Рафаел Надал експресно преку сонародникот Пабло Карењо Буста го мина третото коло на Австралија опен. Третата рунда ја мина и Домик Тим кој ќе игра во осмина-финалето против Гаел Монфис.

Првиот носител во Мелбурн, Надал, за 98 минути го декласира Карењо Буста со 6/1, 6/2, 6/4. Шпанецот во наредното коло за противник ќе го има победникот од дуелот помеѓу Ник Кирјос и Карен Хачанов.

Гаел Монфис против Ернест Гулбис потсети на своите најдобри денови, победи во три сета за речиси два и пол часа игра (7/6, 6/2, 6/3).

Во наредната фаза Монфилс го чека петтиот носител Доминик Тим.

Австриецот во четири сета го победи Американецот Тејлор Фриц со 6/2, 6/4, 6/7, 6/4 за два часа и 50 минути.

Третото коло го мина и 16 носител Андреј Рублов. Рускиот тенисер беше подобар од Белгиецот Давид Гофан со 2/6, 7/6, 6/4, 7/6.

Кошаркарите на Лос Анџелес Клиперс во дербито на вечерта во НБА лигата славеа победа во Мајами 122:117. На овој натпревар Каваи Ленард, еден од најдобрите играчи во лигата, го забележа првиот трипл-дабл во кариерата.

Ленард (28) во Мајами го одигра 502 натпревар во кариерата и го забележа првиот трипл-дабл (33 поени, 10 скока, 10 асистенции).

Ленард во 2015 година е избран како 15 пик на драфтот од страна на Инидјана Пејсерс, но веднаш е трејдуван во Сан Антонио. Со Спарс ја освои титулата во 2014 година, а шампионски прстен освои и минатата сезона со Торонто Репторс.

Оваа сезона Ленард има просек од 27,1 поен, 7,4 скока и 5 асистенции по натпревар.

Еден од сопствениците на НБА франшизата Шарлот Хорнетс, Мајкл Џордан, одговорајќи на новинарски прашања рекол дека Тони Кукоч е најдобриот европски играчво историјата на лигата.

Џордан и Кукоч беа соиграчи во Чикаго Булас, а заедно освоија три шампионски прстени.

„Тони Кукоч мие број 1. Тука се уште Дражен Петровиќ и Арвидас Сабонис. Дали би можел уште малку да размислам па да ви одговорам? Има многу одлични играчи од Европа во НБА“, рекол според многумина најдобриот кошаркар во историјата.