Спорт
Борба на фудбалските титани за норвешката сензацијата во ЛШ
Ерлинг Брот Халанд (19) е најголемата фудбалска сензација оваа сезона. Норвешкиот тинејџер кој светот го запозна пред некоолку месеци, кога постигна 9 гола во победата од 12:0 на Норвешка против Хондурас. Тој руши рекорди сезонава во ЛШ.
Халанд стана првиот играч во историјата кој постигнал 6 гола во своите први три средби во ЛШ. Со неговите последни 2 гола против Наполи, голгетерскиот учинок му се зголеми на 20 погодоци во 13 средби сезонава.
Халанд е само вториот тинејџер кој погодил на сите три први средби во Лигата на шампиони. Пред него тоа му успеа само на Карим Бензема.
Норвежанецот се наметнува како еден од најголемите таленти во светот на фудбалот, играч за кој се борат најбогатите европски клубови.
Манчестер Сити наводно веќе нуди 60 милиони евра за него, а врската која го спојува со Манчестер Јунајтед е неговиот сонародник на клупата на „ѓаволите“, Оле Гунар Солскјер. Тој го тренираше и во Молде и многу добро ги познава неговите квалитети.
Реал Мадрид младиот Халанд веќе го гледа на „Бернабеу“, но првата вистинска понуда ја испрати Јувентус.
„Газета дело Спорт“ пишува дека „Старата дама“ за норвешкото фудбалско чудо подготвила 40 милиони евра и понудата веќе ја испратиле до челниците на Ред Бул Салцбург. Интерес за неговите услуги Јуве покажа уште пред Норвежанецот да заврши во австрискиот клуб.
„Проценив дека е прерано за во Јувентус. Салцбург е клуб кој најмногу ме сакаше и кој најдобро ми одговара“ – рече фудбалерот.
Erling Braut Håland is top of Fabio Paratici's list to reinforce the Juventus attack next summer – The Bianconeri are ready to invest €35m-€40m to beat the competition from Man United & Real Madrid. Director of the operation: Mino Raiola! [@NicoSchira] pic.twitter.com/R4nB9ZBkhK
— Forza Juventus (@ForzaJuve2017) October 31, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.