Спорт
Бостон го доби „класикот“ против ЛА Лејкерс, Јанис го урна шампионот
Беше како во старите добри времиња, а Бостон Селтикс магично дојдоа до продолжение и потоа ги совладаа Лос Анџелес Лејкерс на гости со 122:118 во најинтересниот дуел од синоќешната понуда во НБА лигата.
Леброн и другарите имаа водство од 106:93 на четири и пол минути до крајот и се чинеше дека натпреварот е во нивни раце. Сепак, Бостон Селтикс, моментно најдобриот тим во лигата, не се предаде. На крилата на Тејтум и на Браун ја намалија разликата, а на 18 секунди до крајот Тејтум донесе израмнување на својот тим на 110:110.
Лејкерс го имаа последниот напад, но шутот за победа и три поени го промаши Леброн Џејмс. Селтикс во дополнителните пет минути тргнаа во серија од 12:0 и на крајот остварија важна победа.
Тејтум мечот го заврши со 44 поени, девет скока и шест асистенции, а го следеше Џејлен Браун со дабл-дабл од 25 поени и 15 скока. На Лејкерс не им беа доволни 37 поени и 12 скока на Ентони Дејвис, како и 33 поени и по девет скока и асистенции на Леброн Џејмс.
Милвоки Бакс лесно го совлада актуелниот шампион Голден Стејт Вориорс со 128:111. Тимот од Висконсин веќе во првиот период воспостави контрола која ја реши со 11 поени предност (38:27) и релативно лесно ја приведе работата до крај.
Јанис Адетокумбо стигна до 30 поени и 12 скока со слаб шут од поле (9/26), Портис постигна 25 поени, а Мидлтон 20 поени. Стеф Кари го заврши натпреварот со 20, Камингс со 19, а Пул со 18 поени за Вориорс.
Јута Џез го декласираше најдобриот тим на Западот, Њу Орлеанс со 121:100, додека Хјустон Рокетс го победи Феникс со 111:97. Ембид уфрли 31 поен и ја предводеше Филаделфија до победа од 123:103 над Сакраменто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.