Спорт
Богатите газди на ПСЖ купуваат „заспан џин“ од Англија!

Сопствениците на Пари Сен-Жермен, Катар спортс инвестментс (QSI), се подготвени да го зголемат своето влијание и на островот, откако францускиот весник „Ле паризиен“ тврди дека тие се заинтересирани да купат „заспан џин“ од англиската втора лига (Чемпионшип).
QSI се надеваат дека ќе можат да го повторат успехот кој го имаат со ПСЖ во Франција, со преземање на еден од историски големите клубови во Англија (во игра се Астон вила, Нотингем форест и Квинс парк ренџерс) со кои би влегле во Премиер лигата, каде што се големите пари и големите можности.
По преземањето на ПСЖ во 2011 година, Катарците го поставија Насер Ал-Хелаифи како претседател на клубот и огромен буџет за трансфери, остварувајќи ги двата најбогати трансфери во историјата – Нејмар од Барселона за 222 милиони евра и Килијан Мбапе од Монако за 180 милиони евра.
Le Parisien carry the QSI story in their paper edition today. PSG’s owners could buy Championship club. Aston Villa, Nottingham Forest and QPR given as examples.
Be very interesting to see if/how this one develops. pic.twitter.com/N1fNAMfs3n
— Sport Witness (@Sport_Witness) April 11, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Нов кикс на Баерн, не успеа да победи во Берлин

Фудбалерите на Баерн Минхен ремизираа 1:1 со Унион во Берлин во 26. коло од Бундес лигата.
Баерн имаше предност, но тимот од Берлин успеа да израмни и да дојде до бод во последните минути од натпреварот.
Првото полувреме помина без голови. Баерн имаше шанса во втората минута од судиското надополнување да поведе, но голманот на Унион успеа одбрани.
Баерн продолжи со офанзивата и ја презеде контролата во второто полувреме. Хари Кејн и Џамал Мусиала се обидоа, но без успех.
Сепак, Баерн поведе во 75. минута откако Лерој Сане погоди од додавање на Јосип Станишиќ.
На крајот Унион успеа да дојде до бод, бидејќи Бенедикт Холербах погоди за 1:1 во 84. минута од натпреварот.
Бундес лига, 26 коло:
петок:
Сент Паули – Хофенхајм 1:0 (0:0)
/Вајшаупт 51/
сабота:
Вердер Бремен – Борусија М. 2:4 (2:2)
/Шмид 39, Силва 45+1п – Плеа 7п, 28, 47, Клајндиенст 81/
Аугсбург – Волфсбург 1:0 (0:0)
/Тек 53/
Мајнц – Фрајбург 2:2 (1:0)
/Буркард 34, Ханхе-Олсен 74 – Грегорич 58, Кублер 79/
Унион Берлин – Баерн 1:1 (0:0)
/Холербах 84 – Сане 75/
Спорт
Силекс победи во Струмица, кикс на Работнички во Охрид

Силекс ја оправда фаворитската улога против АП Брера и со победата во Струмица ја намали предноста на лидерот Шкендија на два бода. За разлика од Силекс, Работнички и Гостивар кикснаа против екипите од долниот дел на табелата.
Силекс со два гола во последните20 минути ја победи Брера со 2:0. Марко Ѓорѓиевски во 69.минута го отвори резултатот, а победата на екипата од Кратово ја потврди Алиќ во 80.минута.
Работнички во Охрид, кај Воска спорт имаше предност од 14.минута со голот на Гандо. И кога се очекуваше крај на натпреварот, Осеи во 94.минута ги шокира „романтичарите“.
Тиквеш го победи Гостивар во Кавадарци со 2:, со головите на Берат Садик во 15.минута од пенал и Александар Варселовски зголеми на 2:0 во 58.минута од дуелот.
Пелистер, со играч помалку, го изненади Шкупи на Чаир и славеше со 0-1. Стрелец на победничкиот гол беше Александар Ристевски во 74.минута.
Беса оствари триумф над актуелниот првак Струга со 3:2. Стружани поведоа со голот на Папе Јаре Фал во 11.минута, а потоа си дозволи три гола во својата мрежа. Стрелци за Беса беа Шефит Шефити, Меџит Незири и Ремзифаик Селмани. Во финишот, Струга постигна и втор погодок преку Христијан Малески.
Резултати, 24.коло:
АП Брера – Силекс 0:2
Беса – Струга 3:2
Шкупи – Пелистер 0:1
Воска спорт – Работнички 1.1
Тиквеш – Гостивар 2:1
Табела:
Спорт
Марк Маркез со рекорд до пол-позицијата во Аргентина

Возачот на Дукати, Марк Маркез, ја освои пол-позицијата пред ГН на Аргентина, втората трка од овогодинешниот шампионат во Мото ГП.
Осумкратниот светски првак уште од почетокот на акцијата ги поместуваше границите на патеката „Термас де Рио Ондо“, а на пат до втората пол-позиција сезонава, постави нов рекорд, 1:36.917 минути.
Исто како и пред две недели во Тајланд, најблиску до него беше неговиот помлад брат, Алекс, возач на Гресини Дукати, кој заостануваше 246 илјадитинки. На браќата Маркез во првиот стартен ред им се приклучи сензационалниот Жоан Зарко на ЛЦР Хонда.
Вториот стартен ред го заврши Фабио ди Џанантонио од тимот БР46, следен од Фабио Квартаро на Јамаха и тимскиот колега Франко Морбидели. Меѓу првите десет се најдоа Марко Бецеки од Априлија и фабричкиот возач на Хонда Жоан Мир.
Спринт трката во Аргентина е закажана за 19 часот, додека Големата награда е закажана за во недела во истиот термин.