Спорт
Болид на Шумахер продаден за 13.000.000 швајцарски франци
Болидот на Ферари што го возеше легендарниот Михаел Шумахер во 2003 година беше продаден во Женева за 13 милиони швајцарски франци (13.180.000 евра). Аукциската куќа „Сотби“ објави дека ова е рекордна сума за еден Формула 1 болид во поновата ера.
Претходниот рекорд го држеше друг автомобил, исто така управуван од Шумахер во текот на сезоната 2001 година, кој беше продаден за 7,5 милиони долари.
„Ова е едно од најпобедничките ‘ферарија’ во историјата на брендот, што значи дека станува збор за еден од најважните автомобили во автомобилската историја“, рече Винсент Луизи, шеф на продажбата на луксузни автомобили во аукциската куќа.
„Беше развиен од двајца инженери, Рори Бирн и Пос Браун, кои решија да го направат меѓу оскиното растојание подолго за подобра аеродинамика“, додаде тој.
Во овој болид Шумахер во сезоната 2003 година постигна пет победи, и тоа во Шпанија, Австрија, Канада, Италија и САД.
Шумахер ја освои својата шеста титула со овој болид, додека Ферари стигна до петтата последователна титула во шампионатот на конструктори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал подготвен да плати 150 милиони евр за Вирц
Флорентино Перез наредното лето е подготвен да го урне клупскиот трансфер рекорд. Германските медиуми тврдат дека Реал Мадрид ќе го донесе Флоријан Вирц. Според овие извори, Перез го означил Вирц како следен „галактикос“.
Реал Мадрид за трансферот на Вирц е подготвен да му плати на Баер Леверкузен 150 милиони евра.
Реал Мадрид со овој трансфер би го соборил рекордот, кој се уште го држи Еден Азар. Белгиецот пристигна од Челзи за 120 милиони евра, додека трансферто на Џуд Белингем од Борусија Дортмунд чинеше 113 милиони.
Вирц како момче бил навивач на Барселона, никогаш не криел дека Лионел Меси му е идол, но се чини дека би можел да тргне по патот на Лука Модриќ и Иско, кои исто така во детството биле навивачи на каталонскиот клуб.
Клучна улога би можел да има Чаби Алонсо, кој моментално му е тренер на Вирц во Баер Леверкузен, а наводно и тренерот би можел наредното лето да се пресели во Мадрид доколку замине Карло Анчелоти чии договор истекува во јуни 2025 година.
Спорт
(Видео) Ливерпул за полувреме го реши Борнмут, со пресврт победија Тотенхем и Астон Вила
Ливерпул се врати на победничките патеки во Премиер лигата, полувреме му беше довволно за победа над Борнмут, Тотенхем се пресврт во градското дерби го победи Брентфорд, истото го направи и Астон Вила во локалното дерби против Вулвс, Евертон и Саутемптон ги освоија првите бодови но не и победи во сезоната. Фулам го победи Њукасл.
Резултати:
Астон Вила – Вулверхемптон 3:1 (0:1)
Воткинс 73, Конса 89, Дуран 90+5 – Куња 25
Фулам – Њукасл 3:1 (2:0)
Хименез 5, Смит-Роу 22, Неслон 90+2 – Барнс 46
Лестер – Евертон 1:1 (0:1)
Мавидиди 73 – Ендиа 12
Ливерпул – Бурнемаут 3:0 (3:0)
Диас 26, 28, Нунес 37
Саутемптон – Ипсвич 1:1 (1:0)
Диблинг 5 – Морси 90+5
Тотенхем – Брентфорд 3:1 (2:1)
Соланки 8, Џонсон 28. Медисон 85 – Мбеумо 1
Спорт
(Видео) Баерн среде Бремен го декласира Вердер
Фудбалерите на Баерн Минхен откако во вторникот го демилираа Динамо Загреб со 9:2 во Лигата на шампионите, забележаа убедлива победа и во Бундес лигата. Во рамките на четвртото коло, во Бремен, Баерн го победи Вердер со 5:0.
На „Везер“ стадионот во Бремен, блескаше Мајкл Олисе, засилувањето на Баерн од Кристал Палас. Францускиот репрезентативец, во победата учествуваше со два гола и асистенција. Погоди во 23. и 60.минута.
По гол за Баерн постигнаа Мусијала, Кејн и Гнабри.
🚨🇩🇪 GOAL | Werder Bremen 0-5 Bayern Munich | Serge Gnabry
SERGE GNABRY MAKES IT FIVE !!!!!!!pic.twitter.com/LA5eLhKFCc
— Tekkers Foot (@tekkersfoot) September 21, 2024
Резултати:
Бохум – Кил 2:2 (2:1)
Беро 22, Данер 35 – Пихлер 15, Макино 89
Хајденхајм – Фрајбург 0:3 (0:0)
Доан 54, Грифо 59, 65
Унион Берлин – Хофенхајм 2:1 (2:0)
Рота 4, Џеонг 6 – Битлер 67
Вердер Бремен – Баерн Минхен 0:5 (0:2)
Олисе 23,60, Мусиала 32, Кејн 57, Гнабри 65
18.30 Ајнтрахт Франкфурт – Борусија Мехенгладбах