Фото/ ffm.mk

Втор месец по ред фудбалската репрезентација на Македонија напредува на ФИФА листата. На најновата „скокна“ две позиции и во поредкот на најдобрите светски репрезентации се наоѓа на 67.место.

Во ноември, Македонија забележа две победи во Лигата на нации, против Латвија и Фарски Острови. Лигата на нации Македонија ја заврши на првото место во својата група и избори пласман во Б-дивизијата.

Инаку, во Топ 10 се врати Германија, а испадна Колумбија, останатите девет селекции се истит од минатото рангирање, со одредена промена на позициите. Аргентина е прва пред Франција, Шпанија, Англија и Бразил, Португалија и Холандија, скокнаа за едно место, сега се на шестото и седмото, а Белгија падна за две позиции и сега е осма, Италија го задржа дветтото место, а десетта е Германија.

Полската тенисерка Ига Швјонтек, до неодамна број еден на планетата, падна на допинг тест и поради тоа е суспендирана.

Оваа информација ја објави Меѓународната единица за интегритет (ИТИА), истата организација која претходно беше задолжена за случајот со Јаник Синер.

Се наведува дека Ига Свјонтек била позитивна на забранетата супстанција триметазидин (ТМЗ).

Истрагата на ИТИА покажа дека причина за позитивниот резултат е контаминација на стандардната медицинска терапија што ја земала тенисерката.

Затоа, слично како кај Синер, беше донесена пресуда дека моментално втората тенисерка на планетата не сноси директна вина за позитивниот наод.

Во своја одбрана таа нагласи дека немала намера да ја внесе забранетата супстанца во своето тело. Таа објасни како нејзиниот лекар, експерт за спортска медицина, и препорачал лек кој требало да ги намали негативните ефекти од џет-лаг поради постојаното патување, без таа да знае дека лекот ја содржи споменатата забранета супстанца.

ITIA објави дека Швјонтек прифатила едномесечна суспензија откако беше позитивена на допинг тестот во август оваа година.

Казната е ваква затоа што наводно Швјонтек немала намера да користи незаконски средства.

Беше објавено дека Ига веќе била суспендирана во текот на септември и октомври кога не играла на азиската турнеја.

Во текот на оваа година Швјонтек го освои Ролан Гарос, додека во полуфиналето на Олимписките игри во Париз беше поразена од Кинеската Женг.

Таа до неодамна беше број еден во светот, кога приматот го презеде Белорусинката Арина Сабаленка.

Извор/ rkalkaloid.mk

По успешниот старт на сезоната во кој екипата комплетираше 14 победи по ред меѓу кои и два натпревари од Европскиот ЕХФ Куп против литванскиот претставник Клаипеда Драгунас, РК Алкалоид се наоѓа пред вториот европски предизвик сезонава.

Во третото коло, РК Алкалоид за пласман во 1/8 финалето ќе игра против екипата на Вест Виена од Австрија.

Вест Виена е клуб со богата, речиси 80 годишна традиција и вредни резултати во кои се запишани и шест шампионски титули во домашното првенство едно полуфинале во Лигата на шампионите на ЕХФ.

Последната шампионска титула ја освоија во 2023 година, но соочен со економски проблеми, клубот истата сезона се повлече од најсилното натпреварување.

Веднаш успеа да се врати во најсилната конкуренција, а во процесот го освоија и Куп на Австрија со што се здобија со право да настапат во годинешниот ЕХФ Европски Куп.

Во второто коло, Вест Виена играше два натпревари на Фарски острови против екипата на Вестмана ИФ. На првиот меч победија со 29-22, разликата ја одбранија на реваншот што го загубија со 30-34.

„Виена е екипа која е составена од младински репрезентативци од Австрија, тим против кого нашите младинци одиграа ова лето нерешено. Противникот е технички добро подготвен и трча многу добро. За нас како тим тоа ќе биде одлично бидејќи играме ист ракомет. Гледачите во рок од 48 часа ќе можат да гледаат два добри натпревари. Наша цел е победа, но за тоа треба да одиграме. Мораме да бидеме максимално сериозни во пристапот, наша цел е да го надоградуваме нашиот систем. Се надевам дека ќе има повеќе публика во Автокоманда. Овие момци во периодот во кој измина заслужија да имаат поддршка особено на европски натпревари“, изјави тренерот на Алкалоид, Кирил Лазаров.

Двата натпревари ќе се играат во салата „Автокоманда“. Во петок (29 ноември) и сабота (30 ноември). Двата натпревари се закажани со почеток од 19:00 часот.