Челниците на фудбалскиот клуб Тотенхем му врачија отказ на менаџерот Томас Франк. Откакзот доаѓа како последица на лошите резултати во Премиер лигата, синиќа неговиот тим загуби дома од Њукасл (1:2), со што ја продолжи серијата на осум натпревари без триумф.

По серија лоши резултати, фудбалерите на Тотенхем се 16-ти на табелата во Премиер лигата, пет бода од зоната за испаѓање.

Данецот беше донесен во Лондон со големи очекувања, бидејќи Тотенхем му плати 7.000.000 евра отштета на Брентфорд.

Од 38 натпревари, во кои го водеше тимот, тој победи само на 13, со 11 нерешени резултати и 14 порази. Френк помина само осум месеци во Тотенхем.

Foto/ depositphotos

Лука Дончиќ стана дел од инвестициската група на Дони Нелсон, поранешниот генерален менаџер на Далас, која има за цел да го донесе Рим во НБА Европа, објавуви „Атлетик“.

Нелсон има договор за купување на Кремона, со цел да започне многу поголем проект, а тоа е влез во лига под покровителство на ФИБА и НБА.

Се пишуваше дека и Дирк Новицки е во тој тим, но неговиот портпарол ги дематира тие информации.

Сепак, во тимот на соработници треба да биде поранешниот литвански кошаркар, Римантас Каукенас. .

Кремона има лиценца за Серија А, а секој тим што би се натпреварувал во НБА Европа мора истовремено да игра и во првото ниво на домашното првенство.

Со таа лиценца, Дончиќ и партнерите потоа би основале практично нова франшиза во Рим.

Се очекува купувањето на лиценцата за НБА Европа да биде скапо – од 500 милиони до 1 милијарда долари, а Рим е голем и неискористен пазар, па веројатно е дека Нелсон и Дончиќ имаат финансиски моќни партнери.

Моментално, во Рим не постои тим што се натпреварува во највисокиот ранг на италијанска кошарка.

Foto/ depositphotos

Трагична вест од Франција го потресе светото на екстремните спортови. Пјер Волник (37), еден од најдобрите „wingsuit“ спортисти на денешницата, почина за време на скок од Мон Блан, највисокиот врв на Алпите.

Според достапните информации, падобранот на Волник не се отворил за време на летот, поради што тој удрил на земјата со голема брзина во областа Бозон. Итните служби брзо пристигнале на местото на несреќата, но само можеле да ка констатираат смртта.

Волник беше двократен светски шампион во „wingsuit“, ги освои титулите во 2022 и 2024 година, а оваа сезона се сметаше за главен фаворит за новата светска круна. Тој се смета за еден од најталентираните и најискусните натпреварувачи во овој исклучително опасен спорт.

Pierre Wolnik (37) – 🇫🇷 skoczek spadochronowy, dwukrotny mistrz świata w locie swobodnym. Mężczyzna zginął w masywie Mont Blanc, kiedy to po skoku z helikoptera w kombinezonie wingsuit nie otworzył się jego spadochron. pic.twitter.com/UjR389URNO

— Kto umarł? (@KtoUmarl) February 10, 2026

Од него се прости и претседателот на Француската федерација за падобранство, Ив-Мари Гијо, кој го опиша како врвен спортист, исклучителен професионалец и личност „која секогаш зрачеше со позитивна енергија“.

Истрагата за причините за несреќата е во тек, а смртта на Пјер Волник остави длабок белег во заедницата на екстремни спортови ширум светот.