Спорт
Борусија Дортмунд остана без Јусуфа Мукоко во наредните шест седмици
Напаѓачот на Борусија Дортмунд, Јусуфа Мукоко, ќе паузира околу шест седмици, соопштија од клубот. Тој ќе го пропушти натпреварот од Лигата на шампионите со Челси како и другите важни натпревари за Борусија.
18-годишниот Мукоко има повреда на лигаментите на скочниот зглоб која ја заработи на мечот од Бундеслигата против Вердер Бремен.
„Ова е горчлива вест за него и за нас, особено во овој момент“, прокоментира спортскиот директор на Борусија, Себастијан Кел.
Мукоко, кој има два натпревари за германската репрезентација, оваа сезона постигна шест гола на 18 натпревари во Бундеслигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мекинли Рајт – МВП на АБА-лигата

Кошаркарот на Будуќност, Мекинли Рајт, го доби трофејот „Дејан Милојевиќ“ како најкорисен играч (MВП) од регуларниот тек на АБА лигата.
Американецот победи со 39,1 процент од гласовите пред неговиот клупски соиграч Кенан Камењаш (26,8 проценти) и Брајс Џонс (Игокеа, 23,9 проценти).
Рајт оваа сезона имаше просек од 12,8 поени, 2,4 скока, 4,9 асистенции и една украдена топка.
Претходни победници:
2014/15 Никола Јокиќ (Мега);
2015/16 Миро Билан (Цедевита);
2016/17 Никола Јанковиќ (Олимпија);
2017/18 Лука Жориќ (Цибона);
2018/19 Гога Битадзе (Иднина);
2020/21 Филип Петрушев (Мега);
2021/22 Никола Калиниќ (Црвена звезда);
2022/23 Лука Божиќ (Задар);
2023/24 Лука Божиќ (Задар);
2024/25 Мекинли Рајт (Будуќност).
Спорт
Енрике: Жал ми е што Мбапе замина, но очигледно е дека сме подобар тим без него

ПСЖ се пласира во финалето на Лигата на шампионите откако го победи Арсенал во реваншот на домашен терен. По победата со 1:0 во Лондон, славеше со 2:1 на домашен терен во Париз и се пласираше во финалето. Таму ги чека Интер, а натпреварот за титулата ќе се игра на 31. мај во Минхен.
ПСЖ на патот до финалето победи дури четири англиски клуба. Во главната, лигашка фаза го победи Манчестер сити со 4:2. Потоа во трите нокаут рунди ги нанижа, Ливерпул во осминафиналето, Астон Вила во четвртфиналето и Арсенал во полуфиналето.
По натпреварот, Луис Енрике доби големи пофалби, бидејќи е блиску до освојување на Лигата на шампионите во првата сезона без Килијан Мбапе.
Мбапе го напушти ПСЖ минатото лето, за „светците“ тој играше седум години, одигра 308 натпревари, постигна 256 гола и забележа 107 асистенции.
Иако остана без најдобриот играч и најдобриот стрелец во клупската историјата, Енрике импресивно стигна до финалето на Лигата на шампионите. Шпанецот се присети на изјавата што ја даде кога Мбапе замина во Реал:
„Бев многу храбар минатата сезона кога реков дека ќе имаме подобар тим без Мбапе. Сè уште го мислам тоа, а статистиката го потврдува тоа“, рече тој и додаде.
„Штета е што Мбапе си замина, но играчите го сфатија тоа како предизвик. Би сакал Мбапе да останеше, но другите играчи брилијантно одговорија на предизвикот. И секогаш ќе претпочитам да имам четири играчи кои постигнуваат по 12 гола отколку еден кој постигнува 40.“
Спорт
Кари ќе пропушти најмалку три натпревари

Стеф Кари сигурно ќе пропушти следните три натпревари на Голден Стејт Вориорс, односно ќе биде надвор од терените најмалку една недела поради повреда на задниот дел од левата нога.
Вориорс имаат скор од 1-0 во серијата од четири натпревари против Минесота Тимбервулвс во второто коло од плејофот на Западната конференција на НБА. До брејк во Минеаполис (88:99), Вориорс дојдоа без Кари, кој во првиот натпревар одигра само 13 минути.
„Секоја година плејофот е со прилагодувања, без разлика дали станува збор за тактики, повреди или состави, па затоа едноставно мора да се прилагодиме. Го направивме ова и претходно и сме уверени дека можеме да го направиме повторно“, рече тренерот Стив Кер.
Лидерот на Вориорс и четирикратниот шампион во НБА би можел да се врати на теренот во петтиот натпревар од серијата закажан за 14. мај во Минеаполис. Поверојатно е дека тој би можел да биде подготвен за евентуален шести натпревар во Сан Франциско на 18. мај.