 3,317 милијарди евра.
Следната сезона 2025/26 ќе биде втора по ред во новиот формат со 36 екипи, при што секој од нив ќе игра најмалку осум натпревари.
Сите екипи ќе бидат поделени во четири шешири од по девет екипи, а ждрепката ќе се одржи во четврток во 18:00 часот во Монте Карло.
Прв шешир: Пари Сен Жермен, Реал Мадрид, Манчестер сити, Баерн Минхен, Ливерпул, Интер, Челзи, Борусија Дортмунд, Барселона
Втор шешир: Арсенал, Баер Леверкузен, Атлетико Мадрид, Бенфика, Аталанта, Виљареал, Јувентус, Ајнтрахт, Клуб Бриж
Трет шешир: Тотенхем, ПСВ, Ајакс, Наполи, Спортинг Лисабон, Олимпијакос, Славија Прага, Боде/Глимт, Олимпик Марсеј
Четврти шешир: Копенхаген, Монако, Галатасарај, Унион Сен Жилоа, Карабаг, Атлетик Билбао, Њукасл, Пафос, Каират
Првото коло ќе се одигра на 16 и 17 септември, додека финалето е закажано за 30 мај во Будимпешта.
Спорт
(Видео) Клуб од Четвртата лига го елиминира Манчестер јунајтед од Лига купот

Членот на Лига 2 (четврти ранг на англискиот фудбал) Гримзби го елиминира Манчестер јунајтед во второто коло, во Лига купот. Гримзби, клуб основан пред 147 години, победи на пенали со 12:11. Натпреварот во регуларното време заврши 2:2 (2:0).
Дека на „Бландел Парк“ може да се случи една од најголемите сензации во историјата на англискиот фудбал, можеше да се насети во првото полувреме, кое Јунајтед од апсолутниот аутсајдер го загуби со 2:0.
Првиот гол го постигна Вернам во 22-та минута, а Ворен го дуплираше водството на Гримзби по половина час игра.
Манчестер јунајтед се врати во живот во последните 15 минути, со головите на Брајан Ембумо во 75-та и Хари Магваер во 89-та минута.
Бидејќи немаше победник во 90 минути се шутираа пенали. Таму се случуваше вистинска драма, се шутираа 13 серии, а трагичари беа играчите за кои Јунајтед летово издвои речиси 150 милиони евра.
Матеус Куња не успе да ја заврши работата во петтата серија кога резултатот беше 4:4, а Ембумо ја погоди гредата во 13 серија.
Фото/ Принтскрин
Спорт
(Видео) Бенфика го испрати Мурињо во Лига Европа, Бриж ги растури Глазгов Ренџерс

Бенфика, Клуб Бриж и Копенхаген ја комплетираа листата на учесници во главнаѕа фаза, во Лигата на шампионите.
Во најпривлечнит натпревар, Бенфика со 1:0 го победи Фенербахче. Жозе Мурињо и втора сезона по ред не успева со Фенер да дојде до Лигата на шампионите. По 0:0 во Истанбул, Бенфика подобро влезе во реваншот, ВАР им поништи два гола, а во 35.минута Актуркоглу го постигна единствениот гол.
Најдобрата шанса за Фенер ја имаше Ен Несири во вториот дел кога ја погоди гредата.
Копенхаген со 2:0 забележа победа над Базел и со вкпни 3:1 се пласира во ЛШ. Двата гола беа постигнати во вториот дел. Корнелиус погоди веднаш на стартото од второто полувреме, а во 84.минута точка на мечот стави Мукоко.
Клуб Бриж со 6:0 го декласира Глазгов Рензерс и со вкупни 9:1 го мина плеј-офот. Гостите од осмата минута играа со играч помалку. Аронс доби црвен картон. Бриж во првиот дел постигна пет гола и уште еден во вториот.
Foto/ EPA/RODRIGO ANTUNES