Спорт
Босна и Херцеговина ја декласираше Финска, Данците минимално со Швајцарија (видео)

Босна и Херцеговина ги заддржа шансите за пласман на Европското првенство во 2020 година, откако со 4:1 ја победи Финска, директниот ривал за второто место во групата Ј, каде што вечерва Италија ќе може да го обезбеди „билетот“.
Данска, пак, со гол во 85. минута успеа да стигне до минимална 1:0 победа над Швајцарија и да се израмни со Ирска на врвот на групата Д со 12 поени, оставајќи ги Швајцарците на -4. Романија, пак, рутински стигна до 3:0 победа кај Фарските Острови за да се искачи на второто место во групата Ф пред Шведска, која вечерва и гостува на Малта.
Изет Хајровиќ им донесе водство на Босанците во 29. минута, пред Миралем Пјаниќ во 37. минута да го удвои водството со гол од пенал. Пјаниќ во 68. минута повторно стрелаше, пред Армин Хоџиќ да зголеми на 4:0 во 73. минута. Финците успеаја само да постигнат утешен гол преку Џоел Похјанпало шест минути подоцна.
Данците, пак, се намачија 84 минути со Швајцарците, пред напаѓачот на РБ Лајпциг, Јусуф Поулсен да им донесе 1:0 победа со која си ги зголемија шансите за пласман на континенталното натпреварување.
ЕВРО 2020, КВАЛИФИКАЦИИ
ГРУПА Д
Грузија – Ирска 0:0
Данска – Швајцарија 1:0
Табела: 1.Ирска 12, 2.Данска 12, 3.Швајцарија 8, 4.Грузија 5, 5.Гибралтар 0
ГРУПА Ј
Босна и Херцеговина – Финска 4:1
Италија – Грција 20.45 ч.
Лихтенштајн – Ерменија 20.45 ч.
Табела: 1.Италија 18, 2.Финска 12, 3.БиХ 10, 4.Ерменија 9, 5.Грција 5, 6.Лихтенштајн 1
ГРУПА Ф
Фарски Острови – Романија 0:3
Малта – Шведска 20.45 ч.
Норвешка – Шпанија 20.45 ч.
Табела: 1.Шпанија 18, 2.Романија 13, 3.Шведска 11, 4.Норвешка 9, 5.Малта 3, 6.Фарски Острови 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Холанѓанецот Ферстапен го надмудри Мекларен и ја оствари првата спринт победа

Возачот на Ред Бул, Макс Ферстапен, триумфираше на третата спринт трка во сезоната, која се одржа во рамките на Големата награда на Белгија, 13-то коло од овогодинешното првенство во Формула 1.
Холанѓанецот ја оствари својата прва спринт победа годинава со предност од седум и пол десетинки во однос на Оскар Пјастре од Мекларен. Третото место на подиумот го освои другиот возач на британскиот тим, Ландо Норис, кој беше нешто помалку од седум десетинки од секундата зад својот соиграч. Интересно е што спринт трката во Спа е прва во историјата откако Кристијан Хорнер повеќе не беше шеф на тимот во Ред Бул, па Верстапен му донесе триумф на тимот на дебито на Лоран Маки.
Фото: принтскрин
Спорт
Аморим: Нема да има распродажба во Манчестер јунајтед

Тренерот на Манчестер јунајтед, Рубен Аморим, изјави дека заинтересираните клубови нема да можат да добијат играчите, на кои клубот повеќе не смета, по „дисконтни“ цени објави денес Би-Би-Си.
Откако Маркус Рашфорд се пресели на позајмица во Барселона, Ентони, Џејдон Санчо, Алехандро Гарначо и Тирел Маласија беа изоставени од турнејата на Јунајтед во САД и се вратија на индивидуални тренинзи во тренинг центарот во Карингтон.
Бетис сака да го врати Ентони, каде што играше на позајмица минатата сезона, додека Јувентус е заинтересиран за Санчо, но тој прво мора да ослободи место во тимот. Гарначо се поврзува со неколку европски клубови.
Сепак, засега нема конкретни понуди, а се шпекулира дека клубовите ќе чекаат до последните денови од преодниот рок, надевајќи се дека Јунајтед ќе мора да ги намали цените.
„Техничкиот директор Џејсон Вилкокс, извршниот директор Омар Берада и целиот клуб јасно поставија цени за тие играчи. Доколку другите клубови не ги достигнат, тие остануваат играчи на Манчестер јунајтед, нема сомнение“, рече Аморим.
Аморим додаде дека некои играчи сакаат нов предизвик и дека клубот им дава време да размислат, но исто така рече дека потенцијалните купувачи не треба да се надеваат дека ќе може да ги добие овие играчи речиси за џабе.
Јунајтед веќе ги донесе новите засилувања Брајан Мбеумо, Матеуш Куња и Диего Леон ова лето, но сè уште бараат напаѓач и централен играч од средниот ред за да ги пополнат празнините во составот.
Аморим истакна дека е задоволен од сегашниот состав и дека е подготвен да ја започне сезоната со него. Манчестер јунајтед новата сезона ќе ја отвори со дербито против Арсенал.
Foto/ EPA
Спорт
(Видео) Шокираниот Медведев искрши сè по елиминацијата во Вашингтон

Дуелот помеѓу Данил Медведев и Корентан Муте ја донесе најлудата завршница и најлудиот поен на меч топка оваа сезона.
Муте, сензационално го победи Медведев во четвртфиналето на Вашингтон по пресврт и речиси два и пол часа борба со 1:6, 6:4, 6:4.
Апсолутно никој, а веројатно ни самиот Французин, не очекуваше таков исход, особено откако експресно го загуби првиот сет.
Погледнате како се одвиваше последниот поен на мечот.
😱 One of the most DRAMATIC match points you’ll see all year
🇫🇷 Moutet X Medvedev 🇷🇺 pic.twitter.com/FNnB4ACDmu
— Olly Tennis 🎾🇬🇧 (@Olly_Tennis_) July 25, 2025
Пред поздравот, Медведев лут го фрли рекетот на трибините, а што направи веднаш потоа… Па, погледнете го и тоа.
You can always recognize Russian psychopaths, even when they compete “without a flag.”
Given how fragile the Russian economy is, smashing rackets after humiliating losses has gotten too expensive. So Medvedev switched to bottles instead. pic.twitter.com/sHlx6M10tj
— Victoria (@victoriaslog) July 25, 2025