Спорт
Бонучи за Роналдо: Тој ни требаше нас исто колку и ние него!

Кристијано Роналдо го напушти Јуве по 3 години поминати во Торино. Иако „Старата дама“ го донесе играчот со најмногу настапи во ЛШ за да го освојат елитното натпреварување, сепак не успеаја во намерата.
Петкратниот шампион на Европа кој е најдобар стрелец и асистент во ЛШ не успеа да го донесе Јуве до пехарот.
Дефанзивецот во Јувентус, Леонардо Бонучи со свој став зошто тимот не успеа во намерата.
„Се работеше на идеја за еден играч, дури и најдобриот во светот, дека може да ја гарантира победата. Присутноста на Кристијано влијаеше на нас. Само тренинзите со него ни даваа нешто повеќе, но во потствеста играчите почнаа да мислат дека тоа што тој е тука е доволно за победа на мечевите. Почнавме да потфрламе во работата, во жртвувањето, во желбата да бидеме тука еден за друг секој ден. Мислам дека тоа можеше да се види. Како да се подразбираше дека за наша победа доволно е топката да ја додадеме до Роналдо, но тој ни требаше нас колку и ние него. Екипата е таа од која излегува поединецот, дури и оној кој е најдобар во светот“ порача Бонучи.
?: “Maybe it was taken for granted that if you gave the ball to Ronaldo he’d win you the game. But he needed the team as much as we needed him. It’s the team that lifts the individual even if the individual is the best player on the planet.”
[Bonucci / @TheAthleticUK] pic.twitter.com/6FQDOZSRYs
— Bianconeri Zone (@BianconeriZone) September 29, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сити домаќин на Наполи, Барселона гостува во Њукасл

Вечерва со нови шест натпревари ќе биде комплетирано првото коло во Лигата на шампионите. Погледите на фудбалската јавност ќе бидат насочени кон Англија, во Манчестер, Сити ќе го пречека италијанскиот првак Наполи, а во Њукасл ќе гостува Барселона.
Натпреварот на „Етихад“ стадионот во Манчестер ќе биде емотивен за домашниот клуб и неговите фанови, Кевин Де Брујне ќе го предводи Наполи. Бегиецот минатото лето по 10 години го напушти Сити, откако клупските челници не му понудија нов договор. Де Бријне ја прифати понудата од Наполи и веќе се наметна како лидер во тимот.
Менаџерот на домашниот тим Пеп Гвардиола подели комплименти за противникот од Неапол.
„Тимот што ја освои Серија А – тоа значи дека тренерот и играчите завршија неверојатна работа. Кога ќе ја освоите титулата, секој играч секогаш игра максимално. Каде и да бил Антонио Конте, тој оставил свој белег. За мене, титулата на Наполи не е изненадување“, додаде Гвардиола.
Сити игра променливо од почетокот на сезоната, стартуваше со победа во Премиер лигата, потоа загуби два натпревари, а викендов лесно славеше над градскиот ривал Јунајтед. Од друга страна Наполи дојде во Англија во одлично расположение. Шампионот на Италија забележа три победи во Серија А против Фиорентина, Каљари и Сасуоло.
Сепак, Конте повикува на претпазливост, но исто така истакнува дека е среќен што се враќа на стадионот на Манчестер сити.
„Секогаш е емотивно бидејќи ова е најважното европско натпреварување и ни овозможува да се вратиме на фантастични стадиони како овој. Бев тука и претходно со моите клубови Челзи и Тотенхем, но ова ми е прв пат да играм против Манчестер сити во Европа“, рече Конте.
Манчестер сити го победи Наполи двапати во 2017 година, со 2:1 и 4:2.
„Не го знаев тоа! Секако ќе биде тежок натпревар, бидејќи Манчестер сити освои практично сè што беше можно да се освои во последните неколку години. Зборуваме за врвен клуб со врвен тренер. Доаѓаме тука со голема скромност, но и желба да разбереме не каде сме сега, бидејќи ова е само почеток на проектот што го започнавме минатата година, туку дали растеме според планот“, објасни Конте.
Лига на шампиони, 1.коло:
Бриж – Монако 18.45 часот
Копенхаген – Баер Леверкузен 18.45
Ајнтрахт Франкфурт – Галатасарај 21.00
Манчестер сити – Наполи 21.00
Њукасл – Барселона 21.00
Спортинг Лисабон – Каират 21.00
Спорт
Иџе овој викенд во Хрватска ќе одбележи голем јубилеј – 200-та трка во својата кариера

