Спорт
Бонга и Шредер ја искачија Германија на врвот на Европа
Германија на светската и ја придодаде и европсата титула. Германија, вечерва во Рига ја победи Турција со 88:83 и по 1993 година повторно ја освои европската титула. Апсолутен херој на Германија, пред сите е Исак Бонга, а во завршницата капитенот Денис Шредер кој во последните 67 секунди постигна шест поени. Турците и во своето второ финале (првото го играа во 2001 година) не успеа да се искачи на врвот.
Германија стана четвртата репрезентација во историјата што истовремено е светски и европски шампион. Пред нив, тоа успеаја да го направат националните тимови на Југославија, Советскиот Сојуз и Шпанија.
Раритет е што Герменија со асистентот на селекторот Алекс Мумбру, Алан Ибрахимагиќ, успеа да дојде до златниот медал. Мумбру порад операција не посредно пред Европбаскетот, не го водеше тимот, туку седеше на клупата.
Финалето беше спектакуларно, вистински ролекостер, но впечатокот е дека Туција го контролираше натпреварот. По почетното водство 11:2 и враќањето на германија во натпреварот, Турците најчесто имаа предност од шест поени.
Титулата беше решена во последните 100 секунди. Ларкин додаде за 83:82, за да му одговори на Шрудер 83:84 на 67 секунди пред крајот. Шенгун промаши чист зицер, на споритвната страна Бонга фати офанзивниот скок, а Шрудер постигна кош преку Османи 18,9 секунди пред крајот за 86:83.
Турците имаа напад по тајм-аутот, Ларкин беше добро чуван, а Шенгун промаши тројка од тешка позиција, а 8 секунди пред крајот, Шрудер од линијата за слободни фрлања го постави конечниот резултат.
Исак Бонга беше најефикасен во германскиот тим со 20 поени (5/5 за тројки, 5 скока), Франц Вагнер додаде 18 (8 сккока), Шредер 16 имаше 16 поени и 12 асистенции, а голем придонез даде и Тристан Да Силва со 13 поени. Во Турција, Шенгун постигна 28 поени, Чеди Осман 23 (6/8 тројки). Ларкин 13 (9 ассистенции.
За најдобар играч на финалниот меч е прогласен Исак Бонга, а МВП на турнирот е Денис Шредер.
German basketball is mad sexy.#EuroBasket | #MakeYourMark pic.twitter.com/SWIdwmBa92
— FIBA EuroBasket (@EuroBasket) September 14, 2025
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Винисиус ќе биде казнет, веројатно и продаден
Непримерното однесување на Винисиус Жуниор, во 72-та минута кога му беше јасно дека ќе биде заменет со Родриго, ја засени блескавата победа на Реал (2:1) во првото „Ел Класико“ оваа сезона.
Шпанските медиуми, многу внимание му посветија на Бразилецот, ги посочуваат неговите поранешни испади во кои се истакнуваат негови изговорени зборови. Пишуваат дека Винисиус, покажува збор за непочитување кон тимот, грбот, дресот, тренерот, соиграчите кои играа, соиграчот на клупата, соиграчот кој влегува по него, навивачите на трибините…
Без разлика дали одлуката на Чаби Алонсо да го извади Винисиус од игра порано од очекуваното беше правилна, јасно е дека неговото однесување не смее да биде пример.
Што сега?
Управата е разочарана, договорот што го има сега трае до 2027 година, а планот на Винисиус е да почека бидејќи по ваквите постапки е сè помалку веројатно дека ќе потпише нов договор.
Наместо нов договор, клубот сега размислува за казна за Вини, тој ќе биде санкциониран за неговото однесување и единственото прашање е на кој начин…
Исто така сега како реална опција се наметнува продажбата. Во 2026 година кога ќе заврши сезоната, Винисиус би можел да го напушти Реал.
Спорт
Јувентус бара тренер, а има двајца под договор до 2027 година
Фудбалскиот клуб Јувентус, по серијата лоши резултати, му врачи отказ на тренерот Игор Тудор. „Старата дама“, нема победа на последните осум натпревари во сите натпреварувања, а на последните четири не постигна гол.
Бизарно е што Јувентус бара тренер, а има двајца на платениот список.
На Тијаго Мота, кој седи, ужива и прима плата од март оваа година, му се придружи неговиот наследник Игор Тудор.
Двајцата имаат важечки договори со „бјанконерите“ до 2027 година и би можеле, доколку одлучат да не тренираат никого додека се под договор со Јувентус, да заработат вкупно 25 милиони евра во меѓувреме.
Италијанскиот фудбалски инсајдер Николо Скира објави дека Лучијано Спалети и Роберто Манчини се заинтересирани за клупата на „Старите дами“, но дека кој било од двајцата ќе претставува голем предизвик за сопствениците на клубот.
И Спалети и Манчини се сметаат за тренери кои инсистираат на основни долгорочни договори, двајцата чинат многу пари, а преговорите вклучуваат задолжителни засилувања, па прашањето е дали Јувентус, може тоа финансиски да го издржи.
Поради сè, некој со помал углед и цена во Италија, како Рафаеле Паладино, би можел да добие шанса. Тој наводно би бил опција до крајот на сезоната, а потоа би подготвиле место во Торино за доаѓањето на Дидие Дешан, кој веќе објави дека се повлекува од функцијата селектор на Франција по Светското првенство во Мексико, САД и Канада.
Скира и други истакнати италијански новинари го споменуваат и Лоран Блан како можно решение.
Спорт
Лазаров: Манасков е во врвна форма, затоа го повикав, тој не го одби повикот
Селекторот Кирил Лазаров ги собра репрезентативците во пресрет на ЕХФ неделата. Македонија во овој термин ќе одигра два натпревари против Јапонија.
Од списокот отпадна голманот Никола Митревски поради повреда. На неговото место е повикан Марко Кизиќ.
Исто така со националниот тим е и Петар Атанасијевиќ откако Дејан Манасков го одби повикот на селекторот.
Селекторот појасни дека Манасков последните два месеци игра во одлична форма, дека покажува врвна класа. Нема што повеќе да каже откако играчот на Еурофарм Пелистер го одби повикот. Посочи дека негова задача е да ги повикува оние кои се во најдобра форма.
Макееонија против Јапонија ќе игра во Скопје на 30.октомври. Овој натпревар ќе се игра зад затворени врати. Вториот меч е на програмата на 1 ноември во Куманово.
foto/ macedoniahandball.com.mk

