Српскиот репрезентативец, Душан Влаховиќ би можел да замине во Милан од Јувентус. Двата клуба воспоставиле контакт, а италијанските медиуми проценуваат дека „старата дама“ ќе бара отштета помеѓу 18 и 20 милиони евра.

Влаховиќ е голема желба на тренерот на Милан, Масимилијано Алегри, кој го тренираше и додека беше на чело на Јуве.

Исто така, Влаховиќ, кој веќе одби неколку профитабилни понуди, би сакал да се пресели на „Сан Сиро“. Неговиот договор со Јувентус истекува во јуни следната година и во последната сезона тој треба да биде најплатениот фудбалер не само на Јувентус туку воопшто во Серија А, со платат од 12 милиони евра.

Пред три и пол години, Јуве ѝ плати на Фиорентина 83 милиони евра за Влаховиќ, но во јануари оваа година, со доаѓањето на Рандал Коло Муани на шестмесечна позајмица, српскиот централен напаѓач падна во втор план. И покрај ова, Влаховиќ имаше добри перформанси минатата сезона, постигнува 15 гола и забележа пет асистенции.

foto EPA-EFE/ALESSANDRO DI MARCO

Вардар, вчерва ќе ја пречека Лозана, во првиот меч од второто квалификациско коло во Конференциската лига.

Во таборот на актуелниот освојувач на Купот на Македонија, очекуваат тежок меч, со надеж дека ќе обезбедат предност пред реваншот во Швајцарија.

„Се зависи од ривалот како ќе ни дозволи да играме, но знам дека секој наш играч што ќе излезе на теренот, ќе го даде максимумот. Ние следевме како игра ривалот, знам и јас како се игра таму бидејќи сум играл во Австрија. Но, тоа ќе го оставам за мене, пред да одлучам како ќе се поставиме на теренот. Тешко беше да се игра во Сан Марино против бункер, но наша цел беше да минеме во следна рунда и успеавме во тоа. Не би давал прогнози, па нека победи оној кој е подобар.“ – изјави Седлоски.

Натпреварот Вардар- Лозана се игра на арената „Тодор Проески“ вечерва со почеток од 20:30 часот. Реваншот е на 31. јули, во Лозана.

Доколку, во втората рунда, Вардар ја елиминира Лозана, во третото коло ќе се сретне со победникот од двомечот меѓу Зимбру (Молдавија) и Астана (Казахстан).

Фото/ fcvardar.com

Долго време главна тема во падокот на Формула 1 е потенцијалното заминување на актуелниот шампион Макс Ферстапен од Ред Бул на крајот од годината. Се шпекулираше дека Ферстепен ќе вози во Мерцедес следната сезона. Сепак, се чини дека ова нема да се случи барем уште една година.

Иако неодамнешното отпуштање на шефот на Ред Бул, Кристијан Хорнер, дополнително ги разгоре гласините за заминување на Ферстапен од тимот, како и потврдата од шефот на Мерцедес, Тото Волф, дека преговорите се во тек, австрискиот „ОРФ“, објави дека клаузулата во договорот на Холанѓанецот повеќе не е во сила.

Сегашниот договор со Ред Бул важи до крајот на 2028 година, а споменатата клаузула му даваше можност на возачот да го напушти тимот тимот доколу на половина од сезоната, пред тркачкиот викенд во Белгија, се наоѓа под третото место во генералниот пласман.

Сепак, 27-годишникот моментално ја зазема третата позиција зад дуото на Мекларен.

Од друга страна, во разговор со австриските медиуми, Волф потврди дека ги сака Џорџ Расел и Андреа Кими Антонели во тимот, но не ја исклучи можноста да ги доведе Ферстапен во иднина.

„Начинот на кој одиме е дека дефинитивно сакаме да продолжиме со Џорџ и Кими. Тоа е апсолутен приоритет. Но, не можете да игнорирате некој како Макс и неговите планови за иднината. Разгледавме, но не мислам дека ќе има некои поголеми изненадувања“, рече Волф.

Останува да се види кога и за кој период Расел и Антонели ќе ги продолжат своите договори. И двајцата возачи се долгорочни проекти на Мерцедес, при што младиот Италијанец ја вози својата прва сезона во Формула 1.

Првенството во Формула 1 продолжува овој викенд, кога на програмата е Големата награда на Белгија на легендарната патека „Спа-Франкоршамп“.

Foto/ X