Спорт
Болниот фудбалер Риксен ги повика фановите на својата „последна ноќ“

Поранешниот фудбалер на Глазгов Ренџерс, Холанѓанецот Фернандо Риксен, кој од 2013 се бори со невродегенеративна болест, ги повика своите фанови на средба овој месец, за која тој вели ќе биде неговата „последна ноќ“.
42-годишниот Риксен, кој помина шест сезони во Ренџерс од 2000 до 2006 година, во моментов тежи само 40-тина килограми и е во постојана нега во болницата во Ердри, Велика Британија. Во видео кое го објави неговиот пријател, тој објави дека на 28 јуни ќе има „Вечер со Фернандо Риксен“, неговото последно јавно појавување.
„На 28 ќе има посебна вечер. Бидејќи станува многу тешко за мене, тоа ќе биде мојата последна ноќ. Дојдете да ја направиме ноќта за сеќавање“, изјави Риксен со помош на компјутерско генериран глас.
Болеста на Риксен ги напаѓа невроните во мозокот и ’рбетот по што се намалува можноста за зборување, јадење, и дури дишење.
Риксен играше за АЗ Алкмар, Глазгов Ренџерс и Зенит Санкт Петерсбург, освојувајќи две шкотски титули и една руска. Тој имаше 12 настапи за холандската репрезентација.
With a heavy heart I post this lets make this a special night for Fernando pic.twitter.com/C8octfW8NU
— Ricksen my friend/pauline (@broxi63) June 9, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона сака да го откачи Тер Штеген

Марк Андре тер-Штеген и Барселона полека, но сигурно влегуваат во „војната“. Германецот нема намера да ја напушти Каталонија, а и доколку го стори тоа ќе се обиде добро да го наплати.
Каталонските медуми, тврдат дека единствениот начин да се согласи на раскинување на договорот е Барселона да му ја исплати целата плата според договорот до 2028 година, што е дури 42 милиони евра.
Јасно е дека Барселона нема да прифати ваков вид уцена, а спортскиот директор Деко ќе се обиде да најде идеално решение за сите страни, што сигурно нема да биде лесно.
Огромната плата на Тер-Штеген е проблем за сите освен за клубовите од Саудиска Арабија, но Германецот одбива да ја напушти Европа бидејќи планира да се натпреварува на највисоко ниво до Светското првенство во 2026 година кога конечно ќе биде број 1 во националниот тим.
Тер-Штеген го сака Галатасарај, кој во моментов е најконкретен, Милан го контактираше, но засега тој се откажа поради превисоката плата, додека интересот на Манчестер јунајтед во моментов е нејасен.
Во случај Тер-Штеген да стане слободен, односно на крајот да се согласи да го раскине договорот, јасно е дека тогаш ќе има интерес од сите страни.
Спорт
Македонија лидер во Ј групата

Фото/ ffm.mk
Драматичната победа на Белгија во дуелот со Велс (4:3), го комплетираше јунскиот прозорец, во квалификациите за пласман на Светското првенство.
Македонија, вчера, со голот на Трајковски победи во Казахстан. Македонија ја предводи групата и веќе се јасни математиките за понатаму. Доколу сака да се пласира барем во баражот, Македонија не смее да загуби на гостувањата кај Велси и Белгија и се подразбира да ги победи Лихтенштајн и Казахстан на домашен терен.
Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.