Спорт
Браќата Леклер ќе влезат во историјата на Формула 1
Браќата Шарл и Артур Леклер ќе напишат историја на Формула 1 во петок кога ќе учествуваат на првиот слободен тренинг со болидите на Ферари пред Големата награда на Абу Даби закажана за недела, 8 декември на патеката „Јас Марина“.
Тоа ќе биде прв пат од постоењето на Формула 1, браќата како клупски колеги официјално да учествуваат во Ф1 викенд.
Шарл е еден од најдобрите возачи на денешницата, додека неговиот помлад брат е развојен возач на Скудерија. Артур ќе го замени Карлос Саинц на првиот слободен тренинг в петок.
Прописите на ФИА налагаат дека секој Ф1 возач мора да го отстапи местото на дебитант со помалку од два старта во гран-при трките. Британецот Оливер Берман, резервниот возач, е нема право бидејќи веќе се тркаше оваа сезона со Ферари и Хас. Берман го возеше болидот на Шарл Леклер на тренинзите во Мексико, а потоа седна во болидот на Хас, на местото на болниот Кевин Магнусен во Хас на трката за Големата награда на Бразил.
Во средата, Ферари твитна слика на која се прикажани браќата заедно во исти комбинезони со натпис „креатори на историјата“.
Making Formula 1 history 👑@Charles_leclerc and @arthur_leclerc7 will be taking part in Friday’s FP1 season as team-mates. You won't want to miss this 🤩 pic.twitter.com/lgUU2WAk7v
— Scuderia Ferrari HP (@ScuderiaFerrari) December 4, 2024
Минатата година Артур возеше во Формула 2 и ја заврши сезоната на 15. место. Тој ја помина оваа година како развојен возач на Ферари.
Шарл и Артур ќе бидат првите браќа кои возат за истиот тим. И порано имало случаи на браќа кои возеле во Ф1. Сигурно најпознати Германци се Михаел и Ралф Шумахер, но не во ист тим.
Мексиканците Педро и Рикардо Родригез возеле за Ферари, но не во исто време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Официјално – Лучано Спалети го презеде Јувентус
Поранешниот селектор на Италија, Лучано Спалети, официјално стана нов тренер на Јувентус.
Харизматичниот тренер дополнително го збогати богатото портфолио кога станува збор за големи тренерски работни места.
Претходно ги водеше Интер, Рома, Наполи и италијанската репрезентација, а во Јувентус доаѓа откако Игор Тудор беше отпуштен бидејќи „Старата Дама“ не постигна гол во лигата повеќе од еден месец и имаше серија од осум натпревари без победа.
Спалети го постигна својот најголем успех како тренер на Наполи кога го освои Скудетото во 2023 година. Со Рома освои два италијански купа и еден италијански Суперкуп, а трофеи освои само со Зенит, со кого беше двократен шампион на Русија и еднаш го освои Купот и Ссуперкупот на таа земја.
Тој беше селектор на Италија од 1 септември 2023 година до 9 јуни 2025 година и беше елиминиран во осминафиналето на ЕУРО 2024.
Спорт
Талески си заминал од Вардар 1961
Поранешниот македонски репрезентативец, Филип Талески, си замина од Вардар 1961.
Левиот бек, минатото лето се врати во Вардар 1961, но овој пат неговиот престој заврши по само неколку месеци.
Талески побарал од клубот договорот спогодбено да му биде раскинат и веќе се поздравил со соиграчите. Не бил задоволен од минутажата и улогата што ја има во тимот.
Левиот бек имал намера да остане во Македонија, но не успеал да се договорои со ГРК Охрид. Сега опција за Талески е преселба во Кувајт.
Foto/ facebook.com/rkvardar
Спорт
На Никола Топиќ му е дијагностициран рак
Никола Топиќ, плејмејкерот на српската репрезентација, се лекува од рак на тестисите со хемотерапија.
Информацијата ја презентираше Сем Прести, генерален менаџер на Оклахома Сити Тандер.
Важно е што лекарите се „исклучително позитивни“ за закрепнувањето на 20-годишниот кошаркар.
На 6 октомври, Топиќ бил подложен на операција на тестисите, но до оваа изјава на Прести, причината за оваа хируршка процедура не беше позната. Во меѓувреме, Тандер го продолжи договорот со српскиот кошаркар.
Прести потврди дека интервенцијата е извршена во Хјустон.
„Онколозите се многу позитивни во врска со неговата ситуација“, рече Прести.
Прести рече дека ракот на тестисите е најлечивиот облик на рак кај мажите, но за Топиќ е препорачана хемотерапија.
„Топиќ не сакаше да ги објави овие информации сè додека не ги започна третманите, што и го направи. Тој е тука, тренира, вежба, во текот на целиот овој процес“, додаде Прести.
Во моментов, не е познато кога Топиќ би можел да се врати на теренот, а тимот го става на прво место неговото здравје.
Засега, третманот ќе трае четири до шест недели.
„Топиќ е навистина извонреден млад човек. Мислам дека сите го знаат тоа. Тој е зрел, смирен, издржлив. Има сè што е потребно за некој што се справува со ваква ситуација и ќе ја надмине“, додаде Прести.
Да ве потсетиме дека Топиќ беше драфтуван како 12-ти пик во 2024 година, но ја пропушти целата сезона поради повреда на коленото.

