Спорт
Бостон не успеа, Мајами ќе се борат за НБА титулата
Кошаркарите на Мајами ќе се борат за титулата во НБА лигата. Мајми во седмиот решавачки натпревар од финалето на Источната конференција го совладаа Бостон Селтикс со 103:84.
Ти-Ди Гарден во Бостон беше подготвен да влезе во историјата, но Мајами Хит ја распипаа планираната журка. Речиси 20 илјади души беа убедени дека нивната „династија“ ќе стане првиот тим од НБА и само шестиот тим во историјата на професионалните спортови во САД, кој успеа да ја добие серијата по негатива од 3:0. И дека трофејот Лери Брд, најголемата легенда на Селтикси, ќе му припадне на еден од нив (читај Џејсон Тејтум).
Ништо од тоа не се случи, во историјата влезе Мајами Хит. Тие станаа само вториот тим што стигнал до големото финале како осми носител, по Њујорк Никс во 1999 година.
Џими Батлер го водеше свпјот тим до победата. Бостон поведоа со 5:0 поведе, Мајми возврати со серија 15:6 и предноста не ја испушти до самиот крај. На крајот од првиот дел беше +7 (22:15), на полувреме +11 (52:41), а највисоката предност беше +22 во последната четвртина. На крајот сигурна, убедлива победа за повеќе од заслужен пласман во големото финале.
Споменатиот Батлер беше и најистакнатиот актер на натпреварот со 28 поени, седум скока и шест асистенции. Заслужено тој ја освои МВП наградата за најдобра играч во финалето на Истокот.
Голема поддршка имаше во Кејлеб Мартин кој имаше дабл-дабл од 26 поени и 10 скока.
На другата страна најефикасен беше Браун со 19 поени со осум скока и пет асистенции, Вајт забележа поен помалку, а главната ѕвезда на тимот Џејсон Тејтум се повреди во првата минута, но продолжи да игра со видливо куцање. Натпреварот го заврши со 14 поени (5/13 гол од поле) и имаше 11 скока.
Големото финале започнува ноќта меѓу четврток кон петок, а првиот натпревар на програмата е во Денвер во 2:30 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Доминација на Бањаја во Муџело
Франческо Бањаја, актуелниот сбетски првак го комплетираше совршениот викенд на трката за Големата награда на Италија. Пеко вчера победи во спринтот, а попладнево беше најдобар и во главната трка. Извонредниот викенд на Дукати на домашен терен во Муџело го надополни вториот возач Енеа Бастијанини во спектакуларен финиш дојде до втрата позиција.
бањаја ГН на Италија ја започна од петтата позиција, но имаше фантастичен старт и се проби до првата позиција по само три свиоци. Најголемиот ривал на Бањаја, Хорхе Мартин, го следеше во текот на целата трка.
Долго време водеа Бањаја, Мартин и Маркез, а ги следеа Бастианини и Акоста и се чинеше дека трката така ќе заврши. Сепак, спектакл на крајот приреди Енеа Бастианини.
На четири круга до крајот го престигна Маркез, а во последниот свиок успеа да излезе и пред Мартин.
На крајот Бањаја беше прв, а топ 15 ги комплетираа Бастианини (Дукати), Мартин (Прамак), Марк Маркез (Гресини), Акоста (ГасГас), Морбидели (Прамак), Ди Џанантонио (ВР46), Вињалес (Априлија), Алекс Маркез (Гресини), Биндер (КТМ), Алеиш Еспаргаро (Априлија), Фернандез (Трехаус Рејсинг), Бецеки (ВР46), Оливеира (Трехаус Рејсинг), Ринс (Јамаха).
Спорт
Дарио Ивановски победник на 8. Издание на “Охрид трчат“
Македонскиот атлетичар Дарио Ивановски победи на главната трка на 21 километар на 8. издание на Атлетскиот викенд „Охрид трчаТ“, што се одржа денеска низ улиците на Охрид.
Дарио полумаратонот го истрча за 1 час 10 минути и 1 секунда. На второто и третото место се пласираа атлетичарите од Бугарија Михаил Валковски (1:14:00ч.) и Николај Николов (1:15:44).
Победникот Ивановски покрај парична награда од 300 евра од Општина Охрид доби ваучер за десетдневни подготовки во Охрид пред настапот на Европското првенство и Олимпијадата, што ќе се одржат ова лето.
Најдобар резултат во женска конкуренција во трката на 21 километар оствари Милјана Ристиќ со резултат 1:30:01 ч., Јована Шубатлија од Србија заврши втора(1:30:40ч.), а трета финишираше Фросина Михајловска (1:31:35ч.).
Во трката на 5 километри победи Мирослав Спасов од Бугарија со време 18:11 минути, пред тркачите од Македонија Александар Арсов (19: 16м.) и Ријат Шеипи (19:32м.).
Во женска конкуренција на 5 километри најбрза беше Емили Иваноска од Македонија со време 24:25 минути, пред сонародничката Дарија Крстевска (24:28м.) и Весела Панчева од Бугарија (25:21м.).
Во штафетната трка на 21 километар најбрза беше екипата на Делта од Скопје, Македонија со време 1:15:55 часа, пред АК Аеродром (1:33:08ч.) и Стребениотес1 од Грција (1:34:02).
Наградите на најдобрите атлетичари им ги врачија претседателката на Македонија Гордана Сиљановска Давкова и градоначалникот на Охрид Кирил Пецаков.
На „Охрид трчаТ“ оваа година учество зедоа рекордни 2200 натпреварувачи од 31 земја. За организацијата и безбедноста на настанот кој мина во одлична атмосфера се погрижија 500 волонтери и припадници на полицијата.
Спорт
Терзиќ: Тие имаа инстинкт на убиец, а ние не
Борусија Дортмунд не успе да ја освои втората титула во Лигата на шампионите. „Милионерите“, во своето трето финале го доживеаја вториот пораз, останаа на трофејот од 1997 година. Борусија, синоќа во Лондон доживеа пораз од Реал Мадрид 0:2.
Тренерот на Борусија Дортмунд, Един Терзиќ, изјави дека неговите играчи одиграле одличен натпревар и откри зошто не победиле.
„Мислам дека одигравме одличен натпревар, можеби заслуживме подобар резултат од 0:2. Имавме чувство, особено во првото полувреме кога ги контролиравме. Игравме против најсилниот тим во ова натпреварување и одигравме брилијантно. На сите им покажавме дека дојдовме да победиме во финалето. Затоа и разочарувањето е толку големо. Направивме многу добри работи. Единствената разлика е во тоа што тие имаа инстинкт на убиец, а ние не“, изјави Терзиќ за камерите на државната телевизија ЗДФ. ЗДФ.
„Не ги искористивме ситуациите во кои вршевме притисок. Затоа пак се шампиони. Имавме чувство дека сме во добра позиција, дека играме избалансирано и дека сме многу блиску до целта. Донесовме 100.000 луѓе со нас во Лондон со верба дека можеме да победиме“, заклучи Терзиќ.