Спорт
Бјелица се враќа во Динамо Загреб?
Динамо Загреб се уште е во потрага по тренер откако минатата недела клупските ќелници му врачија отказ на Сергеј Јакировиќ. Динамо загуби во дербиот од Хајдук (0:1) во домашното првенство, а потоа претрпе дебакл од Баерн во Лигата на шампионите (9:2).
Откако Јакировиќ си замина, Динамо доживеа уште еден тежок пораз. Со помошникот Сандро Перковиќ, Славен Белупо во Копривница го порази Динамо со 4:1.
Како што пренесуваат хрватските медиуми еден од тренерите кои оставија најголема трага во клубот во овој век е многу блиску до враќање на клупата на „модрите“. Наводно, останува да се договорат финансиските детали.
Проблем, барем е договорот ѓто го има Бјелица со Берлин Унион, на чија клупа седеше од ноември 2023 година до мај 2024 година, кога беше отпуштен поради лошите резултати во борбата за опстанок во Бундес лигата.
Договорот на Бјелица со германскиот прволигаш е со важност до 2026 година, што значи дека треба да го раскине за да се врати во Динамо.
Бјелица го водеше Динамо од 2018 до пролетта 2020 година и со него во првата сезона избори пласман во осминафиналето на Лигата
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тренерот на Партизан си поднесе оставка
Тренерот на Партизан, Александар Станојевиќ поднесе оставка по дебаклот против Црвена Звезда во 174. дерби.
„Веднаш по поразот во вечното дерби против Црвена звезда (4:0), тренерот на Партизан Александар Станојевиќ поднесе оставка од таа функција“. пишува српски „Телеграф“.
Пред четири месеци Станојевиќ се врати на клупата на црно-белите кога го наследи Игор Дуљај.
Станојевиќ по дербито се најде на мета на навивачите, кои најпрво скандираа да си замине од клубот, а по мечот се здоби со повреда кога бесните навивачи ги сршија стакланата на соблекувалната.
Со Станојевиќ, Партизан нема победа на последните осум натпревари, што последен пат му се случило пред 44 години.
Спорт
Балотели: Бобан божем сè знае, а другите се идиоти
По поразот на Милан во првото коло од Лигата на шампионите на домашен терен од Ливерпул (1:3), Звонимир Бобан од позицијата стручен консултант на „Скај Спорт“ упати низа критики кон својот поранешен клуб и тренерот Паоло Фонсека.
Бобан играше во Милан во текот на деведесеттите години на минатиот век, а во клубот работеше и како директор од јуни 2019 до март 2020 година.
Продажбата на Сандро Тонали во Њукасл Бобан ја оцени како голема грешка, а го критикуваше и тренерот Пауло Фонсека кој на шест натпревари во Милано оствари само две победи.
Поранешниот хрватски репрезентативец го критикуваше Пауло Фонсека за изборот на играчите за овој натпревар, додаде дека верува оти „Рајндерс не е шестка, туку осумка“, и дека „Лофтус-Чик не е десетка, туку осумка“. и се запраша:
„Како да се игра 4-3-3 со нив двајца, размислува ли за промени“.
Тоа не му се допадна на Марио Балотели, кој во емисијата „Вокс ту Бокс“ на Контракалчо оцени дека однесувањето на Бобан кон Фонсека е неприфатливо:
„Не ми се допаѓа како зборува Бобан. Изгледа тој знае се и дека само неговите идеи се исправни, а сите други се идиоти. Многу е дрско да му се кажуваат вакви работи на Фонсека, тој му кажува на тренерот како да си ја заврши работата. Кој си ти? Бобан напаѓа од високо и немам проблем да кажам дека ме нервира. Ако убаво го објасниш својот став, во ред е. Во спротивно, оди по ѓаволите“, изјави Балотели.
Спорт
Артета: Еден фудбалер има сериозна повреда, ќе дознаете наскоро
Не стивнува бурата околу дербито Манчестер сити – Арсенал. На двете екипи им претстојат натпревари во Лига купот, а тренерот на Арсенал, Микел Артета откри дека клучен играч заработил сериозна повреда.
Арсенал одреден период ќе биде без капитенот Мартин Едегор (не играше и во дербито), а Артета не сакаше да открие кој е новиот повреден играч. Изјави дека утре ќе забележат сите за кого станува збор кога ќе го објави составот за натпреварот против Болтон во Лига купот.
„За жал, неколку играчи нема да можат да играат. Еден од нив има посериозна повреда. Ќе дознаете утре“, изјави Артета.
Она што можеше да се забележи на дербито е дека на теренот во одреден момент лежеа Рикардо Калафиори, Давид Раџа, Јуријен Тимбер и Габриел Мартинели.