Спорт
Борко Ристовски: Димевски сака да ме заплаши, а мојата борба е таквите луѓе да ги тргнеме од спортот…Ќе тужам во Лозана за 230.000 евра

Голманот на РК Вардар и поранешен истакнат ракометен репрезентативец, Борко Ристовски, излезе пред јавноста да ја коментира четиригодишната суспензија од МОК, поради изнесување на „клевети, невистини за претседателот Даниел Димевски“ во ТВ емисија. Неговата правна поддршка, адвокатот Гого Анастасијевиќ, истакна дека суспензијата нема голем опсег.
„Ова покажува како се работи, како ја донеле одлуката, има за цел да ги заплаши, да ги одврати од намерите, стратешка одлука која има за цел да ја одврати јавноста, нејзиниот опсег не го задира Борко во неговата работа“, објасни адвокатот Атанасијевиќ.
Борко Ристовски ќе продолжи уште пожестоко, како што најави, да се заложува луѓето како Даниел Димевски да се тргнат од спортот.
„Одлуката на Даниел Димевски се базира на страв и на немоќ и тој мисли дека ќе ме одврати од тоа што сум го почнал. Човекот се одлучи да се крие зад МОК и ќе ви покажеме дека можеше да поднесе тужба за клевета, ние не ја почитуваме, нема да се жалиме, нема да им даваме легитимитет на нивни интерни одлуки. Мојата борба е да се тргнат ваквите луѓе од спортот, Димевски се прецени, мислеше дека со ваква банална рсбота ќе ме заплаши, напротив, само ме мотивираше“, изјави Борко Ристовски.
Тој најави и дека ќе поднесе тужба за отштета од 180.000 евра до 230.000 евра на Спортскиот суд во Лозана , а парите ќе ги донира во хуманитарни цели, односно за ФК Вардар и за РК Вардар. Нема намера да се кандидира за претседател на МОК, и ги повика Јавното обинителство и Антикорупциската комисија да се позанинаваат со МОК и со Даниел Димевски, доставувајќи и документи од неговите „малверзации“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ливерпул ќе биде два месеци без Алисон

Фудбалерите на Ливерпул, влегуваат во серијата тешки натпревари, без голманот Алисон Бекер.
Бразилскиот голман се повреди во средата, во поразот од Галатасарај (1:0), во Лигата на шампионите.
Алисон се пожали на повреда на „задната ложа“. Според првичните информации тој ќе отсуствува до крајот на ноември.
Голманот ќе пропушти неколку важни натпревари во овој период, како што се дуелите со Челзи, Манчестер Јунајтед, Манчестер Сити, како и Реал во Лигата на шампионите.
Арне Слот сега ќе се потпира на Георги Мамардашвили. Голманот на репрезентацијата на Грузија, минатото лето беше купен од Валенсија за 30 милиони евра, а на „Енфилд“ пристигна ова лето.
Фото/ Принтскрин
Спорт
Тен Хаг блиску до враќање во својот стар клуб

Ерик Тен Хаг наскоро би можел повторно да седне на клупата на клубот каде што бележеше најдобри резултати.
Во последно време, јавноста многу зборува за ненадејниот пад на кариерата на Тен Хаг откако беше отпуштен од Манчестер Јунајтед и Баер Леверкузен.
Според последните информации што доаѓаат од Холандија, Тен Хаг би можел да се врати во Ајакс, со кого постигна фантастични резултати пред пет години.
Великанот од Амстердам игра лошо од почетокот на сезоната, алармот е вклучен во клубот и според медиумите реално е Тен Хаг да се врати на „Јохан Кројф арена“.
Тен Хаг е отворен за преговори со челниците на Ајакс, па затоа договорот меѓу двете страни е многу веројатен.
Спорт
Браун ќе добие 140 милиони долари од Денвер

Денвер Нагетс се сериозни во врска со трошењето огромни суми пари за обнова на шампионскиот тим околу Никола Јокиќ.
Српскиот ас веројатно ќе потпише максимален договор следната сезона, а челниците на тимот од Колорадо сакаат да го осигурат останувањето на играчи кои ќе му помогнат да и донесе на франшизата уште една титула.
Во оваа група е и Кристијан Браун, кој ја одигра најдобрата кошарка во својот живот во сезоната 2024/25. Одличниот бек имаше 15,4 поени, 5,6 скока и 2,9 асистенции.
Неговите одлични игри ги принудија челниците на клубот да му понудат дури 140.000.000 долари за продолжување на соработката за следните пет години.
Се очекува 24-годишниот бек да ја прифати оваа понуда, иако прашањето е како челниците на Нагетс финансиски ќе ги испочитуваат останатите играчи во тимот.