Спорт
Борко Ристовски: Димевски сака да ме заплаши, а мојата борба е таквите луѓе да ги тргнеме од спортот…Ќе тужам во Лозана за 230.000 евра
Голманот на РК Вардар и поранешен истакнат ракометен репрезентативец, Борко Ристовски, излезе пред јавноста да ја коментира четиригодишната суспензија од МОК, поради изнесување на „клевети, невистини за претседателот Даниел Димевски“ во ТВ емисија. Неговата правна поддршка, адвокатот Гого Анастасијевиќ, истакна дека суспензијата нема голем опсег.
„Ова покажува како се работи, како ја донеле одлуката, има за цел да ги заплаши, да ги одврати од намерите, стратешка одлука која има за цел да ја одврати јавноста, нејзиниот опсег не го задира Борко во неговата работа“, објасни адвокатот Атанасијевиќ.
Борко Ристовски ќе продолжи уште пожестоко, како што најави, да се заложува луѓето како Даниел Димевски да се тргнат од спортот.
„Одлуката на Даниел Димевски се базира на страв и на немоќ и тој мисли дека ќе ме одврати од тоа што сум го почнал. Човекот се одлучи да се крие зад МОК и ќе ви покажеме дека можеше да поднесе тужба за клевета, ние не ја почитуваме, нема да се жалиме, нема да им даваме легитимитет на нивни интерни одлуки. Мојата борба е да се тргнат ваквите луѓе од спортот, Димевски се прецени, мислеше дека со ваква банална рсбота ќе ме заплаши, напротив, само ме мотивираше“, изјави Борко Ристовски.
Тој најави и дека ќе поднесе тужба за отштета од 180.000 евра до 230.000 евра на Спортскиот суд во Лозана , а парите ќе ги донира во хуманитарни цели, односно за ФК Вардар и за РК Вардар. Нема намера да се кандидира за претседател на МОК, и ги повика Јавното обинителство и Антикорупциската комисија да се позанинаваат со МОК и со Даниел Димевски, доставувајќи и документи од неговите „малверзации“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шок во Минхен, Рагник не сака да биде тренер на Баерн
Ралф Рагник сепак нема да биде тренер на Баерн Минхен. Кристијан Фалк, веројатно најпознатиот инсајдер кога станува збор за она што се случува во германскиот великан, тврди дека 65-годишниот стратег решил да се заблагодари на понудата и да ја продолжи работата како селектор на Австрија.
Баерн Минхен по завршувањето на сезоната ќе остане без Томас Тухел. Резултатите му пресудија на тренерот и тој ќе го напушти клубот, дури и да ја освои Лигата на шампионите.
Баварците, од јануари, се бво потрага по нов тренер. Најпрвин ги одби Чаби Алонсо, а потоа и Јулијан Нагелсман. Алонсо реши да остане во Баер Леверкузен, а Нагелсман го продолжи договорот со Фудбалскиот сојуз на Германија.
„Скај Спортс Германија“, вчера објави дека Рагник е во завршни преговори со Баерн.
„Рангник е извонреден познавач на фудбалската сцена. Тој има исклучителни вештини за развој на играчи и тимови. Сè што слушнав за австриската репрезентација под негово водство е многу, многу позитивно. Разговорите со него одат во вистинска насока. Ако дојде, тоа ќе биде многу добро решение за нас“, изјави вчера претседателот Херберт Хајнер.
Преговорите со Рагник сепак не завршија поволно за Баерн. Тренерот решил да ја одбие понудата и да остане селектор на Австрија. Со Фудбалскиот сојуз на оваа земја тој има договор до 2026 година.
Спорт
Ванкувер ќе потроши 442 милиони долари за организација на Мундијалот
Проценетите трошоци за одржување на Светското првенство во 2026 година на „Би Си Плејс“ стадионот во Ванкувер, дупло се зголемиле во последните две години, изнесуваат 422 милиони долари.
Во март 2022 година беше најавено дека во Ванкувер ќе се одиграат пет натпревари на Мундијалот чии домаќини ќе бидат Канада, Мексико и САД. Во меѓувреме Меѓународната фудбалска федерација (ФИФА) го зголеми бројот на натпревари на седум.
Документот се наведени торошоците на градот и покраината, заедно со работите на стадионот. Во ажурираните проценки влегуваат и факторите за сместување, работењето и барањата по посетата на ФИФА, зголемените претпоставки за инфлација и трошоците за основните услуги во јавниот сектор.
„Се разбира, ќе има повеќе трошоци и повеќе приходи, но ако се прошири на долг рок, придобивките се огромни и тие повеќе од сигурно ќе го исплатат тој дефицит“, рече градоначалникот на Ванкувер, Кен Сим.
Владата на Британска Колумбија соопшти дека натпреварите ќе привлечат околу 350.000 фанови во покраината и ќе генерира повеќе од една милијарда канадски долари, околу 727 милиони долари во туризмот во петте години по турнирот.
За реновирање на стадионот „Би Си Плејс“ е планирана инвестиција од 142 милиони американски долари.
Спорт
(Видео) Ѓоковиќ со неверојатен гест ги воодушеви најмладите во Црна Гора
Најдобриот светски тенисер, во регионот се подговтува за претстојните предизвици: Мастерсот во Рим, втроиот грен слем во сезоната Ролан Гарос, Вимблдон и Олимписките игри во Париз.
Ѓоковиќ од Дубровник се пресели во Тиват, каде со еден потег ги воодушеви најмладите.
Црногорските медиуми објавија дека тој се шетал во Тиват маскиран во рибар и играл тенис со најмладите низ градските улици.
По десетина минути Србинот ја тргнал маската (капата и брадата), настанала ерупција од воодушевување кога луѓето забележаа дека тоа е Новак Ѓоковиќ.
👋 @DjokerNole in Tivat,Montenegro today 🇲🇪#Djokovic @NDjokofan #Montenegro #NoleFam
📸:https://t.co/ffzvnRfzFq pic.twitter.com/lubTMT2DJK
— Milica Milutinovic (@MilicaM84932667) May 1, 2024