Андреј Тодороски го напути Спартак и се пресели во ТСЦ од Бачка Планка. Спартак од трансферот ќе заработи 450.000 евра и задржа 20 отсто од наредната продажба на Тодороски.

Андреј Тодоровски од почеткот на сезоната играше во добра форма. За Спартак одигра 19 натпревари и постигна шест гола.

Тодорски е роден во Прилеп, но од најмала возраст кариерата ја градеше во Австрија во Виена, Виенер и АКА Рапид.

Амбасадорот на Саудиска Арабија во Обединетото Кралство, Калид бин Бандар Ал Сауд изјави дека на Светското првенство во таа земја нема да биде дозволено консумирање алкохол.

Како што е познато, Саудиска Арабија е домаќин на Светското првенство во 2034 година, и тоа ќе биде посебно по многу нешта, а ќе биде единствено поради една причина – ќе биде првото каде што навивачите нема да можат да консумираат алхолни пијалоци.

Во интервју за ЛБЦ, принцот Калид бин Бандар Ал Сауд вели дека алкохолот нема да се продава никаде за време на турнирот, ниту во хотелите, ниту пак ќе се создадат посебни зони каде што ќе се служи пиво, како што беше случајот со Катар.

„Во моментов не дозволуваме алкохол“, вели принцот Калид, додавајќи:

„Можете добро да се забавувате без алкохол, тоа не е 100% неопходно, а ако сакате да пиете откако ќе заминете, добредојдени сте, но ние во моментов немаме алкохол“, вели Калид.

На прашањето дали навивачите ќе можат да пијат по враќањето во хотелот од стадионот, тој потврди дека тоа нема да биде можно.

Во Катар алкохолот можеше да се најде во споменатите фан зони и во хотелите.

Саудиска Арабија, како и Катар, има строги закони кога се во прашање истополовите врски и трансродовите лица, но на овие категории нема да им биде забрането слободно да доаѓаат и да се движат. Ќе бидат пречекани како и секој друг гостин.

„Сите се добредојдени во Саудиска Арабија. Тоа нема да биде саудиски настан, тоа е глобален настан, толку голем, ќе бидеме домаќини на сите што сакаат да дојдат“.

Саудиска Арабија во последните години троши огромни суми пари на големи спортски настани и ги носи најголемите фудбалски ѕвезди во својата земја. На овој начин, тврдат бројни организации за човекови права, Саудијците сакаат да го подобрат својот имиџ и слика за себе во светот поради кршењето на човековите права.

Вербалната пресметка меѓу Мауро Икарди и Жозе Мурињо ги забавува корисниците на социјалните мрежи.

Се започна пред десет дена, кога Мурињо објави на социјалните мрежи: „На Светското првенство во ракомет, кое штотуку заврши, мојата Португалија брилијантно стигна до полуфиналето. Затоа сакам да им честитам за ова достигнување и за влијанието што ќе го има врз младите во нашата земја“.

Но, како што често се случува со Мурињо, тука има финта. Тренерот на Фенербахче го илустрираше овој статус со фотографија од јасно играње со рака Давинсон Санчез, играч на Галатасарај, кое не е казнето со пенал.

На Мурињо му одговори Мауро Икарди. Напаѓачот на Галатасарај објави корици од книга на социјалните мрежи, со илустрација на расплаканиот Мурињо и натпис „The Crying One“, алузија на „A Special One“, прекарот на славниот тренер.

Не требаше долго да се чека одговорот на Мурињо. Пред денешниот натпревар меѓу Фенербахче и Андерлехт во Лига Европа, тој ја коментираше реакцијата на Икарди на новинарско прашање: Јас сум „A Special One“, а не „Special One“. И оној со кариера која трае 25 години и во која освоив 26 титули. Што се однесува до статусот на Икарди… Тој е „G.O.A.T“ и нема да ги коментирам неговите зборови“.

Ова предизвика големи контроверзии на социјалните мрежи. Јасно е, имено, дека Мурињо иако кажа дека Икарди е „goat“ во смисла дека е кратенка од G.O.A.T или „најголем на сите времиња“, тоа го направи саркастично. И тоа е едно од толкувањата.

"Icardi is a goat, I refuse to comment on goats" 🐐

Fenerbahce boss Jose Mourinho responds to Galatasaray's Mauro Icardi who called him "the crying one" 👀 pic.twitter.com/HKMMSt8ZeS

— Sky Sports News (@SkySportsNews) February 12, 2025

Деновиве е актуелната приказна, има и докази дека поранешната сопругата на Икарди, Ванда Нара, го изневерувала, со соиграч, изјавата на Мурињо може да значи и нешто друго, односно дека додека бил во брак сопругата му ставила рогови.

„Goat“, како именка (а не кратенка) значи коза (јарец) . А тоа животно има рогови, како што пишуваат многу фудбалски фанови вклучени во дебатата.