Спорт
Бостон ја декласира Филаделфија за 1:1 во полуфиналната серија
Кошаркарите на Бостон Селтикс ја совладаа Филаделфија Севенсиксерс убедливи 121:87 на паркетот во „Ти-Ди Гарден“. Со овој триумф избраниците на Џо Мазула израмнија на 1-1 во полуфиналната серија од Источната конференција во рамките на НБА плејофот.
Натпреварот го одбележа и враќањето на камерунскиот центар Џоел Ембиид во тимот од Пенсилванија. Брилијантниот 29.годишник го пропушти првиот меч од серијата поради повреда на коленото.
Во меѓувреме ја доби и наградата за најкорисен играч на сезоната (МВП), победувајќи ги Никола Јокиќ и Јанис Адетокумбо во таа трка.
Овој пат, Ембиид не можеше да ја спречи катастрофата на неговиот тим во Масачусетс.
Бостон Селтикс во првиот меч беа крајно критични кон својата игра во одбраната, а сега го „стегнаа“ ривалот и дојдоа до големо водство во втората четвртина.
Во третиот разликата се искачи на 30 поени и мечот практично заврши, иако најдобриот играч на Селтикси, Џејсон Тејтум имаше проблеми со личните грешки и постигна само седум поени.
На крајот најдобар играч беше Џејлен Браун, кој постигна 25 поени (9/17 од поле), а одличен придонес од клупата имаше Малколм Брогдон со 23 поени (7/15 од поле), Маркус Смарт и Дерик Вајт додадоа по 15 поени.
Во тимот на Док Риверс, Ембиид постигна 15 поени (4/9 од поле, 7/8 пенали), со пет блокади и по три скока и загубени топки за вкупно 26 и пол минути на паркетот.
Најефикасен кај Сиксерси беше Тобијас Харис со 16 поени (7/12 од поле) и седум скока, а Џејмс Харден натпреварот го заврши со 12 поени (мраз 2/14 од поле и 8/10 од поле), 10 скока и четири асистенции.
Следниот натпревар од серијата Бостон-Филаделфија е закажан за ноќта меѓу петок и сабота.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Хет-трик на Гризман за место во ЛШ, пресврт на Селта за опстанок во Примера
Фудбалерите на Атлетико Мадрид славеа на гости кај градскиот ривал Хетафе, додека Селта како домаќин во Виго забележа победа над Атлетик Билбао во натпреварите од 36. коло на шпанската Примера.
Тимот на Чоло Симеоне го победи Хетафе со 3:0 Хет-трик постигна Антоан Гризман.
Со овие три бода мадридските црвено-бели го потврдија четвртото место и пласман во Лигата на шампионите следната сезона.
Тоа стана јасно и математички бидејќи во исто време Атлетик Билбао беше поразен во Виго од Селта со 2:1.
Баскијците поведоа преку Алекс Беренгер во 23. минута, но светло сините го свртеа резултатот во вториот дел. Јунак на победата беше 20-годишниот Уго Алварез. Тој влезе во игра во паузата меѓу двете полувремиња и најпрво му асистираше на Швеѓанецот Вилиот Сведберг за израмнување во 68.минута, а три минути подцна постигна убав гол за 2:1.
Селта сега има пет бода повеќе од Кадиз, кој се наоѓа на 18.место на табелата.
Спорт
(Видео) Челзи на чекор до Лига Европа, Јунајтед подобар од Њукасл
Фудбалерите на Челзи направија значаен чекор кон Лига Европа со победата од 2:1 (1:0) во Брајтон, додека Манчестер Јунајтед на домашен терен го победи Њукасл со 3:2 (1:0).
Со нови три бода, избраниците на Маурисио Покетино ја задржаа предноста од три бода пред Њукасл и Манчестер Јунајтед.
На југот на Англија, Челзи поведе со голот на Кол Палмер во 34. минута, за Кристијан Нкунку во 64. да зголеми на 0:2.
Рис Џејмс заработи црвен картон во 88. минута, а Челзи до крајот играше со десет играчи, а во осмата минута од судиското надополнување, Дени Велбек успеа само да го ублажи поразот на Брајтон.
Многу возбудувања имаше на „Олд Трафорд“, на крајот славеше домаќинот.
Во 31. минута Коби Мајну погоди за водство на Манчестер Јунајтед, а Арон Гордон по брз контранапад во 48. минута успеа да израмни на 1:1.
Во 57. минута Амад Диало со одличен удар од далечина зголеми на 2:1, а потоа Ерик тен Хаг направи три измени пред крајот на натпреварот.
Тој во 83. минута ги внесе Расмус Хојлунд, Маркус Рашфорд и Лисандро Мартинез, а само минута подоцна беше постигнат третиот гол за домашните.
Хојлунд, го постигна 15. гол во сезоната.
Во судиското надополнување, Луис Хол во 92. минута намали на 3:2, но не можеше целосно да го избегне поразот.
Во последното коло Њукасл гостува кај Брентфорд, Манчестер Јунајтед кај Брајтон, додека Челзи го пречекува тимот на Бурнмут.
Спорт
(Видео) Рајо обезбеди опстанок, Димитриевски стана клупска легенда
Фудбалерите на Рајо Ваљекано на две кола до крајот на сезоната обездени опстанок во шпанската Примера.
Рајо во 37.коло ја победи Гранада со 2:1 и покрај тоа што од петтата минута играше со фудбалер помалку. Трехо доби црвен картон.
Лежен погоди за домашните во 23.минута, а во 80. предноста ја зголеми Де Фрутос. Почесниот гол за Гранада го постигна Боје во претпоследната минута.
На оовј натпревар македонскиот репрезентативец Столе Димитриевски влезе во историјата на рајо Ваљекано. Тој го одигра 190. натпревар и стана голман со најмногу натпревари во клупската историја.