Спорт
Болоња за отказот на Михајловиќ: За жал, ова беше неизбежно
Болоња и официјално го потврдија отказот за тренерот Синиша Михајловиќ, објаснувајќи дека одлуката била „неизбежна“ поради слабите резултати во првите пет кола и покрај тоа што тој ја пропушти пред-сезоната поради борбата со леукемијата.
„Ова одлука, за жал, беше неизбежна и покрај силната врска која се креираше во клубот и целиот град во овие драматични три и пол години. За жал, дури и големи спортски периоди кои носат вакво задоволство, понекогаш го губат првичниот момент. Му се заблагодаруваме на Синиша и неговиот тим за работата која ја завршија во необични услови со исклучителна посветеност и професионализам“, се вели во објавата на клубот.
Српскиот тренер беше на чело на клубот од јануари 2019 година, а врската со неговите играчи и навивачите стана посилна откако му беше дијагностицирана леукемијата во јули 2019. Тој помина цело лето со хемотерапија и беше на операција на пресадување на коскена срж и целосно се опорави, пред овој јуни повторно да заврши во болница, за нова тура хемотерапија. По 3 ремија и 2 порази, тој доби отказ и си заминува со 43 победи, 34 ремија и 53 порази.
„Ова е најтешката одлука која ја направив како претседател на Болоња. Во текот на годините имавме прекрасни и тешки моменти со Синиша, со кого имав професионален и човечки однос“, вели претседателот на клубот, Џои Сапуто.
Nota del Club | Sinisa Mihajlovic
— Bologna Fc 1909 (@Bolognafc1909) September 6, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.