Спорт
Ботас прво беше најбрз, па се судри со Грожан! (видео)
Валтери Ботас постави најдобро време на вториот тренинг пред завршната трка од сезоната во Абу Даби, иако вечерта ја уништи со судир (за кој тој беше виновен) со Роман Грожан.
Возачот на Мерцедес беше втор најбрз со една десетинка заостанување зад Макс Ферстапен на стартот на сесијата со „средни гуми“, пред да направи предност од 0.310 пред колегата Луис Хамилтон со новиот мотор на Мерцедес, поради кој ќе стартува од последното место на неделната трка.
Подоцна во сесијата, додека беше на симулација на трка, тој направи неверојатно агресивен потег, влегувајќи во внатрешната страна пред Роман Грожан во Хас на 11-тата кривина, и откако Французинот не го виде, двајцата се судрија. Грожан не се врати на сесијата.
Трет најбрз беше Шарл Леклер во Ферари со 0.386 секунди послабо време од Ботас, а Ферстапен заврши како четврти со 0.551 секунди послабо време, три десетинки пред второто Ферари на Себастијан Фетел. По него следуваа Алекс Албон во Торо росо, Грожан за Хас, Серхио Перез за Рејсинг поинт и вториот возач на Торо росо, Данил Квјат.
Valtteri Bottas thought he had room to overtake on the inside
Romain Grosjean disagreed#AbuDhabiGP ?? #F1 pic.twitter.com/5Jk7vt6urk
— Formula 1 (@F1) November 29, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.