Игор Стефановски – Иџе, најтрофејниот македонски автомобилист, овој викенд во Хрватска ќе одбележи голем јубилеј – 200-та трка во својата кариера.
На патеката во Бузет ќе се вози последната трка од ФИА Европскиот шампионат на ридски патеки (EHC) за 2025 година, каде Иџе ќе настапи со својот Ферари 488 B8, автомобил специјално подготвен за овие патеки. На оваа трка се пријавени дури 241 возач, а Стефановски ќе настапи со бројот 32.
Годинава, во генералниот пласман од првата група на шампионатот, Иџе се наоѓа на втората позиција, а само за потсетување, тој веќе е носител на европската титула во ова натпреварување, во група 1.
„Со силна возбуда, сакам да најавам дека очекувам добра трка. Посакувам да постигнеме одличен резултат и во овој шампионат. Благодарност до мојот неверојатен тим, тимот на Ферари, до моите спонзори и до сите Вас кои ни давате безрезервна поддршка. Оваа трка е посебна, затоа што со неа одбележувам 200 настапи во кариерата – предизвик кој ме мотивира уште повеќе“, изјави Стефановски.
Иџе ја започна својата кариера во 2001 година на патеките во Скопје, а повеќе од две децении подоцна зад себе има богато искуство, титули и победи што го вбројуваат меѓу најдобрите европски возачи на ридски патеки. Во изминатите 199 трки има 83 победи и 122 подиуми.
фото: фејсбук
Спорт
Резултатите се историски лоши, а приходите рекордни

И покрај катастрофалните резултати во последните години, фудбалскиот клуб Манчестер јунајтед финансиски, бележи нови рекордни бројки.
Манчестер јунајтед оствари рекорден финансиски приход од 666,5 милиони фунти претходната година, иако тимот заврши на 15-то место во лигата, што е најлошиот пласман на „Ѓаволите“ во елитното англиско првенство од сезоната 1973/1974.
Почетокот на нивниот петгодишен договор за спонзорство на предниот дел од дресот со „Снапдрагон“ му овозможи на клубот од „Олд Трафорд“ да постигне рекордни комерцијални приходи од 333,3 милиони фунти, додека приходите од натпреварите беа исто така рекордни од 160,3 милиони фунти за годината што завршува на 30 јуни 2025 година.
„Имањето вакви деловни резултати и приходи во толку предизвикувачка година за клубот само ја покажува решителноста и одлучноста што е белег на Манчестер јунајтед“, рече извршниот директор на клубот, Омар Берада.
„Со тековната сезона во полн ек, сите работиме напорно за да ги направиме овие резултати уште подобри во сите сегменти на клубот“, додаде Берада.
Берада не сакаше да коментира за лошиот почеток на сезоната на Јунајтед, но нагласува дека Јунајтед е фокусиран на долгорочни резултати.
Вкупната загуба на Јунајтед од 33 милиони фунти претставува намалување од 70,8% во однос на претходната година, кога бројката изнесуваше 113,2 милиони фунти.
Клубот вели дека „останува посветен на својата работа во минатото и се придржува до Правилата за профит и одржливост на Премиер лигата и Правилата за финансиски фер-плеј на УЕФА“.
Во јануари, ревизорската фирма „Делоит“ го рангираше Јунајтед како четврти клуб со најголема заработка во светскиот фудбал врз основа на заработката на клубот од 651 милион фунти од претходната година.
Реал Мадрид (883 милиони фунти) беше на првото место, по што следуваа Манчестер сити (708 милиони фунти) и Пари Сен Жермен (681 милион фунти).