Спорт
Бобан ја напушти УЕФА затоа што Чеферин мести нов мандат
Поранешниот југословенски и хрватски фудбалер Звонимир Бобан повеќе не е функционер на УЕФА, откако реши да ја напушти функцијата.
Хрватот ја извршуваше функцијата прв човек на фудбалот во УЕФА од 2021 година, кога на таа функција беше назначен на лично инсистирање на претседателот на европската куќа на фудбалот, Александар Чеферин.
УЕФА излезе со соопштение во врска со неговото заминување.
„УЕФА сака да го објави консензуалното заминување на Звонимир Бобан од организацијата. Бобан ѝ се приклучи на организацијата во 2021 година како шеф на фудбалот и иницираше неколку значајни проекти во техничкиот развој, вклучувајќи го и формирањето на Фудбалскиот одбор на УЕФА и Младинскиот фудбалски форум. УЕФА сака да му се заблагодари на Бобан за неговата посветена услуга и му посакува многу среќа во неговите понатамошни потфати во кариерата“, се вели во краткото соопштение на УЕФА.
Од друга страна, Бобан во отворено писмо истакна дека поднел оставка од функцијата поради несогласувања со првиот човек на Европската фудбалска унија, Александар Чеферин.
„Зборував со претседателот на УЕФА за проблемот што се случи за време на последниот состанок на Извршниот комитет на УЕФА во Хамбург. Станува збор за предлогот за измена на статутот на УЕФА за да му се дозволи на Чеферин, на следниот конгрес на 8 февруари во Париз нова кандидатура по овој мандат, која требаше да му биде последен.
Парадоксално, во 2017 година, токму Чеферин предложи и иницираше пакет реформи кои требаше да ги заштитат УЕФА и европскиот фудбал од „лошиот менаџмент“ што беше „modus operandi“ на стариот, корумпиран и веќе обвинет систем толку пати. Главните две точки на реформите беа дека ниту претседателот ниту членовите на Извршниот одбор не можат да се кандидираат за функција повеќе од три пати (12 години) и беше воведена старосната граница од 70 години за сите членови на Извршниот одбор.
Во овие три години односот и соработката со Александар и сите мои колеги во УЕФА беа одлични – им благодарам за тоа, им посакувам се најдобро.
Жал ми е и тажен сум, но ја напуштам УЕФА“, стои во писмото на поранешниот фудбалер на Динамо и Милан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Шоу на Ел Каби против Астон Вила, Фиорентина во 91.минута го скрши Бриж
Во првите полуфинални натпревари на Конференциската лига, Олимпијакос победи со 4:2 против Астон Вила во Бирмингем, додека Фиорентина го совлада Клуб Бриж со 3:2. Реваншите се за седум дена во Грција и Белгија.
Олимпијакос одигра сензационално против Астон Вила, среде Бирмингем имаше двојно помал посед на топката, помалку шанси и помалку удари кон голот на противникот, но успеа да постигне четири гола.
Вистински херој е напаѓачот Ел Каби кој постигна хет-трик.
Ел Каби погоди во 16. минута, па во 29. минута, но впечатокот грчкиот тим го распиа во финишот на првиот дел, во 46.минута кога Воткинс го намали резултатот.
Тој гол донесе офанзива на Вила на почетокот на вториот дел, која ја материјализираше Дијаби.
Вториот гол на Вила не ги поремени играчите на Олимпијакос, набргу Ел Јаби од пенал во 56. минута погоди за 3:2, а Хезе иа ја врти предноста од два гола на црвено-белите од Пиреа.
Вила имаше шанса да го намали резултатот, но во 84. минута Даглас Луиз од пенал ја погоди стативата.
Фиорентина двапати имаше предност против Бриж. Сотил беше стрелец во петтата минута од играта, а израмни Ванакен од пенал во 17. минута. Белоти повторно и го врати водството на Фиорентина во 37. минута. Во продолжение Бриж остана со играч помалку во 61.минута, кога за само три минути Оњедика доби два жолти каротн.
Две минути по црвениот картон на Оњедика, Игор Тиаго го изедначи резултатот.
На крајот, сепак, Фиорентина сепак успеа да забележи победа. Голот за 3:2 го постигна Нзола во 91.минута.
Спорт
(Видео) ЛЕ: Баер зачекори во финалето, Аталанта избори реми во Марасеј
Баер Леверкузен победи на „Олимпико“, со што направи џиновски чекор кон пласманот во финалето на Лига Европа. На добар пат да му се придружи е и Аталанта која одигра нерешено со Олимпик во Марсеј.
Четата на Чаби Алонсо нема намера да запре, од почетокот на сезоната се уште нема пораз. Вечерва новиот шампион на Германија ја победи Рома во Рим со 2:0, во првиот полуфинален натпревар во Лига Европа.
„Фармацевтите“ водеа со 1:0 по првиот дел со голот на Вирц цо 28.минута, а победата ја потврди Андрих со спектакуларен гол во 73.минута.
На „Велодром“ во Марсеј сите дилеми околу конечниот резултат беа решени во првите 20 минути. Скамка и донесе предност на Аталанта во 11.минута, девет минути подоцна изедначи Мбемба.
Реванш натпревари на програмата се наредниот четврток.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.