Спорт
Богдановиќ промаши тројка за победа во Бостон (видео)

Бостон Селтикс во драматичен финиш успеа да го победат Сакраменто Кингс 103:102. Тројка за победа на Сакраменто на три секунди до крајот промаши Богдан Богдановиќ.
Натпревар со многу пресврти одиграа Селтикс и Кингс, на крајот Бостон го забележа 12. триумф, а Сакраменто деветтиот пораз во 16. натпревар сезонава.
Богдановиќ на 40 секунди до крајот му донесе предност на Кингс 101:102, потоа во наредниот напад за Бостон погоди Маркус Смарт и го постави конечниот резултат.
Кингс не успеа да победи иако Бади Хилд мечот го заврши со 41 поен. Кај Бостон се истакнаа Џејлен Браун со 24 и Џејсон Тејтум со 20 поени.
Актуелниот шампион Торонто Репторс во дербито славеше над Филалдлефија 101:96. Најдобриот играч на Филалдлефија, Џоел Ембид, мечот го заврши без поени, што е вистински раритет.
Паскал Сијакам и Фред Ванвилт со по 25 поени беа најефикасени кај Торонто, а еднаков број поени на спротивната страна постигна Џош Ричардсон.
Индивидуално ноќта во НБА-лигата ја обележа Јанис Адетокумбо. Грчкиот кошаркар во победата на Милвоки над Јута 122:118 постигна 50 поени, на кои придодаде 14 скока. За Адетокумбо ова беше втор натпревар во кариерата на кој постигнал најмалку 50 поени.
Јута ја предводеше хрватскиот репрезентативец Бојан Богдановиќ со 24 поени.
Резултати:
Кливленд-Бруклин 106:108
Детроит-Орландо 103:88
Индијана-Мемфис 126:114
Атланта-Минесота 113:125
Бостон-Сакраменто 103:102
Мајами-Шарлот 117:100
Торонто-Филалделфија 101:96
Чикаго-Портланд 94:117
Милвоки-Јута 122:118
Сан Антонио-ЛА Лејкерс 104:114
Голден стејт-Оклахома 97:100
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Челзи донесе уште еден Бразилец

Бразилскиот фудбалер Естевао Вилијан официјално стана нов член на Челзи, објави англискиот клуб.
Во јуни 2024 година, Челзи постигна договор со Палмеирас за Естевао да се пресели на „Стенфорд Бриџ“ откако ќе наполни 18 години.
„Многу сум среќен и задоволен што го претставувам Челзи, еден од најголемите клубови во светот. Се надевам дека ќе му помогнам на тимот на најдобар можен начин. Чекав речиси година и пол за да дојдам тука, работев напорно и се трудев најдобро што можам да бидам во најдобра можна форма“, рече Естевао.
Последниот натпревар на Естевао за Палмеирас беше против Челзи во четвртфиналето на Светското клупско првенство, кога постигна гол во поразот од 2:1.
Бразилскиот фудбалер дебитираше за сениорската репрезентација во септември минатата година, за која одигра пет натпревари.
На 17 август, Челзи ќе игра против Кристал Палас во првото коло од Премиер лигата.
Спорт
Астон Вила се засили со напаѓач на Ница

Астон Вила одлучи да доведе нов напаѓач, изборот на клубот е Еван Гесан.
Напаѓачот на Ница, кој има 24 години, е роден во Франција, по потекло од Брегот на Слоновата Коска.
Одиграл 109 натпревари за Ница, постигнал 21 гол и забележал 15 асистенции, но тоа не ги покажува сите негови вредности, бидејќи може да игра на сите позиции во нападот.
Вакво засилување му беше многу потребно на Унаи Емери, бидејќи Астон Вила не ги откупи договорите на Маркус Рашфорд и Марко Асенсио.
На Астон Вила очајно ѝ е потребна силна напаѓачка ротација, под услов Оли Воткинс даостане. Воткинс, според англиските медиуми е цел на Манчестер јунајтед и Њукасл. Неговата иднина зависи од одлуката на Бенјамин Шешко, за чии услуги исто така интерес покажуваат споменатите клубови.
Фото/ Принскрин
Спорт
(Видео) Карабаг ја победи Шкендија, ВАР пенал им пресуди на македонските шампиони

Foto/ EPA/GEORGI LICOVSKI
Фудбалерите на Шкендија, прв пат се порзени сезонава во квалификациите за пласман во Лигата на шампионите. Вечерва во Скопје, Шкендија загуби од Карабаг 0:1.
Клучниот момент се случи во 16.минута, кога по несмасниот старт на Вебстер врз Андраде, ВАР ја смени одлуката на главниот судија и гостите од Азербејџан добија пенал.
Најстрогата казна ја реализира Бајрамов.
Во првиот дел Карабаг имаше уште две добри шанси, а по голот на Карабаг два пати се закани капитенот на Шкендија, Ибраими.
Во второто полувреме во главните улоги беа голманите Геје и Кохалски, кои не дозволија публиката да види барем уште еден гол. Најдобрите шанси ги имаа Ибраими во 87.минута, од чиста позиција лошо биеше и Кохалски лесно го одбрани неговиот удар, а две минути подоцна Геје брилијантно го одбрани ударот на Зубир.
Реваншот на програмата е за седум дена во Баку. Победникот во плеј-офот ќе игра против Лудогорец или Ференцварош.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6uzljk”,”div”:”rumble_v6uzljk”});