Спорт
Ботас за 0.006 секунди му ја „одзеде“ пол-позицијата на Хамилтон во Силверстоун
Валтери Ботас ќе го стартува утрешното Британско ГП на славната патека Силверстоун од пол-позицијата откако успеа да го победи својот колега од Мерцедес, Луис Хамилтон во денешните квалификации за само 0.006 секунди!
Иако за локалниот фаворит Хамилтон ова е незгоден удар, сепак, уште еднаш се покажа доминацијата на Мерцедес во овогодишниот шампионат, откако Шарл Леклер во Ферари успеа да го освои третото место пред Макс Ферстапен во Ред бул, додека Себастијан Фетел беше само шести зад вториот возач на Ред бул, Пјер Гасли.
„Беше навистина добро и се потсетив зошто го сакаме овој спорт толку многу. Беше тесно со Луис цел викенд и пресреќен сум што најдов круг да го победам“, вели Ботас.
Пред утрешната трка, Хамилтон можеше само да му честита на ривалот.
„Честитки за Валтери, тој заврши одлична работа, а јас едноставно не бев доволно добар. Ова е најдобрата ГП трка во годината и утре ќе уживам во енергијата на овие навивачи“, изјави Хамилтон.
Топ 10 ги комплетираат Даниел Рикардо (Рено), Лендо Норис (Мекларен), Александер Албон (Торо росо) и Нико Хилкенберг (Рено).
QUALIFYING CLASSIFICATION: A tenth career pole for @ValtteriBottas ?#BritishGP ?? #F1 pic.twitter.com/NKZEWXN81e
— Formula 1 (@F1) July 13, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Официјално – Лучано Спалети го презеде Јувентус
Поранешниот селектор на Италија, Лучано Спалети, официјално стана нов тренер на Јувентус.
Харизматичниот тренер дополнително го збогати богатото портфолио кога станува збор за големи тренерски работни места.
Претходно ги водеше Интер, Рома, Наполи и италијанската репрезентација, а во Јувентус доаѓа откако Игор Тудор беше отпуштен бидејќи „Старата Дама“ не постигна гол во лигата повеќе од еден месец и имаше серија од осум натпревари без победа.
Спалети го постигна својот најголем успех како тренер на Наполи кога го освои Скудетото во 2023 година. Со Рома освои два италијански купа и еден италијански Суперкуп, а трофеи освои само со Зенит, со кого беше двократен шампион на Русија и еднаш го освои Купот и Ссуперкупот на таа земја.
Тој беше селектор на Италија од 1 септември 2023 година до 9 јуни 2025 година и беше елиминиран во осминафиналето на ЕУРО 2024.
Спорт
Талески си заминал од Вардар 1961
Поранешниот македонски репрезентативец, Филип Талески, си замина од Вардар 1961.
Левиот бек, минатото лето се врати во Вардар 1961, но овој пат неговиот престој заврши по само неколку месеци.
Талески побарал од клубот договорот спогодбено да му биде раскинат и веќе се поздравил со соиграчите. Не бил задоволен од минутажата и улогата што ја има во тимот.
Левиот бек имал намера да остане во Македонија, но не успеал да се договорои со ГРК Охрид. Сега опција за Талески е преселба во Кувајт.
Foto/ facebook.com/rkvardar
Спорт
На Никола Топиќ му е дијагностициран рак
Никола Топиќ, плејмејкерот на српската репрезентација, се лекува од рак на тестисите со хемотерапија.
Информацијата ја презентираше Сем Прести, генерален менаџер на Оклахома Сити Тандер.
Важно е што лекарите се „исклучително позитивни“ за закрепнувањето на 20-годишниот кошаркар.
На 6 октомври, Топиќ бил подложен на операција на тестисите, но до оваа изјава на Прести, причината за оваа хируршка процедура не беше позната. Во меѓувреме, Тандер го продолжи договорот со српскиот кошаркар.
Прести потврди дека интервенцијата е извршена во Хјустон.
„Онколозите се многу позитивни во врска со неговата ситуација“, рече Прести.
Прести рече дека ракот на тестисите е најлечивиот облик на рак кај мажите, но за Топиќ е препорачана хемотерапија.
„Топиќ не сакаше да ги објави овие информации сè додека не ги започна третманите, што и го направи. Тој е тука, тренира, вежба, во текот на целиот овој процес“, додаде Прести.
Во моментов, не е познато кога Топиќ би можел да се врати на теренот, а тимот го става на прво место неговото здравје.
Засега, третманот ќе трае четири до шест недели.
„Топиќ е навистина извонреден млад човек. Мислам дека сите го знаат тоа. Тој е зрел, смирен, издржлив. Има сè што е потребно за некој што се справува со ваква ситуација и ќе ја надмине“, додаде Прести.
Да ве потсетиме дека Топиќ беше драфтуван како 12-ти пик во 2024 година, но ја пропушти целата сезона поради повреда на коленото.

