Спорт
Болт: Моите рекорди еден ден ќе паднат, но не сум загрижен

Поминаа 16 години откако Јусеин Болт постави светски рекорди на 100 и 200 метри, а легендарниот спринтер верува дека тие резултати нема да бидат загрозени долго време.
„Не сум загрижен“, рече Болт на настан на „Пума“, два дена пред почетокот на Светското првенство.
Болт ги постави рекордите (9,58 секунди на 100 и 19,19 секунди на 200 метри) во 2009 година во Берлин.
Оттогаш, само Јохан Блејк успеа да трча под 9,7 секунди на 100 метри и побрзо од 19,3 секунди на 200 метри.
Американецот Ноа Лајлс беше единствениот кој отворено објави дека сака да ги сруши рекордите на Болт.
Тој ги освои двата спринта на светските првенства во 2023 година, но неговиот најдобар резултат беше 19,31 секунди на 200 метри од 2022 година, што е нов американски рекорд.
Најдобриот резултат во 2025 година го постави Јамајканецот Кишане Томпсон (9,75 секунди), па се очекува дека тој, заедно со сонародникот Облик Севил, ќе биде фаворит во финалето на 100 метри. Болт предвидува дека Јамајка ќе ги заземе првите две места.
„Сè е во правилното изведување на трката, а не обрнувањето внимание на бучавата од страна“, рече Болт.
Австралискиот тинејџер Гут Гут (17), кој веќе го споредуваат со Болт поради неговиот стил и резултати, би можел да биде кандидат за соборување на рекордот во иднина.
„Лесно е во помладите категории, но преминот во сениорското натпреварување е многу потежок. Сè зависи од вистинскиот тренер и вистинското окружување“, рече Болт.
Иако верува дека напредокот во технологијата за атлетски обувки еден ден ќе доведе до нови рекорди, Болт верува дека неговите резултати засега не се во опасност.
„Сè во животот еволуира, луѓето сакаат да бидат подобри и побрзи. Нема да биде изненадување кога тоа ќе се случи, но нема да се случи сега“, заклучи Болт.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Спалети ја одби, Консеисао ја прифати понудата од Ал-Итихад

Трофејниот италијански тренер Лучано Спалети беше главен кандидат да го преземе тимот на шампионот на Саудиска Арабија, Ал-Итихад, откако ја одби понудата, клубот од Џеда, реши да го ангажира Серж Консеисао.
Спалети ја напушти функцијата селектор на Италија ова лето и со месеци има понуди каде што би можел да ја продолжи тренерската кариера, но очигледно не брза бидејќи смета дека првенството на Саудиска Арабија не е доволно привлечно.
Затоа, клубот се одлучи за Консеисао, а според португалските медиуми, тренерот кој последен пат работеше во Милан дал потврден одговор.
Двете страни постигнале договор и сè што останува е да се одреди времетраењето на договорот, па Консеисао и официјално ќе биде промовиран како нов тренер на Ал-Итихад.
По поразот во дербито против Ал Наср, тимот доживеа колапс и во Азиската Лига на шампиони против Ал-Ахли од Дубаи.
Офоцијалното деби Консеисао треба да го има на 17 октомври.
Фото/ Принтскрин
Спорт
Преку глава им е од тренерот – Навивачите на Форест побараа Постекоглу да биде отпуштен

Ангелос Постекоглу беше во својот 24-ти ден како менаџер на Нотингем Форест кога Митјиланд дојде на „Градскиот стадион“, во четврток вечерта. Речиси три децении, точно 29 години, навивачите чекаа европски натпревар на нивниот стадион. Натпреварот заврши со скандирањето „утре ќе добиеш отказ“.
За само 24 дена и шест натпревари, Постекоглу успеа да стане најлошиот менаџер во историјата на Нотингем Форест.
Тој е првиот менаџер по сто години кој не успеа да забележи ниту една победа во првите шест натпревари. Навивачите веќе немаат трпение, причина е поразот од Митјиланд (2:3).
„Навивачите се разочарани. Секако дека можат да го имаат своето мислење. И јас го слушнав“, рече Постекоглу по натпреварот. „Ништо не ме изненадува во фудбалот. Тоа е климата во која живееме и работиме и насоката во која оди сè, не можеме ништо да направиме во врска со тоа“, додаде тој.
Скандирањата „утре ќе добиеш отказ“ започнаа по третиот гол на гостите, а потоа, помеѓу тоа и свирежите, фановите го скандираа името на Нуно Еспирито Санто.
Нуно го водеше Форест до седмото место во Премиер лигата, но несогласувањата со сосптвеникот Маринакис, беа причината да добие отказ. Минатата недела тој доби работа во Вест Хем.
Нотингем Форест, в недела ќе гостува кај Њукасл во Премиер лигата.
Спорт
Ренџерс израмнија негативен рекорд стар 128 години

Екипата на Глазгов Ренџерс доживеа пораз и во второто коло од Лигата на Европа. По Генк и Штурм беше подобар од тимот од „Ајброкс“, но она што дополнително ги повреди сите во клубот е фактот дека оваа генерација изедначи рекорд стар 128 години.
Кога во седмата минута Хорват му донесе водство на Штурм, тој веќе го означи израмнувањето на негативниот рекорд на клубот. Ова беше 22-ри натпревар по ред во кој Ренџерс не успеа да го одбранат својот гол.
Последен пат тоа се случи во 1897 година, а серијата од 22 натпревари во кои голманите на Ренџерс не успеаја да ја одбранат својата мрежа траеше од 1895 до 1897 година. Тоа беше две децении откако беше основан клубот.
Розите не цветаат за Ренџерс ниту во шкотската Премиер лига – во шест натпревари имаат само една победа и само четири бода. Со негативна гол-разлика, пет постигнати и шест примени гола.